كم استفسار عن الدبلوم التربوي

[بروفيشنال]

سلام عليك
ياشباب هل الدبلوم التربوي يقدر الي واحد ياخذه والا لازم بعد ماتتخرج؟
متى التقديم عليه وكيف؟
افضل جامعه تنصح فيها؟
ياليت اي احد عنده اجابه لايبخل فيها وشكرا

[sultan shammar]

اعتقد والعلم عند الله انه دبلوم بعد الجامعة ويطلبون الوثيقة عند القبووول

[بتال المطيري]

هلا اخوي حياك
بالنسبه لوقت التقديم على الدبلوم فحسب ماسمعت انك تقدر تقدم مع بدايه الفصل الاول او حتى الثاني عادي ... والمده بتكون ترمين دراسيين... اما افضل جامعه فانا اعرف ناس في الجامعه العربيه المفتوحه ويمدحونها .. اما مساله كيفيه التقديم .. تروح الجامعه المفتوحه وفي نص ساعه تسدد وهالايام ترا فاتحيين التسجيل ولهم منتدىآ خاص فيهم..وقبل لاانسىآ ودي اجيبك على سؤالك تقدر تاخذه قبل ماتتخرج .. راح اجاوبك بـ .لا.. لايمكن لانههم في الاخير يشوفون تاريخ الوثيقه ويطابقون تخرج الدبلوم معها. يعني لازم يكون بدايه دراسه الدبلوم التربوي بعد تاريخ التخرج من الجامعه..
هذا والله اعلم

[abukaled5]

وعليكم السلام ورحمة الله وبركاته

حياك الله أخوي

بالنسبة للدبلوم التربوي فهو مهم جدا لمن أراد أن يلتحق بمجال التعليم في أي قطاع أو لمن أراد أن يكمل بعض تخصصات الماجستير

ومدة دراسة الدبلوم التربوي سنة دراسية ما يعادل 36 ساعة تقريبا مقسمة على فصلين دراسيين

وجميع المواد اللي يدرسها الطالب هي مواد تربوية مثل
مدخل إلى التربية
علم نفس النمو
المناهج وطرق التدريس
مهارات التعليم الذاتي
الإدارة والإشراف التربوي
وغيرها من المواد

يمكن الحصول على الدبلوم التربوي من معظم الجامعات السعودية
وغالبا ما يكون برسوم دراسية في حدود 3000 إلى 5000

ما عدا الجامعة العربية المفتوحة بـ (12000) ريال سعودي مع إمكانية تقسيط المبلغ وكثير يمدحون الدراسة في الجامعة العربية المفتوحة

أيضا جامعة أم القرى ممتازة

جامعة الطائف فيها شوي تعقيد

طبعا شيء أكيد ما راح تقدر تلتحق بالدبلوم التربوي إلا بعد التخرج والحصول على درجة البكلريوس

وعادة يكون التقديم للبرنامج في شهر 8 من كل سنة أو بداية 9 وتختلف الجامعات في ناحية القبول بحيث أن بعض الجامعات تفتح القبول بداية السنة للفصلين وبعض الجامعات تفتح القبول قبل بداية كل فصل دراسي وبعضها تفتح القبول للفصل الأول فقط

ومعظم الجامعات أيضا يكون التقديم من خلال البوابة الإلكترونية لعمادة الدراسات العليا بكل جامعة وعن طريق النت

إذا كنت مستعجل للحصول على الدبلوم التربوي فتستطيع الأن التقديم على الجامعة العربية المفتوحة على الرابط التالي

نموذج طلب الإلتحاق بالجامعة العربية المفتوحة

وإذا كنت ترغب في الإلتحاق بأحد الجامعات الأخرى فراجع موقع الجامعة لتعرف وقت التقديم علما أن معظم الجامعات الأن إنتهى وقت التقديم فيها

إن شاء الله أكون أفدتك بما ينفعك أخوي وتقبل تحياتي

[بروفيشنال]

شكرا للجميع
بس انا يابو خالد لست خريج للان هل يمكن اخذ تربوي ام لا

[بروفيشنال]

خخخخ اسف يابو خالد كنت متنك ماشفتها الا بعدين بالرد

[فطيس]

السلام عليكم ورحمة الله وبركاته
مشكور يا بو خالد على مجهودك الرائع والله يجعلها في موازين حسناتك
بس يابو خالد فيه مشكلة في النسبة المئوية حاولت ادخلها بأكثر من طريقة بس ماضبطت
ولك جزيل الشكر والعرفان

[HaMaD2oO8]

مشكورين علي الافادات جزاكم الله خير لكن انا اقرب مكان جامعة الجوف ودخلت ابي اسجل طلع الفترة انتهت للتسجيل وش الحل
هل يقبلوني لو جيتهم بعد العيد ؟؟

[abukaled5]

المشاركة الأصلية كتبت بواسطة فطيس السلام عليكم ورحمة الله وبركاته مشكور يا بو خالد على مجهودك الرائع والله يجعلها في موازين حسناتك بس يابو خالد فيه مشكلة في النسبة المئوية حاولت ادخلها بأكثر من طريقة بس ماضبطت ولك جزيل الشكر والعرفان

يا هلا بك أخوي فطيس

ولا شكر على واجب

بالنسبة للنسبة المئوية فأنت تدخل بيانات شهادة الثانوية العامة

لأنك لو تلاحظ بأنه مكتوب فوقها

معلومات خاصة بشهادة الثانوية العامة

بالنسبة لي إخترت بكلريوس
بعد ذلك أدخلت بيانات شهادة الثانوية العامة مع علمي بأنها غير مطلوبة ولكن لم تقبل نسبة المعدل عند إدخاله في خانة النسبة المئوية

وفي التخصص في أعلى الصفحة أختار الدبلوم العالي في التربية

[abukaled5]

المشاركة الأصلية كتبت بواسطة hamad2oo8 مشكورين علي الافادات جزاكم الله خير لكن انا اقرب مكان جامعة الجوف ودخلت ابي اسجل طلع الفترة انتهت للتسجيل وش الحل هل يقبلوني لو جيتهم بعد العيد ؟؟

يا هلابك أخوي حمد

حاول تبحث لك الأن عن أي واسطة في الجامعة وتوكل على الله بعد العيد راجعهم وإن شاء الله تتيسر أمورك بإذن الله