أقدم طلب تخصص ولا لآ :(

[The BeSt]

السلام عليكم ورحمة الله وبركاتة ,,

\
/
\

طبعا زي ما الكل عارف انه بدأت طلبات التخصص ,,
وأنا هذا الترم الرابع ليا في الكلية ولحد الآن ما تخصصت ,, كل ترم أأجل تخصص لانه معدلي طايح طبعا

وشديت حيلي الترم اللي رآح ويادوب ارتفع الى 3,07 بس << معدلة طآيح بقوة

أحاول ارفعه الترم هذا وحسبت المعدل التجريبي اذا صابت معايا يوصل 3.22 < بدري عليك لسه

والحين آنا محتار اطلب تخصص ولا لآ ؟ واذا أجلت تخصص كيف بيكون وضعي ؟

وإذا قدمت على تخصص ورتبت الرغبات ايش تتوقعو رآح يكون تخصصي ( بالخبرة يعني )

يمكن بعضكم يسأل طيب انت ايش تبغى تتخصص اصلا , اعتقد جوآبي ما بيفيد بمعدلي هذآ

أتمنى إنكم تفيدوني وما تبخلو عليا بنصائحكم , لأني بجد محتآآآآآر

\
/
\

والله يوفق الجميع لكل خير ان شاء الله

[الخيال@]

قدم تخصص وخليها على ربك وان شاء الله تتخصص على رغبتك
اعتقد الي بمعدلك الترم الماضي تخصصو مدنية لاني اعرف ناس قريبين من معدلك وحطوهم مدنية
وبالتوفيق
لو ماانقبلت في التخصص الي انت تبغاه عادي ارفع معدلك وقدم تحويل للترم الي بعدو وان شاء الله تدخل رغبته

[Heat man]

وعليكم السلام انت ايش الرغبات اللي في بالك

[حسام العوفي]

ماشاء الله الخيال ما قصر في رده ... ويا اخي توكل على الله وتخصص
لانو راح تصعب عليك اذا اجلت للسنة الجاية مع طلاب السنة التحضيرية لانو اكييد معدلاتهم بتكون عالية
وبالتوفيق ........

[صقرر]

نصيحتي لك اخوي تخصص

لأنه ما راح تعرف الايام الجاية ايش راح ينزلوا من قرارات عشان تتخصص

وبعدين حتقول ياليتني تخصصت اول

نصيحة تخصص اي تخصص تبغاه انت

ومثل ما قال الاخ الخيال الناس تخصصت مدنية ومعدلاتهم طايحة

وبإذن الله ربي يكتب الي فيه الخير

[The BeSt]

يعطيكم العافيه والله رفعتو من معنوياتي شوي ,, عطيتوني أمل زي ما يقولو

صراحة أنا مرتب الرغبات كذا :

الهندسة الصناعية
الهندسة المدنية
الهندسة الميكانيكية(انتاج وتصميم النظم)
الهندسة الميكانيكية(حرارية وتحلية المياه)
الهندسةالكهربائية(هندسة الحاسبات)
الهندسة الكهربائية (الكترونيات واتصالات)
الهندسةالكهربائية(هندسة قوى ومحركات)
الهندسةالكهربائية(هندسةحيوية طبية)
الهندسة الكيميائية
هندسة طيران
هندسة التعدين
الهندسة النووية
الهندسة النووية-هندسة الفيزياء الطبية
الهندسة النووية-هندسة الوقاية الا شعاعية

تنصحوني اعدل شي ولا في طريقة في ترتيب الرغبات أفضل ؟!

أنا مرتبها حسب رغباتي و بعد كذا حسب اللي اسمع عنه أفضل

[AbU_BaDr]

اخوي انا تخصصت مدنية وكان معدلي 3.07

يعني قدم وخلها على ربك

[* تركي *]

/

قَدم لـِ التَخصص ، وَ اذا حآب تحول بعدين تِقدر تحول بـِ سهولة تآمة ،’

الأهم انك تِقدم ، وتوكل عَلى الله



::

[صقرر]

توكل على الله اخوي

[مالك معاذ]

صناعية بالوقت الحالي واكون صريح معك

تتطلب معدل فوق الاربعة

لذلك اقترح عليك ان تجعل الحرارية والمدنية والطيران بالبداية

ولو حطيتها كأول ثلاثة بالترتيب اللي يعجبك مستحيل ان شاء الله تخرج منها

وبالتوفيق لك