مكالمه مع بنت

[اداري]

البارحة جاني مـن الحـب مرسـال * من عقب ما بينـي وبينـه خصيمـة



وأنا ترى في الحـب مانيـب فعّـال * ولا بعـد ولّـع بقلبـي هشيـمـه



ولا بعد غنّيت فـي ساعـة وصـال * ولا بعد ذقـت الفـراق وجحيمـه



ولا جرى دمعي على الخـد همَّـال * ولابعـد جربـت مــرّ الهزيـمـة



حتى وردنـي تالـي الليـل جـوال * وأنا على شاهي وبسكـوت ديمـة



الرقم بايخ لكـن الصـوت قتـال * كنه مثل صـوت المذيعـة حليمـة



قالت مساء الخير يـا طيّـب الفـال * قلـت ارحبـي ترحيبـةٍ مستديمـة



بالعود والصفـري ودلـة وفنجـال * واجبك يا بنت الأصـول الكريمـة



ردت بضحكة ثم قالت وش الحـال؟ * قلت اشهد إن الحال عقبك سقيمـة



قالت وهي تضحك بعد مثل الأطفال * وأنا بعـد كنـي بدونـك يتيمـة



من يـوم قالتهـا تزلزلـت زلـزال * من فجعتي كنـي مسـوي جريمـة



قلت ارفعي صوتك ترى مابه ارسال * كـذاب لكـنّ المصيبـة عظيمـة



قالت أقول اسمع ترى هرجنـا طـال * ممكـن تصاحبنـي ترانـي وسيمـة



واسمي الحقيقي أول حروفـه الـدال * لكـن يسمّونـي البنـات الزعيمـة



صحيح أحب الفخفخة واعشق المال * لكـن ترانـي طاهـرة مستقيـمـة



ما عندي امغازل ولا (لعب يهّـال) * ما عندي إلا في الشرف والحشيمـة



بس الصراحة قلبي لشوفتـك مـال * واصبحت وحدك جالسٍ في صميمه



فكّر بعقلك واترك القيـل والقـال * واحذر تطيع أهل العقـول العقيمـة



وارسل علي الحين خمسميـة ريـال * أشحن بهـا جـوال أختـي غنيمـة



أو طقم غالي فيه خاتـم وسلسـال * أروح بـه فـي عـرس ولاّ عزيمـة



قلت الحقيقة مانيب رجـل أعمـال * ولانـي بتاجـر والمـوارد عديـمـة



أنا الصراحة شبـه عطّـال بطّـال * وعلاقتـي بالفقـر جـداً حميـمـة



والراتب الله يرحم الحـال مـا زال * محـدود والمصـروف ربـي عليمـه



والدين بـالآلاف والبنـك شغّـال * ياكـل فلوسـي بالربـا والظليمـة



والسوق طايح والغلا ضيّـق البـال * والموت والله صايـر اكبـر غنيمـة



قالت تحمّل بـس والحمـل ينشـال * خلك شديد الباس صلـب العزيمـة



ياخي تصرّف جعلك اتصيـر نشّـال * أهـم شـي إن النوايـا سليـمـة



لابد تفهمني علـى كـل الأحـوال * ما دمت من أهل العقـول الفهيمـة



قلت إيه والله فاهم اللي على البـال * لكن تـرى هـذي علينـا قديمـة



يا بنت هـذا صايـر اليـوم مـوال * للي تبي تلعب علـى ابـن اللئيمـة



يا بنت ما تدرين كـم فيـه محتـال * يلعب على الحبلين وانتـي غشيمـة



يا بنت كم من جاهلة دمعها سـال * من عقب ما جات العواقب وخيمـة



والبنت لا اقفى عرضها بيد الأنـذال * والله مـا يبقـى لهـا أي قيـمـة



قالت تبي ولاّ فخلّك علـى جـال * مهوب ناقصنـي نصايـح حكيمـة



عز الله إنك للأسف منـت رجّـال * وانك قليل الذوق ما فيـك شيمـة



يا لعنبو اللي مـا يسطّـرك بنعـال * حتـى يعلمـك الغـزل يـا بهيمـة



( تفو ) عليك وصكّت الخط في الحال * مدري ( تفو ) هي مدح ولاّ شتيمـة

وسلامتكم
منقـــــــــــــــــــــــــول

[شمالية شمالية]

طيب من البداية ليش تتكلم معاه وتتميلح عنده؟
وآخر شي قالت تفوه مع انها هي اللي دقت؟<منفعلة البنت
بس تصدق ؟!!

حلوووووووووووووووووووووووووووووووووه

يسلمو على النقل ياذووووووووووق

[اداري]

المشاركة الأصلية كتبت بواسطة شمالية شمالية طيب من البداية ليش تتكلم معاه وتتميلح عنده؟ وآخر شي قالت تفوه مع انها هي اللي دقت؟<منفعلة البنت بس تصدق ؟!! حلوووووووووووووووووووووووووووووووووه يسلمو على النقل ياذووووووووووق

حيالله الشمال واهله

قالت يمكن يطلع خروف لاكن الرجال طلع ذيب شرواي (شرواي الطيب)

اسعدني مرورك ياذوق

[احلى البنات]

هههههههههههههه
حلووه
الله يعتيك الف عافيـه
ودي ووردي ~

[عاطلة عن الأمل]

وي اشبها دي

؟؟؟؟؟؟؟
مرا اتحمست يعني ؟؟

هع هع هع

[IT dancing doll]

قالت وهي تضحك بعد مثل الأطفال * وأنا بعـد كنـي بدونـك يتيمـة

من يـوم قالتهـا تزلزلـت زلـزال * من فجعتي كنـي مسـوي جريمـة

قلت ارفعي صوتك ترى مابه ارسال * كـذاب لكـنّ المصيبـة عظيمـة

يعطيكـ العافيه ع الذائـــــقه الروعه
راقت لي

[اداري]

مشكورين علئ الردود الجمليه

[K.O.R.T.I]

قالت مساء الخير يـا طيّـب الفـال * قلـت ارحبـي ترحيبـةٍ مستديمـة

بالعود والصفـري ودلـة وفنجـال * واجبك يا بنت الأصـول الكريمـة

ردت بضحكة ثم قالت وش الحـال؟ * قلت اشهد إن الحال عقبك سقيمـة



رائع ...يديك العافيه

[لندنية]

احلى شي التفو الاخيرة ههههههههههههههههههههههههههههه قويييييييييييية

[وفاء جدة]

صح لسانك ,,,قصيدة مرة رووووووعة

تسلم على النقل الرائع