البنات اللي اختبرو التحريري يدخلو بسرعة

[kaadi]

السلام عليكم ورحمة الله وبركاته....
عندي استفسار ابغى اعرف كيف عرفتو انه في اختبار تحريري؟
في البداية لمن سجلت كانو كاتبين ان اختبار تحريري للطلاب فقط!! متى غيرو رأيهم؟؟ بدون مايحطو خبر اواعلان واضح للجميع
مو حرام ضيعو عليه الدبلوم هذي السنة!!
طول عمرها جامعة الملك عبدالعزيز زي كذا!!!

حسبي الله ونعم الوكيل........

[.. [ حَ ـلمْ لينــا ] ..]

الله يعوضك بخير ان شاء الله

حبيبتي محد راح يجي ويقولك عن شي انتي ابحثي ودوري

واسألي وراجعي الجامعة ؟؟

الاعلان نزل في الجامعة

ونزل هنا في المنتدى من بدري..

الله يعوضك وتنقبلي السنه الجايه

[نوووتي]

الله يعوضك خيررر

[طموح حالمه]

الخيره فيما اختاره الله ..

[شواطئ البحر]

وعليكم السلام ورحمة الله

هلا كادي
حأجوبك ع أستفسارتك
بس جاوبيني أول
لما قدمتي طلب تسجيل هل طبعتي أستمارة المراجعة؟؟؟



أستمارة المراجعة في البند الثاني من إقرار
مكتوب بالنص
موعد المقابلة الشخصية يحدد يوم الأختبار في مبنى برنامج الدبلوم العام في التربية


طبعاً البنات هنا في منتدى جاءهم ألتباس وشك مكتوب في بداية اختبار للطلاب فقط
وعند طباعة الأستمارة يوجد أختبار يوم الأربعاء
فجزاهم الله خير راحو للدبلوم وسئلو وقالو لهم ايوه في اختبار بنفس اليوم أللي تطلعلك بأستمارة في مبنى 420 غرفة كذا


طيب نقول ماقريت الأستمارة أوما انتبهتي لليوم الاختبار

في أعلى الأستمار موجود
النتيجة: تم ترشيحك
موعد المراجعة : الساعة التاسعة صباحاً يوم الأربعاء 18/7/1431
مكان المراجعة: مبنى الدبلوم التربوي العام

سؤال هل جيتي يوم الأربعاء !!!!!!!!!

[أم سامر]

الخيرة فيما اختاره الله

[kaadi]

شكرا لكل البنات اللي ردو.......والخيره فيما اختارها الله والله يعوضني خير
اختي شواطيء البحر انا طبعت الاستمارة لكن ما فيها شي من اللي قلتيه....فالبالتالي ماجيت الأربعاء لانه موعد المقابلات تبدأ اليوم فجيت اليوم وصعقت من الخبر

[شواطئ البحر]

أجل أش مكتوب في الأستمارة ؟؟؟

اهم حاجة موعد مراجعة أذ مو مكتوبه لك اش كتبو!!!!

[عماد الحسن]

الله يعينكم على دراسة الدبلوم ويعوضكم خير في كل هذه الإجراءات

والمفروض إنكم تتابعوا الكلية والمنتدى لمعرفة كل التطورات والأنظمة
لأنه لو فاتتكم خطوة واحدة ممكن كل البرنامج يضيع عليكم ويفوتكم التقديم
ولكن الأمل موجود في الأيام القادمة وربنا يعينكم ويسهل لكم طريق العلم.

[kaadi]

طيب في امل لو راجعتهم وشرحتلهم ايش صار؟؟