واتمخطري ياحلوة يازينة,ساعدوني بأفكاركم ياحلوات.

[فاقدة أبوها]

السلام عليكم ورحمة الله وبركاته//// كيفكم ياحلوااااات وحشتوووووووني,وحشتوووووووني,وحشتووووووني,وحشتووووو ووووووووني-هذي خاصة لبنات التجمع ربي يسعدهم =) أولاً حابة اعتذر عن انقطاعي -القسري-عن منتداي الحبيب وذلك لظروف خارجة عن الإرادة فرضها علي اتصالي والحمدلله الأمور في تحسن الآن :) ثانياً : مشرفتكم في ورطة :(وحابة انكم تساعدوني بأفكاركم, حبيباتي انا عندي فرح اختي بعد الحج ان شاءالله (عقبااااالكم جميعاً )وابغى أفكار حلوة للزفة بس تكون حركات ناعمة وعملية ومو معقدة وقابلة للتنفيذ , يعني تصفحت كثير منتديات ولقيت افكار غريبة وهبلة زي اللي يطلعوا من تحت الأرض (بصراحة ماعرفت كيف تصير هذي الا اذا كان صاحب القاعة عامل نفق تحت الممر :)واللي تطلع العروسة من تابوت (هي جوازة ولاجنازة!)واللي تطلع من صدفة واللي عامل طرزان وحركات غريبة عجيبة,انا ماابغى هذي كلها ابغى شي حلو ويتماشى مع ذوق العروس لأنها بسيطة وتحب البساطة وخجولة يعني ماراح تعمل حاجة غريبة بس انا حابة تكون زفتها مميزة وجديدة وغير معتادة ,ولو فيه افكار لزفة كاملة يعني سيناريو متكامل ياريت تدلوني يعني زي الزفة الملكية والحجازية وملكات الجمال بس كلها استنزفت عندنا وصارت مكررة وابغى شي يكون مميز وجديد,الزفة حتكون العروس لوحدها يعني العريس ماحيدخل معاها,يعني لو حضرتوا فرح وشفتوا شي عجبكم في الزفة أو عندكم رابط لأي موقع او محل ممكن يساعدني بأفكار حلوة ياريت تعطوني الرابط او العنوان حتى لو غالي مومشكلة اهم شي تكون حاجة تشرف لأن العروس ماشاءالله حاطة يدينها في موية بارد وحاطة كل حاجة عليا وانا مرة محتاسة بذا الموضوع