نصائح لطلابات خطه ( ب )

[طــبــعــي خــجــولــه]

السلام عليكم ورحمة الله وبركاته

بدخل في الموضوع على طول

حبيت اقول لكم شوية نصائح ونبذه عن خطه ب لطلاب والطالبات اللي راح يدرسونها الترم الثاني

طبعا هي 4 مواد

الاحصاء - مهارات التفكير والتعلم - مهارات الاتصال - الانجليزي .

كلها سهله تقريبا ومهضومه بس تحتاج تركيز وحففففففففظ ركزوا هنااا حفظ ...

الاحصاء / ماده تشبه الرياضيات بس تعتمد في حلها على المعادلات والبابين الاولى والثانيه نظريه يعني تحفظونهااااا صم من البدايه عشان لاتتعبون .. والابواب الباقيه تحتاج الى فهم القانون ومعرفة طريقة الحل .. والباب الاخير فيه اسئله ذاتيه شامله للمنهج كله انصحكم بعد ما تذاكرون الماده ترجعون للأسئلة الاخيره وتراجعون صدقوني راح تحفظوا وتلاقوا نفسكم فاهمين وانها بسيطه.. بس لاااااااازم اهم شي المذاكره اول بأول يعني بعد كل محاضره خذي لك بريك وبعدين ابدأي ذاكري الدرس ولاتقفلي الكتاب الا وانتي فااااهمه ..

مهارات التفكير والتعلم / ماده دسسسسمه بمعنى الكلمه رغم سهولتها الا انها تتوهك في الاسئله لان اغلب مواضيعها الاساسيه متشااابهه ومتداخله بس مثل ماقلت ذاكري كل درس بيومه لاتخلين درس الا لما تراجعينوا 3 مرات ع الاقل حتى تثبت المعلومه ..

مهارات الاتصال / ماده ممتعه ورائعه قبل لاتكون ماده ندرسها .. كلها من واقع الحياه .. ولما تتعمقي فيه تحسين انك كأنك دارسه الدروس من قبل .. طريقة المذاكره انك تتفهمي المحتوى قبل تحفظين حتى تترسخ بذهنك المعلومات بالنهايه هي اسهل ماده في خطة ب وامتعها ولو جاتك اسئله في الاختبار ومو عارفتها راح تجاوبين لانك عارفة الجواب من خلال مجتمعنا والحياه ..


الانجليزي / رغم سهولة محتوى الدروس فيها الا انها تحتاج لتركييييز وفهم لمعنى كل كلمه
لازم تفهمي الشرح مع الاستاذه قبل تحفظين والقاعدات لاااازم تحفظيها .. وتراها جدا سهله كلها من المتوسط والثانوي يعني لاتشيلون هم حلوه الماده والدروس وخفيفه ..

اخيرا انصحكم بعد المذاكره تراجعون من الملخصات لكل ماده حتى تتأكدون من ترسيخ المعلومه اكثر .. وكمان لاتذكرون الا وانتوا هاديين مو منفعلين ولا قرفانين من المذاكره لانك لو بتذاكرين من اليوم لبكره وانتي على نفسيه شينه ماراح تحفظي يمكن مؤقتا وبعدين تنسي .. روقوا وهدوا وخليكم ريلاكس وذاكرون بنفسيه حلوه وياسلام لو ع الصبح مع اصوات العصافير والهدوء والجو ..

اتمنى لكم التوفيق والنجاح و ادعووولي ربي يوفقني في خطه أ ..

[بدايات فجر]

الله يوفقك ويوفقنا وياك انا معاك كنت خطة ب وكلامك مية مية

بالتوفيق للجميع

[طــبــعــي خــجــولــه]

المشاركة الأصلية كتبت بواسطة بدايات فجر الله يوفقك ويوفقنا وياك انا معاك كنت خطة ب وكلامك مية مية بالتوفيق للجميع

آآآآآآآآآآمين يارب . . تسلميييييين حبيبتي

[عبدالله 7z]

وعليكم السلام ورحمة الله وبركاته . . . ما قصرتي جزاك الله خيرر . . . مشكوره على نقل تجربتك ونصائحك لاخواتك واخوانك . . . جعلها الله في موازين حسناتك .

[ملاك اليوبي]

الله يعطيك العافية
تسلمين يالغلا على النصائح
باذن الله الترم اللي جاي راح اكون خطة ب
الله يوفقنا واياكم يااااااااارب

[silky]

وعليكم السلام ورحمة الله وبركاتة

موضوع مره حلو

جزاكي الله كل خير عنا

وإن شاء الله راح يفردنا في المذاكره

[طــبــعــي خــجــولــه]

اسعدني جدا انكم استفدتوا

وفالنا النجاح ياااااااااااااارب

[بنت خديجة]

صح كلام طبيعي خجولة بس اضيف عليه انو مادة التفكير فيها أشياء موجودة في مادة الإحصاء وهو العينات والمجتمع اذا فهمتيها في الإحصاء حتكون سهلة في التفكير اما مادة الإتصالات هي سهلة بس الأسئلة يبغالها تركيز يعني لازم حفظ وفهم لأن اذكر مرة جابت سؤوا من واقع الحياة وقالت هذا مثال على ايش وفي أسئلة بين السطور عشان كدا ما ينفع فهم وحفظ التعدادات لازم تقرأي كل سطر وفي بعض الأساتذة يأشروا معاكي وينبهوكي على بعض الأشياء وكيف حيجي السؤال اذكر الأستاذة كانت زهرانية بس اتذكر ايش إسمها الأول أنا من حكم تجربتي هي مادة سهلة بس الأسئلة بعضها فيها لف ودوران أما مادة الإحصاء جدا الأسئلة كانت مباشرة وسهلة أنا الحمد لله جبت فيه 100والإنجليزي 102 صراحة انا ما اشتريت الكتاب وتابعت مع الأستاذة في السنترا هي بعض الأسئلة كانت شوية غريبة يعني اهتموا في الكلمات واعرفوا معانيها لأنو تجيكي فراغات بس صراحة استغربت تقريبا ثلاث أسئلة اجابتي كان غير اختي واثنينا جبنا 100 كيف ما اعرف يمكن حطوا اربع خيارات اثنين صح واثنين غلط الله أعلم وبالتوفيق للجميع