باقيلي سنه و نصف هل بإمكاني ارفع معدلي لهذا الرقم !!

[e7sas-tooti]

السلام عليكم يا حلوين

كيف حالكم ان شالله تمام

بدخل فالموضوع على طول انا الان طالب تخصص انظمة و معدلي الحالي هو 3

و باقيلي على التخرج سنة و نصف مع ترمين صيفية

هل بإمكاني أرفع معدلي على الأقل لـ 3.75 في خلال هذي الفترة خصوصا مع مواد القانون الدسمة

و ايش افضل طريقه تنصحوني فيها لرفع المعدل و تكون مريحة و لا تتطلب مجهود ذهني و نفسي

راح اقلقكم على الجدول اللي انا راح امشي عليه :

طبعآ انا مخلص الساعات الحرة و باقيلي مادتين من المواد الاختيارية لم استخدمها الى الان

انا الحين ماخذ ترم صيفي 8 ساعات

الفصل الاول القادم راح اخذ 18 ساعه

الفصل الثاني كمان 18 ساعه >> مع اني احس ان 18 ساعه في ترمين متتالين صعبه شوي و مرهقة

نجي للترم الصيفي السنة القادمة راح اخذ 9 ساعات كاملة

و الفصل الاول اللي بعده يتبقالي 15 ساعه على التخرج

و بكذا يكون اخذت سنة ونصف مع ترمين صيفية و تخرجت ايش رايكم احس راح يكون فيه صراع ذهني و نفسي و مجهود قوي خلال السنة و نصف القادمة

السؤال المطروح هنا :

مع كل هالمعطيات هل استطيع الوصول للمعدل المطلوب ؟ و شكرآ

[سكووت]

اتمنى احد يفيدكـ من اصحاب الخبرات ...

لكن حقولك عن نفسي و قصتي يمكن تستفيد : انا قاعدة اخذ مواد حرة سهلة بـ3 ساعات مع اني خلصت المواد الحرة من زمان , بس عشان ابغى ارفع معدلي , انا دحين 4,18 و حالتي النفسية زفت عشان كنت اقدر اوصلوا لـ 4,19 و بالفصلي اخد 4 و نص و اقدر اخد مكافاة امتياز , لكن استاذ هاني عبد الشكور اداني 84 مما سبب ليا خسف بالمعدل وماقدرت اخد النص بالفصلي يعني مافي مكافاة امتياز <<يب همي مكافاة امتياز ابغى ادلع نفسي يووه ..

فحاول تاخذ مواد حرة سهلة زيادة بـ3 ساعات عشان ترفع المعدل بس بشرط انك تجيب فوق 95 فيها .. انا دحين اخدت صيفي مادة حرة بـ 3 ساعات عشان ارفع معدلي شويا .. و انا طول عمري اخد 18 ساعة بالتمام و الكمال يعني 6 مواد كل سيمستر , صح تعب لكن قبل 3 سمسترات كان معدلي 3,75 تقريبا و رفعتو لـ 4,20 تقريبا و دحين نزل لـ4,18 ..

حاول تركز على المواد اللي بـ 3 ساعات وتديها مجهود مضاعف و هو شي طبيعي المجهود الذهني و النفسي و تجيك فترة تصير عصبي و تقرف حياتك ... لكن بعدين لمن تشوف المعدل يترفع كل الهموم تطير ..
صراحة المعدل بأخر سنه صعب شويا يترفع يعني يترفع ببطء , لكن لو جبت بكل المواد 90 و فوق إن شاء الله يترفع ..
لو كانت المواد اللي حتاخدها ضغط و صعبة و دش , حاول تاخد 5 مواد تخصص و مادة حرة سهلة ترفع بيها اي خسف مفاجئ يحصل .. و منها ترويح عن النفس ..

[e7sas-tooti]

انا حاسب لنفسي سنة ونص وما أبغى أخليها سنتين يعني أبغى أتخرج خلال سنة و نصف ومافي مجال أخذ مواد حرة
لأن بيكون كل المواد اللي راح أنزلها مواد تخصص طول السنة ونص الجاية

يعني مافي مجال للحرة اللي باقيلي بس مادتين اختيارية فقط و الباقي تخصص محتار انا الحين لو أبغى أتخرج بسنة ونص لازم اضغط نفسي وماراح اقدر اخذ مواد حرة ولو ابغى اتخرج بسنتين راح يكون عندي ترم زيادة واقدر اخذ مواد حرة ارفع فيها المعدل

