محتار بين 3 تخصصات ! وعندي سؤال عن درجة الإنجليزي .. !

[مازن السيود]

السلام عليكم .. حبايبي .. !!

والله محتار إيش التخصص اللي أختاره .. جالس أفكر كثير .. كل شويّة أرسى على بر .. وأختار تخصص .. وبعدين أرجع أفكر ثاني وأختار تخصص غيره .. !!

نسبتي 3.43 ! الحمد لله على كل حال ..

ومحتار بين .. إعلام _علاقات عامه .. أو لغه إنجليزيه .. أو إدارة عامه .. !!

الإعلام فكّرت أدخله لأنه فرصته الوظيفيه مفتوحه في أي شركه عندها أقسام علاقات عامه والقسم دراسته تقريبا سهله ومواده بعيده عن المواد اللي زي الرياضيات والفيزيا والكيميا والحاجات هذي اللي ما أحبهـا .!

الإنجليزي فكرت فيه لأني مفكّر أصير مدرس إنجليزي إن شاء الله .. ! لكن عندي اللغه تعتبر متوسطه بس أحتاج لممارسه عشان أصير ممتاز .. ممكن لو دخلت إنجليزي أكمل أول ترم أو ثاني ترم وأوقف .. وأطلع أدرس لغه 6 شهور وأرجع أكمل دراسة الجامعه .. ! بس هل نسبتي تأهلمي إني أنقبل في الإنجليزي ؟؟

والإدارة العامه .. نصحوني فيهـا بعض أصحابي .. لكن أنـا شاك في شي واحد وهو مادة المحاسبه .. ! ما أحب المواد هذي اللي فيهـا مسائل ولخبطه .. !!

أبغا نصايحكم بالله عليكم والله محتار ومعتمد عليكم بعد الله .. !!

موضوع ثاني صغير .. ! كيف أقدر أشوف درجة الإنجليزي 102 لأني كل ما أفتح الأوديس يطلعلي قائمة إختيار التخصصات بس ..! ماني عارف من فين أشوف الدرجات .. ولا لازم أختار التخصص وبعدين تطلعلي الدرجات .. !!؟

بالله أنتظر إجاباتكم يا حبايبي .. !!

[محمد البجلي]

انا بالنسبة لي معدلي 3.30 وتخصصت علم إجتماع

بالنسبة لدرجة الإنجليزي ماراح تقدر تشوفها إلا بعد ماتختار التخصص من ايقونة التخصيص الفوري لللإنتساب والتعليم عن بعد

[#روووح#]

أدخل انجليزي وظائفه مضمونه بأذن الله ...


موفق

[محمد البجلي]

المشاركة الأصلية كتبت بواسطة #روووح# أدخل انجليزي وظائفه مضمونه بأذن الله ... موفق

أنا موظف

[طالب الحوار]

الانجليزي ان حصلك والله طيب ومجاله واسع بأذن الله
لأن الحين الأنجليزي راح يدرس في الأبتدائية الى الفصل الرابع
بتوفيق

[محمد البجلي]

المشاركة الأصلية كتبت بواسطة طالب الحوار الانجليزي ان حصلك والله طيب ومجاله واسع بأذن الله لأن الحين الأنجليزي راح يدرس في الأبتدائية الى الفصل الرابع بتوفيق

أنا لو متخرج من الجامعة وحصلت وظيفة في التدريس ماراح اوافق

أنا أكره التدريس ولايمكن اصير مدرس

[ميامن العمري]

سلام ..والله انا مثلك احترت كثيير وفي الاخير استخرت وتوكلت على الله واخترت علم اجتماع
انصحك تصلي صلاهـ استخارهـ واختار التخصص اللي انت راح تبدع فيه وراح ترتاح ..... وانصحك ب لاعلام لانه تخصص سهل على حسب كلامك وفي الاخير انت اللي راح تقرر ..... الله يوفقك يارب

[H-a-m]

يمين او يسار الانجليزي اهم شي .. بس تخصص الانجلش اكثر مجالات التوظيف هي التدريس لأنه أدب .. لو كان التخصص ترجمة اللي هو مو موجود بجامعتنا المحترمة كان حيكون افضل تخصص والتوظيف بكل مكان تجده مو بس مدارس << واذا كنت تحب تدرس وتتحمل شطانة اللي تدرسهم واكبر نصيحة انك تسأل مدرس لأن هو الي مجرب .. اما علاقات عامة فهو حلو وكل شركة عندها قسم للعلاقات العامة بس اذا اتخصصت هالتخصص لازم تاخذ كورسات انجلش معاه .. اما الاداراة العامة فهي مجالها واسع من ناحية التوظيف وطبعا لازم تدعمها بالانجلش كمان .. يمكن اكبر فايدة راح تاخذها هي من الاشخاص الموظفين يعني اعرف ايش اكثر التخصصات المطلوبة بالشركات او اي مكان تاني .. مووفق

[#روووح#]

معليش أخوي محمد البجلي ..احنا ردنا على الاخ صاحب الاستفسار ..مازن السيود..


