اتصال بدون بيانات ارجوا المساعده

[حائره]

السلام عليكم

بنات بنت خالتي اتصلوا عليها اليوم وتقول ردت اختها الصغيره اللي بالمتوسط

وقالوا لها خليها تجي بكره المقابله واختها مو متذكره لا الوقت ولا اللجنه ولا حتى المبنى

ومرره زعلانه وخايفه يروح عليها

فبسأل يعني الاسماء تكون بمحل معين تروح تسأل عن قاعتها ولا ايش تعمل بالضبط

وكمان تقول اللي حظرت المقابله ياليت تعطيها نبذه عن الاسئله وايش المعلومات المطلوبه


وبالتوفيق للكل يااااارب

[زهور العشق]

ياقلبي انا قالولي المقابلة في مبنى الادارة العامه الساعه وحده الاربع طبعا بروح قبل كذا
خليها تروح بدري اضمن لها وتسال عن موعد مقابلتها او ترجع تتصل على نفس الرقم إن شاء الله يردو عليهااا..
وبالتوفيق للجميع

[ام مرزوق]

السلام عليكم
اولا بالتوفيق ان شاء الله وبالنسبة للمقابلة صراحة جلست اكتب بقوقل مقابلة شخصية واقرأ من هالمواضيع ويقولوا اهم شي عدم التوتر
و ياليت ياختي بعد ما تخلصي مقابلتك على خير تسأليهم متى نعرف النتيجة وهل ممكن تطلع الاسماء بموقع الجامعة صفحة الدبلوم لأنه صراحة انتظار ومراقبة الجوال امر مرهق
والله يعين الجميع

[أم سامر]

خليها تروح بدري مبنى الادارة العامة هناك تكون المقابلات
وتسأل عن وقت لجنتها في كشوف بالأسماء اكيد راح يفيدوها
خليها تروح من الساعة 9 صباحا

[j0ojo0]

وعليكم السلام ..ام مرزوق
انا اليوم كانت مقابلتي الشخصيه..
اول شي جاني اتصال يوم الاحد بعد صلاة المغرب وقالت مقابلتك بكرا الساعه 11 لجنه 2
رحت الصباح من بوابه شماليه 2 اللى عند الخيمه الرياضيه ودخلت مبنى الاداره العامه وكانت في استاذه تسأل ايش تبغي قلت لها موعد المقابله الشخصيه للدبلوم سألتنى اسمى وكان معاها كشف واشرت على اسمي واعطتني ورقه قالت عبي البيانات واعطيهاا للجنه اذا دخلتي المهم عبيت البيانات وكانت الورقه اسم المتقدمه تاريخ الميلاد سنة التخرج معدلك الدورات اللغه الانجليزيه التخصص الخبرات المهارات او الهوايات ناسيه << وعلى حسب اللى تكتبيه يكون الاسئله يعنى دورة حاسب كم سؤال عن الحاسب وزي كذا وايش استفدتي من الدوره وكم عدد الساعات
اما الهوايات ركزي ايش تكتبي يعني لو كتبتى قراءة الكتب اسم الكتاب والمولف ومتى اخر مرا قرأتي والجرائد نفس الشي جريدة ايه والمواضيع اللى تقراءها وكمان الكتاب وليه تحبي اسلوب الكاتب اذا كان مشهور طبعاا << حاولي تتفلسفي هناا عشان يضيع الوقت
المهم بعدين انتظرت شوي ونادت عليا الاستاذه مع بنتين وطلعنا الدور الاول جلسنا بقاعه اجتماعات والمهم بعدين جاء دوري دخلت
كانت اللجنه استاذه وحده بس
السلام عليكم ورحمه الله وبركاته ..جلست بعدين جلست تقلب بالورق وبس سألتنى ليش تبي تدرسي تربوي ؟؟
قلت بسم الله الرحمن الرحيم ابدا اعرفك عن نفسي اسمي ..خريجه جامعه الملك عبدالعزيز عام ..تخصص .. معدل .. تقدير.. وابتسمت لهاا وابتسمت << اشوفها كتبت شي بالورقه
سألتنى السوال مرا ثانيه ليش تبي تدرسي تربوي ؟؟
اكتساب خبره ومهاره وقدره على التدريس وزيادة ثقتى بنفسي للتعامل مع الطالبات واتعلم طرق تدريس حديثه..
ايش استفدتي من تخصصك بالحياه؟ استفدت كثير من النواحي الشخصيه والعلميه شخصيا اصبحت اكثر دقه والتزام للتعامل مع المشاكل والصعوبات اللى تواجهنى سوا في حياتى الشخصيه او العلميه ..ومن النواحي العلميه اكتسب مهارة القرءاه والاطلاع على المقالات العلميه التى تهتم بتطور علم الكيمياء وبكل صراحه تشدني واستمتع بقراءتهااا ..قالت وش الفايده طيب بأيش استخدمتيها بحيااتك ماعرفت وش ارد بصراحه توترت << عندي الاجابه بس مدري كنت اقدر اقول اقدر اقرأ مكونات اي مستحضر او دواء واعرف نسب المواد فيه وهـ الشي يفيدنى لان بعض المواد مضره بصحتناا وخصوصا مستحضرات التجميل وبالذات الفورمالديهايد الذي يسبب السرطان واغلب مستحضرات التجميل الرخيصه لابد ان يكون به هـ المركب وقد يسبب ايضا الالتهابات واحمرار الجلد
سالتني بعدين الملك عبدالله وين سافر ؟؟ قلت اللى واشنطن لمقابلة باراك اوباما قالت سافر وين كمان مااعرفت بصراحه
بس تفلسفت وقلت الى جامعة الملك سعود ليرى اول سياره سعودية( غزل)
سألت وعرفت .. يبدأ جولة خارجية
للمشاركة في القمة الاقتصادية لمجموعة العشرين التي ستعقد في كندا
واشنطن والمغرب وباريس
قالت لي شكرا... قلت لهاا كيف المقابله ؟؟ ابتسمت وقال ان شاء الله خير قمت وسألتها عن اسمهاا ..وقلت تشرفت بمعرفتكي ويعطيك العافيه ابتسمت وهزت راسهاا وقلت مع السلامه وطلعت وبس
ويااااااااااااااارب انقبل .......ياارب

[عماد الحسن]

أشكر الأخت كاتبة الموضوع وكل الأخوات المشاركات لهذه الأخبار الطيبة

كما أشكر الأخت http://www.skaau.com/vb/member.php?u=127466 لهذه القصة المفصلة عن المقابلة الشخصية للدبلوم التربوي، وأنا درست الدبلوم عام 28هـ بمنحة خاصة وبدون مقابلة، أما المقابلة الشخصية فقد عملتها في القبول للماجستير في تقنيات التعليم وكانت شبيهة بالخطوات التي ذكرتها الأخت ... وفقكم الله جميعاً ومن المقبولين بحول الله.

[j0ojo0]

لاشكرا ع واجب اخ عماد الحسن
ولكن حبيت افيد الاخوات بطبيعة المقابلة الشخصيه ولا داعي للتوتر

[حائره]

الف شكر لكم كلكم
وخصوصآ جوجو الله يوفقك
نقلت لها الكلام حرفيآ
وبالتوفيق للكل يارب