للمتخصصين في ادارة الموارد البشرية ، وادارة الأعمال فقط فقط فقط !!

[مجهول الهوية 007]

بسم الله الرحمن الرحيم

يا شباااب ويا بناات سوف نقوم بتقديم خطاب لكل من وكيل الكلية ورؤساء الاقسام بتقديم مواد الترم التاسع عشان الواحد يقدر يتخرج في الترم الثامن اذا نزل صيفي ...


على العموم نبغى تفاعل من الشباب والبنات وياليت بنت من قسم البنات تتكفل بجمع الموافقات للطلابات


ونص الخطاب :



بسم الله الرحمن الرحيم



الحمد لله رب العالمين والصلاة والسلام على أشرف الانتبياء والمرسلين سيدنا محمد وعلى اله وصحبه أجمعين . اما بعد :

سعادة وكيل كلية الاقتصاد والإدارة الدكتور : توفيق عبدالمحسن الخيال حفظه الله ،

سعادة رئيس قسم ادارة الموارد البشرية الدكتور : خالد عبدالرحيم ميمني حفظه الله ،

سعادة رئيس قسم ادارة الأعمال الدكتور : عبدالحميد أحمد دياب حفظه الله ،

نحن طلاب تخصص إدارة الموارد البشرية ، وطلاب تخصص إدارة الأعمال ، نرفع لكم طلبنا هذا بخصوص تقديم مواد الفصل التاسع لكي يتسنى للبعض التخرج في الفصل الثامن .
والمواد هي :
1- مادة إدارة الأداء ( بشر 445 )
2- مادة القيادة ( ادر 426 )

فنرجوا منكم التكرم بالنظر في طلبنا هذا وتطبيقه على الأقسام في اقرب وقت ممكن .

وتقبلوا فائق الاحترام والتقدير ،،،

ابنائكم طلاب كلية الاقتصاد والإدارة : ( قسم ادارة الموارد البشرية ) – ( قسم ادارة الأعمال )


والسلام عليكم ورحمة الله وبركاته





- مرفق خلف الورقة كشف بأسماء الطلاب الذين يريدون تسجيل هذه المواد .








-------------



ارائكم

[يارب افرجها من عندك]

حاولنا كثييير من عندنا وكل مرة نكلمهم يقولولنا من عند الطلاب احنا مابيدنا شي

وقالوا لازم تكلموهم قبل بفترة عشان يقدروا يجهزو المناهج والدكاترة

نتمنى انه يفتحولنا هيا عشان الواحد يتخرج قبل ومايستنى ترم كامل على مادتين او تلاتة

وياليت كل دفعة 2010 موارد وادارة اعمال يتفاعلو مع الموضوع ونسجل اسامينا وارقامنا

حتى اللي ما حيقدر يتخرج في المستوى الثامن ((باقيتله مواد كتير)) يكتب اسمه عشان اللي يبى يتخرج


والف شكر اخ مجهول لطرحك على الموضوع

[مجهول الهوية 007]

نحتااااج تفاااعل من الجميع

[رنو العسولة]

انا كمااااااااااااااااااااااان معااااااااااكم

[battota]

انا معاااااااااااااااكم كمان

انا hr ......وبالتاسع بس عندي ماده اداره الاداء فأبغااا ينزلوها صيفي ياريت

بس قولناااااا اش نسوووووووووي

ومرررررررررره شكرا

[ωαнм]

حلووو ابدأو ياشباب من عندكم
دام ان البنات تكلموا وقالوا مايصير الا من عندكم ,
وشوفوا اش يقولون لكم ؟؟

[dod]

طيب حتى احنا نبغى نتخرج في الترم الثامن ،،، كل التخصصات يبغوا

[باور هورس]

أنا بصراحه ضدكم تماماً
اول شيء أنا مو مجبور انزل صيفي
الاجازه الصيفية للراحة بعد عناء سنة دراسية يعني مو للدراسه
عشان يرجع بعد الإجازة بحيوية ونشاط
لكن اللي يأخذ صيفي يخش في السنة الجديدة وهو طفشان قرفان من الدراسة وينعكس على حضوره وتركيزه واجتهاده وبعدين ينعكس على المعدل

وانا أشوف انهم يخلونها10 أترام
يعني الواحد ينزل مواد قليلة كل ترم ويركز اكثر ويجيب معدل حلو

ما ادري مستعجلين على ايش
وش الفائدة اذا الواحد ينزل 6 او 7 مواد في الترم
ويقول لــك ابغا اخلص بدري وفي النهاية المعدل جيد ولا مقبول
يعني تعبت نفسك عالفاضي
أنا ما عندي مشكله لو اجلس 6 سنوات اهم شيء أتخرج بمعدل حلووو

[nsetk]

انا مع كلام بور وبقوة بعد

كنت ابغا اخلص بدري وابغا اتخرج في الترم التاسع مااتاخر

والنتيجة !!!

نزلت الترم ذا ستة مواد تخصص وعامه دسمة جدا

وطلعت برسوب في ماده ومادتين باقيه مااتختبرتها واي اغلطه في المادتين في الفاينل ارسب

كان ترم ضغط جدا

والمعدل حدث ولا حرج

كنت اتمنى اقدم على ماستر اول مااتخرج بس بالمعدل ذا باقشر بصل


بجد ندمت اني نزلت ذي المواد وضغطت نفسي عشان ابغى اتخرج بدري
وشفت كيف تعبت في الكرف واثر على معدلي حيل والله فرق

[يارب افرجها من عندك]

بالعكس نسيتك حبيبتي

المواد دا الترم مرة دسمة وكلنا نفس الشي وكل احد بس يبغى يعدي دا الترم

ويا بور كل ماتجلس في الجامعة ترم زيادة كل ماتطفش زيادة ونفسك تخلص بسرعة
ولمن تجلس في الجامعة هدا الشي حيأثر على مزاكرتك بس حتمشي اي شئ
وبس تبغى تخلص ومالك نفس تزاكر

ااما لو ضغطت نفسك عشان تخلص في 8 اترام حتجهد نفسك وتزاكر عشان دا حيكون اخر ترم لك وتنجح بمعدل عالي

وبعدين هيا حتكون مادتين زيادة ف بالعقل ايش تجلس ترم كامل من سنة جديدة عشان مادتين
ولا تحط دي المادتين في الترم الاخير وتخلص؟؟؟

ولو عالمعدل ،،،المعدل في الترم الاخير لو جبت كلو a+ مايتغير الا 0,4 او0,5بالكتييييير

والصيفي بالنسبة لنا احنا البنات ماعندنا صيفي الا في مواد حرة ف لو جينا اخدنا مواد حلوة اكيد حناخد اشياء سهلة وماحنتعب نفسنا في شي كتير ويتزاكر كتير مرة


عموما كل واحد له رأيه
ونبغى نجمع اكبر عدد ممكن عشان يفتحولنا المواد