للبنات فقط : الي تبغى تقدم تقنيات التعليم تتفضل

[جرحني الزمن]

انا مره خايفه يارب يقبلوني
انا من جده جامعة الملك عبدالعزيز

[!@ام حسام@!]

اسأل الله التوفيق لكن اخواتي وبالنسبه لقسم التقنيات قسم رائع وممتع

[رحمك الله يا ابويا]

من جده
كليه التربيه
ارغب للتقديم لتقنيات التعلم ولكن شرط الخبره مخوفني
احس انو مالو داعي يعني الي تو متخرج من فين له خبره والي دور على وظيفه السنين الماضيه وما جاتو فرصه من فين يحط لهم خبره المساله بس تعقيد
لكن الله يختار لي وللجميع الخير
ودمتم سالمين

[هيوفي]

يآبنآت من قآلكم أنوا شرط الخبره أسآسي

هم قآلوآ يفضل لو معاكي خبره ماقالوا لاااازم لاااازم

أنا اعرررف بنآت ملتحقات بتقنيات تعليم مامعاهم خبرررره كللش

وانقبلوآآ الحمدلله ...

وانا بعد خاطري بتقنيات تعليم بس مو بجده بجامعه القصيم الاهليييه

وفآلنـآ القبول ان شاء الله ~

[NisReEn]

ههههههههههههههههههه ساندرا والله شكله كذا بيصير
لعيون أمي على قولتك ، اللي ربي كاتبه هو اللي بيصير
السنة اللي راحت قدمت للماجستير وكان كل شي تمام التمام
ما قبلوني لاني مو من خريجات الملك عبد العزيز { على قولهم } !
طبعا ما هو سبب مقنع ، بس لان العدد كان كبير السنة اللي راحت على تقنيات تعلم
فقاموا يألفوا أسباب للرفض
كلنا بيد ربنا اهئ
نفسي في القسم
بنات مين جربت الجامعه العربية المفتوحة؟
بتصل أسألهم وأرد لكم

[معلمة مكه]

المشاركة الأصلية كتبت بواسطة yara12 والله كنت استنى وحده تفتح الموضوع المدينة جدة الجامعة الملك عبدالعزيز ارغب بشدة في قسم تقنيات التعليم واتمنى من الله القوي العزيز اني يكتبني من المقبولات رغم املي الكبير بالقبول الا اني اشعر بالخوف لانها ثالث مرة اقدم عالماستر بس ان شاء الله الثالثة ثابتة وانقبل يارب

ثالث مره تقدمي يارب تكوني اول المقبولات ...
على فكرة انا ثاني مره اقدم على تقنيات وانشاالله ربي يكتب لنا الخير ..

[معلمة مكه]

المشاركة الأصلية كتبت بواسطة ساندراا مساء الخير .. صراحه أنا محتاره بين التقنيات والإداره والتخطيط التربوي ، رغبتي الداخليه تقنيات ولكن الإقبال على التقنيات كبير جدا ويمكن تقل فرص القبول . ولكن نسأل الله مافيه خير لنا ,, المدينه : جده تحيتي ,,,

صحيح كلامك السنه الي راحت كان الاقبال على تقنيات التعليم كبير مررررررررره ..
ولكن شوفي ميولك فين اكثر .. واستخيري الله ماخاب من استخار ..

[معلمة مكه]

المشاركة الأصلية كتبت بواسطة لعيون أمي وانا بعد بخاطري تقنياات لكن الاقبال كبير عليه فمحتاره بينه وبين الاداره التربويه وشرايكم ايهم افضل ؟

افضل شي الاستخاره في مثل هذه الامور ....

[معلمة مكه]

المشاركة الأصلية كتبت بواسطة nisreen السلام عليكم ورحمة الله وبركاته .. أنا من جدة ومن خريجات جامعة أم القرى .. تخصصي فيزياء وودي بتقنيات تعلم لأني أخبل بشيء اسمه حااااااسب ! ودي أكمل تقنيات تعلم ، هذي ثاني سنة أقدم وإن شاء الله ربي يكتب اللي فيه الخير يا رب .. يا بنات اللي محتار بين تقنيات وإدارة يروح إدارة ترى مرة كويسة <<< تبغى فرصة أكبر خخخخ أمزح عاااااد ! الله يكتب لنا الخير كلنا يااا رب .. تحياتي

انا مثلك ثاني سنة ...
بصراحه انا مثلك احب الحاسب مرررررررررررررره ..
وانشاالله نكون من المقبولين ....

[معلمة مكه]

المشاركة الأصلية كتبت بواسطة رائحة المطر22 حلو هذا القسم نفسي ادخل له بس مشكلتهم شرطهم انو ثلاث سنين خبره بالتعليم وسمعت انها حتصير 5 سنوات وانا عندي بس سنه خبره

لا ماهو شرط اساسي .. ولكن يدخل من ضمن المفاضله .. انتي قدمي وسوي اللي عليك وربي انشاالله بيساعدك ...