وهو قال انه يبي يكون مدرس وفكر في الاعلام عشان الوظائف...


..........

[بنت التميمي]

المشاركة الأصلية كتبت بواسطة مازن السيود السلام عليكم .. حبايبي .. !! والله محتار إيش التخصص اللي أختاره .. جالس أفكر كثير .. كل شويّة أرسى على بر .. وأختار تخصص .. وبعدين أرجع أفكر ثاني وأختار تخصص غيره .. !! نسبتي 3.43 ! الحمد لله على كل حال .. ومحتار بين .. إعلام _علاقات عامه .. أو لغه إنجليزيه .. أو إدارة عامه .. !! الإعلام فكّرت أدخله لأنه فرصته الوظيفيه مفتوحه في أي شركه عندها أقسام علاقات عامه والقسم دراسته تقريبا سهله ومواده بعيده عن المواد اللي زي الرياضيات والفيزيا والكيميا والحاجات هذي اللي ما أحبهـا .! الإنجليزي فكرت فيه لأني مفكّر أصير مدرس إنجليزي إن شاء الله .. ! لكن عندي اللغه تعتبر متوسطه بس أحتاج لممارسه عشان أصير ممتاز .. ممكن لو دخلت إنجليزي أكمل أول ترم أو ثاني ترم وأوقف .. وأطلع أدرس لغه 6 شهور وأرجع أكمل دراسة الجامعه .. ! بس هل نسبتي تأهلمي إني أنقبل في الإنجليزي ؟؟ والإدارة العامه .. نصحوني فيهـا بعض أصحابي .. لكن أنـا شاك في شي واحد وهو مادة المحاسبه .. ! ما أحب المواد هذي اللي فيهـا مسائل ولخبطه .. !! أبغا نصايحكم بالله عليكم والله محتار ومعتمد عليكم بعد الله .. !! موضوع ثاني صغير .. ! كيف أقدر أشوف درجة الإنجليزي 102 لأني كل ما أفتح الأوديس يطلعلي قائمة إختيار التخصصات بس ..! ماني عارف من فين أشوف الدرجات .. ولا لازم أختار التخصص وبعدين تطلعلي الدرجات .. !!؟ بالله أنتظر إجاباتكم يا حبايبي .. !!

الله يوفقك ويسهل أمرك أستخير رب الأرباب وربي بيختارلك الأنسب والأنفع لك
أما أنا من رايي أشوف إنك إن كلية الإقتصاد والإدارة مجالاتها واسعة وكثيرة خاصةً لودعمت نفسك باللغة بتسهل عليك أمور كثيرة وبماإنك طالع ماشاء الله بتاخذ لغة 6شهور إذن توكل ع الله وأخذ تخصص غير الإنكليزي إلا إذا إنت حاب ماشاء الله الإنكليزي الله يوفقك بس اشوف إن تجمع بين أمرين أفضل من كون إنك تُبقِي نفسك في مجال واحد كذا كذا اللغة ماشاء الله ماخذها ماخذها من غير شر فلذلك اشور عليك بكلية الإقتصاد والإدارة وتندرج تحتها 3مسارات:
1-مسار عام للطلاب فقط وه اشمل وأعم تخصص
2-مسار تنظيم وتطوير إداري وهوأكثر تخصص
3- إدارة مستشفيات وخدمات صحية
أما كون إنك متخوف من مسالة المواد العلمية مااعتقد إن طلاب الإنتساب غالبهم علمي لأن الأغلب الأعم طلاب ادبي وشرعي
بي إعقلها وتوكل ع الله وشد حيلك وبتلاقي الله بيوفقك ويسهل عليك واترك عنك التردد والحيرة اللي مايجي من وراهم غير الضيقة والكدر وثق بنفسك وبقدراتك وإحسم امرك
الله يوفقنا وإياك والجميع
هذا كل مالدّي أتمنى أكون أفدتك ولو بالشيء اليسير
دمت في محبة الله ورسوله