ًًصدمة !

[Flamenco]

بسم الله الرحمن الرحيم

السلام عليكم ورحمة الله بركاته

بعد الفترة اللي عدت, فترة الاختبارات

قعدت مصدوم فترة طويلة, صراحة ما كنت متوقع هذا الشئ من طلاب قد ملأ الشعر وجوههم ويقال عنهم رجال المجتمع او هم على مقولة الناس عماد الأمة ..

صراحة مسألة قوية وانا ما اتوقعت اني الاقي هذا العدد الكبير منهم اللي يقوموا بهذا الشئ والله صارت مهزلة !!

شوية طفشتكم وطولت عليكم لكن صراحة ما اخفي عليكم الشئ اللي صدمني هوا الغش !

يعني انا اتوقع الغش من الصغار ومن المراهقين لكن ما اتوقعه من ناس رجال قد يصل فيهم الشخص بعمر والدي !

بالله فين الأمانة ؟!

وفين الناس اللي بياخدوا بكلام الرسوال (صلى الله عليه وسلم) "من غشنا فليس منا" ؟؟

يعني انا بتعب طول الترم بذاكر في كل يوم. وبحس بقيمة العلم وتعبه ..

وبكل سهولة يجي واحد جنبي ينسخ ورقتي عنده ! لا وكمان يطلب مني اني اعلمه الاجاباات الصحيحة في ورقته !

وين وصلت فيهم الجرأة !

حسبي الله ونعم الوكيل .. والله اني في فترة الاختبارات كنت بحاول اتخبى واتجنب مواجهتهم لانه اول ما يشوفني يجي عندي يقولي غششني ونقلني واليوم كيف وما اعرف ايه من العبارات هذي !

والله اني ما اقدر اواجههم يا ناس لانه يجي الواحد فيهم أكبر مني سنا وانا انسان صاحب أخلاق وما احب اتكلم معاهم بأسلوب مو حلو !

وأزيدكم من الشعر بيتين انه واحد فيهم كان انسان ملتزم ! اتخيلوا ملتزم والله اني ما اكذب وربي يشهد !

الحمدلله انا مؤمن بإني متوكل على ربي في كل اختباراتي وحتى لو وصلت فيا اني ما اعرف الحل فأنا أفضل انه تنقص درجاتي على اني اصير غشاش واخد درجات انا ما استحقها !

الصراحة الموضوع هذا قاهرني من يوم ما خلصت الاختبارات الى يومنا هذا ومرة مو مصدق اللي شفته !

وخاصة في اختبار التحليل الكمي والله لو كنتوا مكاني لا تحسوا بالقهر اللي حسيته ! يعني الأخ اللي كان جنبي جاي وحتى ما معاه آلة حاسبة ونسخ ورقتي عنده وانا والله زي المجنون بحل من جهة واحسب بيدي وبالآلة الحاسبة وبتعب وهوا ما يخاف ربه بكل سهولة ينسخ اجاباتي !

اترك لكم مجال لتتناقشوا معايا في هذا الموضوع لانه صراحة انا انسان عندي أمانة وما أحب الغش !

تقبلوا موضوعي البسيط

..

[Jeddah_one]

قسم بالله لو اعرف اني محا اخد الشهاده لو قعدة مليون سنة الا بالغش ماغشيت !!

بكل بساطة حتمر سنين وسنين وتتذكر انه محصلك العلمي اخدته بالغش وبالتدليس وبجهد الغير , بعدين يااخي العزيز في ناس ماينفع تكون معاهم صاحب اخلاق الى تطجها في وجه (( مافي اقلب وجهك )) !! وانتهى الموضوع , لان لو لا وساطة الرائش لما ارتشى احد و لاقبل الرشوة احد , فلاتخلي ابليس وسيطك , وتذكر دائما ان نجحت فهذا هو المكتوب وان مانجحت اجتهد وحاول من جديد

استغفر الله بس من قلة ايمان البعض ونسأل الله لهم الهداية

[Jeddah_one]

وعلى فكره موضوعك مو بسيط بل هو في غاية الاهمية

[البرنس الذهبي]

كلامك صحيح شي ماهو معقول

[أم فارس]

كيف تقولون موضوع في غاية الاهمية وانتوا اللي تتكلمون عن الغش!
سبحان الله الواحد مايتوقع او يتخيل انه يخش بهالعمر
عيب والله!!!
انا اللي شفته النماذج تختلف يعني اللي جالس جنبك نموذجه غير عن نموذجك
عالعموم الله يهدي الجميع

[Flamenco]

والله انهم يتفننوا في الغش ..!

صحيح انا كنت اقول انه النماذج مختلفة .. بس عرفت انه كل الاوراق نفس الأسئلة وهم اللي عليهم بس يدوروا على مكان السؤال في ورقتهم ويلطشوا الحل من اللي جنبهم ! يعني الجامعة تلخبط اماكن الاسئلة عن كل نموذج ما عدا اختبار واحد اللي كان كل نموذج له أسئلة مختلفة اللي هوا اللغة العربية !

وبعدين يا اخ جدة والله انهم لصق والله اني اقولهم انا ما راح اغششكم واحلف لهم ويجوا جنبي ولا يسمعوا كلامي بس والله في الاختبارين الاخيرين انه محد قدر يغش مني ! عرفت كيف امنعهم انه ينقلوا اجوبتي !

المسألة مو بسيطة وأتمنى من الجامعة انها تلاقي حل لهذي المشكلة لانه صراحة مسألة النماذج المختلفة ما احسها تفيد مع طلاب زي كذا !

[أبوتركي 888]

هي وقفت على الغش !!!!!!! الله المستعان بس .

[rOoOoOs]

أنا بالنسبه لي مستحيل أغش الحمد لله

بس تبون الصدق

اللي يشوف ورقتي و يغش منها عااادي ما عندي مشكله

و لا أفكر أقهر نفسي عشان غير شافها و أنا تعبت و هو ما تعب لأن ذنبهم في جنبهم

...

[Jeddah_one]

اكيد هما يتفننوا لكن انتا سوي الي عليك بحجب الاجوبة , لو نقز ماخد اسمي ورقمي الجامعي ! مو اجاباتي !

ذكرتني بواحد فيهم قالك حاول حاول اخر شي سلم ورقة الاجوبة شختك بختك

على العموم في المنتدى انا على ثقه ان شاء الله انه مافي من دي العينه لانه الكل هنا مادخل الا وهو مهتم ويدور ويحفر عن ملخصات واسئلة واستفسارات

والله المستعان

[Jeddah_one]

المشاركة الأصلية كتبت بواسطة rooooos أنا بالنسبه لي مستحيل أغش الحمد لله بس تبون الصدق اللي يشوف ورقتي و يغش منها عااادي ما عندي مشكله و لا أفكر أقهر نفسي عشان غير شافها و أنا تعبت و هو ما تعب لأن ذنبهم في جنبهم ...

الساكت عن الحق ....!!

المؤمن القوي .....!!

اكملي الفراغات وتعرفي اش المفروض تكوني

هادي سلبية بالعكس انا حتى لو مخبص اوريه انه لو ينقز ماخد شي لاتقولي انا مالي دخل وهما الي ينقلوا !!

مابغا استرسل في النوع دا من الشخصيه لكن اترك لك حرية التفكير