icdl الرخصه الدوليه

[غلا وكلي حلا]

السلا م عليكم صبايا وشباب كيفكم..... حابه اطرح عليكم موضوع ياليت تشاركوني فيه خلونا نجتمع هنا ونفيد بعض مع الي اخدوا الicdl والي لسه بياخدوها مثلي انا كنت حاخدها في العالميه بس التسجيل خلص وقالولي يبدأ التيرم التاني وسمعت انه فيه اختبارات بدون دوره تعقد كل يوم أحد في المبنى الثالث طيب تنصحوني اخد الإختبار بدون دوره ولا لازم دوره ياليت تفيدوني الي اختبرو بس وتنزلون النماذج والإختبارات وصح هيا الإختبارات نفسها تجي الي في النت ولا تتغير اتمنى تتفاعلو وتشاركوني عشان نستفيد ونفيد غيرنا... وشكرا

[شمس العالم]

وعليكم السلام

بصراحة انا لسى ما أخدت .. و ان شاء الله حخدها في مركز التطوير الثقافي ..

بس قالوا : لسى مانزل الجدول حق الاختبارات .. لانو صار تعديلات من مركز الاختبارات .. وعلى اساس دا الاسبوع ينزل الجدول ..

و حسب مابدك .. تدخلي دورات تأهيلية للاختبارات .. وممكن تدخلي الاختبار بدون دورات ..

والعالمية بصراحة سمعته سيئة .. صحبتي اخذت عندهم واتبهدلت لين دخلت الاختبارات و اخدت الشهادة ..
::

وعادة يكون اختبارين في كل اسبوع وهيا 7 اختبارات ..

يعني في 3 أسابيع ويوم .. تخلصي ..

وبالنسبة لنماذج الاختبارات ..

صحبتي بس قرات واتمرنت على نماذج الاختبارات اللي في النت .. وماشاء الله نجحت ..

تقول ما تختلف كثير عنها ..

::

وانا ان شاء الله ماراح ادخل دورات ..

حدور دروس من النت و نماذج اختبارات واتوكل على الله ..

::

والله معانا

[بد111ية هم]

والله انا اللحين اخذه في العالميه في الجامعه

في البدايه كان كويس اما اللحين كل يوم استاذه جديده

واللي اليوم جات مره الله يهديها مره ما تنفع احس تعليمهم جدا خطأ الله يهديها ويصلحها

وترجع الاستاذه الاولى لنا.....

[قلب المحيط]

عزيزتي اذا انتي تعرفي تستخدمي office 2003 كويس مايحتاج تاخذي دوره بس خذي مراجعه وادخلي اختبارات لانها سهله
انا عن نفسي دخلت الاختبارات فقط في معهد نيوهورايزن بس كانت عندي اوراق فيها نماذج الاسئله اللي تجي في الامتحان وفيه برنامج في الكمبيوتر برضو يعطيكي نفس صيغة الاختبارات تتدربي عليه
اتمنى لك التوفيق

[rawas]

طيب حلو..

الله يسعدكم بس يا يت تعطونا نماذج الإختبارات ندرسها..

وفين افضل مكان نقدم فيه الإختبارات.. بطريقة مضمونه..؟؟؟

[MISS EZ3AG]

انا أخذت دورة .. وخلصتها
والأسبوع الجاي تبدأ اختباراتي في الرخصة ..!
بس انصحكم تاخذو دورة لأنه أحيانا بتجي اسئلة في الاختبار عن ادوات ماعمركم استخدمتوها ..!
ولا تنسوا it هذا شوي يبغاله أحد يشرحه لكم

....
هذي نصيحتي لكم .. وبالتوفيق للجميع
وإن شاء للله كل مادخلت اختبار راح أحاول أعطيكم موجز عام عنه وإذا فيه اسئلة جديده أو مشابهه للنماذج السابقة للإختبار

[غلا وكلي حلا]

طيب اختي قلب محيط مافهمتك كيف يعني مراجعه انا الي اعرفه يادوره وبعدين اختبار او اختبار فقط بدون دوره ياليت توضحيلي كيف المراجعه..... وبالنسبه للعالميه فعلا سمعت انه مرررره شرحهم تعبان بس ابغى أتأكد من وحده درست وخلصت في العالميه ياليت تفيدنا

[ابتسامة دمعة]

السلام عليكم ورحمة الله
أختي غلا انا سجلت بمعهد من شان الرخصة بس هو لسا ما بدات عندهم وشكلي بانسحب وادخل اختبار على طول
وتراها 7 مواد وكلها سهله واشياء عامه
خذي الرابط هذا فيه سلسة دروس الرخصة وفيه ائلة واختبارات للرخصة وان شاء الله يفيدك
ادعي لي معاك ياقلبي
http://www.boosla.com/articlesList.p...Misc&menu=ICDL

[شواطئ البحر]

متى راح تبد امتحانات الدورة؟؟؟

[خريجة معلوماتية]

السلام عليكم ورحمة الله وبركاته

انا اخذت دورة الرخصة الدولية

وقبلها كنت اخذه دبلوم حاسب الي

بصراحة هي الطريقة اللي مختلفة

لابد من استخدام كل اوامر التنفيذ من اشرطة القوائم

يعني افضل تاخذي اسبوعين قبل تدخلي الدورة عشان تتعلمي الطريقة

ويعتمد الاختبارات بشكل كبير على السرعة

وبالتوفيق للجميع