موقف صعب !!!

[pinkberry]

السلام عليكم ورحمة الله وبركاته ,,,
كيف الاجازه ,,,, ان شالله الكل ما يكون طفشان

زي ما احنا عارفين انه كل انسان ينحط في موقف صعب بس لو انحطيت في موقف وكان قدامك خيارين مالها تالت !!!!

اما تعيش حياتك مبسوط بس منتا مرتاح
او
تعيش حياتك مرتاح بس منتا مبسوط

ايش كنت/ي حتختار/ي ؟ كل واحد يقول وجهه نظرو وايش كان حيعمل وليه عمل كدا !!


ملحوظه / الي يجاوب يتخيل الموقف ويعيشو وعلى اساسو يجاوب

ملحوظه اخرى / لحد يقول مافي احد مبسوط ما يكون مرتاح ولا مافي احد مرتاح ما يكون مبسوط اعتبر انو دا الموقف من ( لكل قاعده شواذ )

وفي الختام / اتمنى الكل يجاوب ولا ننسى انو إختلاف الرأى لايفسد للود قضيه

[RHF]

مممممممم انا اتخيلت فكرة

هل اعيش فقيرة ( مبسوطة لاكن مش مرتاحة )
او اعيش حياة متوسطة (مرتاحة لاكن مش مبسوطة كتير )

حاختار اكون مرتاحة ، بالنسبالي الراحة اهم من الانبساط
ومقتنعة انو الراحة تخلي الواحد يكون مبسوط حتى لو شوية

وممكن الانبساط يخلي الواحد يكون مرتاح ، لاكن لو اتكلمنا على مسال الفقير دا ، نفرض انو مبسوط مع عيلتو اوكي ، لاكن مو مرتاح ، حيقعد طول الوقت يفكر و قلقان ايش حيأكلهم ؟ وكيف حيصرف عليهم ؟




طبعن انا اخترت المسال دا و جاوبت عليه على حسب فكرتي و قناعاتي ، :d



حلووو بينك ، طيب انتي جاوبي قوليلي ايش حتعملي و ايش تختاري و قوليلي المسال كمان

[Majed7]

ما فهمت ^_× .. يا ليت توضحيـ أكثر ..:)

[RHF]

ماجد انا احسن منك ، خليت ماما تفهمني السؤال
ههههههههههههههههههههه

[Majed7]

المشاركة الأصلية كتبت بواسطة rhf ماجد انا احسن منك ، خليت ماما تفهمني السؤال ههههههههههههههههههههه

أهليـ برا البيت .. المهم أنا ما فهمت بصراحة ^_× .:)

[RHF]

ممممممم يعني
المقصود بالراحة ، انك تحس نفسك مرتاح لاكن مو حاس انك مبسوط او سعيد ، لاكن المهم انو انتا مرتاح ، مو شايل هم حاجة

هل تفضل تكون مو شايل هم حاجة و مرتاح ، لاكن مو مقتنع انك سعيد ومبسوط في حياتك ؟؟
ولا تبغا تكون مبسوط و سعيد ، لاكن مو مرتاح و شايل هم اشياء في حياتك ؟


واقرا المسال حقي ، حتفهم اكتر

[pinkberry]

المشاركة الأصلية كتبت بواسطة rhf مممممممم انا اتخيلت فكرة هل اعيش فقيرة ( مبسوطة لاكن مش مرتاحة ) او اعيش حياة متوسطة (مرتاحة لاكن مش مبسوطة كتير ) حاختار اكون مرتاحة ، بالنسبالي الراحة اهم من الانبساط ومقتنعة انو الراحة تخلي الواحد يكون مبسوط حتى لو شوية وممكن الانبساط يخلي الواحد يكون مرتاح ، لاكن لو اتكلمنا على مسال الفقير دا ، نفرض انو مبسوط مع عيلتو اوكي ، لاكن مو مرتاح ، حيقعد طول الوقت يفكر و قلقان ايش حيأكلهم ؟ وكيف حيصرف عليهم ؟ طبعن انا اخترت المسال دا و جاوبت عليه على حسب فكرتي و قناعاتي ، :d حلووو بينك ، طيب انتي جاوبي قوليلي ايش حتعملي و ايش تختاري و قوليلي المسال كمان

حلو اما بنسبالي انا فمني عارفه ايش اختار !!! عشان كدا ابغى اشوف اراء الناس

[Majed7]

^^

آها حلو الحين فهمت ..

شكرا عالتفهيم هههههه

________________________________________


هذا شيء صار ليـ من أولـ ما تخرجت من الثانوي - قبل سنتيــن من الحين بالضبط - ..

كنت محتار بين الطب والهندســــة ..

الهندسة برتاح فيها لأني أحب الماث والأشياء الفهم أكثر من الحفظ .. وبرضوا 5 سنوات دراسة وأتخرج

الطب راح أتعب مع ضغط المواد وسنوات الدراسة 7 سنوات ( غير التخصص ^_× ) ..

لكنـ قارنت الوضع وشفت إن الحياة مستقبلا كـ طبيب أفضل من مهندس .. ودخلـ الطبيب - بإذن الله - هوا أفضل دخل في القطاعات الحكومية :)

أنا متأكد إنيـ راح أكون مرتاح بس مانيـ مبسوط في سنوات الدراسة .. وممكن في سنوات العمل برضوا

لأنيـ بصراحة ما أفكر في نفسي أكثر من إنيـ أفكر مستقبلا بوظيفة توفر لـ زوجتي وعياليـ كل اللي يتمنوه ^_^

^^

الزوجة والعيال عبارة عن x و y لأنـي ما أعرفهم هههههههه

[pinkberry]

المشاركة الأصلية كتبت بواسطة majed7 ما فهمت ^_× .. يا ليت توضحيـ أكثر ..:)

هههههههههههه انا اقولك مثال بسيط ما يعبر عن الموقف بس انه مثال يعني

لنفرض انهم خيروك بين دراسه الطب او بين دراسه تخصص انت حابه بس مالو مستقبل لنفرض كليه البحار المهم الطب مافي شي اسمو راحه فيه !! لانو ضغط وفي نفس الوقت انت اخترتو عشان عيشتك بعدين حتكون رفاهيه وحتكون مبسوط لما ينادوك يا دكتور اما كليه البحار حتكون مرتاح لانك حابب التخصص بس حتتعب بعدين لما ما تلاقي وظيفه

ان شالله تكون وصلت الفكره

[توونآ]

مبسوطه ثم مبسوطه ثم مبسوطه
بصراحه اسوء شئ النكد و الهم وضيقه الصدر
وكل شي يهوون لو كنت متعافي وبالك صافي ومرتاح