بس انا حاب اني اخلص في سنة ونص << يعني الحين وقفت على ترم خخخخ

شكلي راح اخلي 3 اترام مواد تخصص و ترم واحد ادحشو مواد حرة كلو عشان المعدل وبكذا يكون خلصت سنتين كاملة

[وليد العاطفه]

أخوي العزيز

بكل راحه ان شاء لله توكل على ربك وخلي عزيمتك قويه وخلال سنه ونص ومعدلك فوق ال 80 . 3

لكن حاول درجاتك ماتقل على ال 85 ولو تبغى تاخدها باكثر من سنه ونص مع الصيفي الثنين

اقلك حرام عليك لو ماخليت معدلك 4 ..

موفق

[سكووت]

ايوا حلو , غير خطتك وحساباتكـ شويا و زود لك ترم ترى مافيها مشكلة , انا حيزيد ليا ترم و اعرف كتير حيزيد عليهم ترم .. اهم شي المعدل يترفع حتى لو ضحيت بترم من حياتكـ اهم شي المعدل العالي ينور وثيقة التخرج ...

[(( محمد ))]

المشاركة الأصلية كتبت بواسطة سكووت لو كانت المواد اللي حتاخدها ضغط و صعبة و دش , حاول تاخد 5 مواد تخصص و مادة حرة سهلة ترفع بيها اي خسف مفاجئ يحصل .. و منها ترويح عن النفس ..

+ 1


ومع الرأي اللي يقول كمل الدراسه في 4 سنوات إذا المعدل بيكون مرتفع عند التخرج ( المعدل عامل ضروري في إكمال الدراسات العليا + التوظيف ) , حاول تقسم المواد الحره بين الاترام مو تخليها لأخر ترم . . الله يوفقك يارب

[(( محمد ))]

لاتنسى وخذ في الحسبان أن آخر ترم بيكون عندك مادة بحث وتدريب

مادة بحث وتدريب في جدول بـ 18 ساعة مرهقه بعض الشي خصوصاً مع قلق الترم الأخير . .

لا أرهبك ولكن خذها في بالك مع تقسيم المواد

---

راجع قائمة الشعب الدراسية للترم الماضي وقبل الماضي وشوف المواد اللي بتاخذها ممكن بتكون مع اي دكتور

واسأل من الدكتور إللى ممكن تضمن عنده درجة ممتاز وفائدة علميه وتهرب من بدري من موضوع التعارض في المواد

جميل جداً انك ترتب امورك من بدري

[e7sas-tooti]

مشكورين على الآرآء ي حلوين ..

سكوت بصراحة انتي لما قلتي مافي مشكلة لما تزود ترم حمستيني بقوة

لآن انا سبق و تأخرت في سنة كاملة يعني ضاعت عليا سنة عشان كذا ما اقدر و لا ابغى اضيف ترم فوق السنة اللي خسرتها كانت هالسنة كلها بسبب تحويلات في التخصص و ارفع المعدل ومش عارف ايش بس الحمد لله على كل حال

انا سويت بحث و حسابات لو تشوفو ايش المواد اللي باقية ليا بتقولو انتا شكلك ما درست لآن باقيلي مواد كثير المواد الاساسية اللي ما اخذتها عددها 23 < من جد عدد كبير بالاضافة الى مادتين اختيارية 5 ساعات

بس انا وزعتها على سنتين + ترم صيفي و طلعت الحسبة كالتالي :

الفصل الأول :

أصول فقه (3 ) + قانون تجاري (3) + قانون إداري (3) + دولي (3) + أحكام التزام (3) + مادة حرة (3) = 18 ساعة

الفصل الثاني :

مواريث (3) +اوراق تجارية (3) + اثبات (2) + عقود مدنية (3) + عقود إدارية (2) + مادة اختيارية (2) + مادة حرة (3) = 18 ساعة

الترم الصيفي :

عقود تجارية (3) + اجراءات جنائية (3) + مادة اختيارية (3) = 9 ساعات

الفصل الأول :

قانون مرافعات (3) + ملكية صناعية (3) + حقوق عينية (3) + قضاء إداري (3) + مادة حرة (3) = 15 ساعة

الفصل الثاني :

بحث و تدريب (3) + أحوال شخصية (2) + اجراءات تنفيذ (3) + دولي خاص (2) + موارد طبيعية (2) + مادة حرة (3) = 15 ساعة

وبكذا اكون خلصت اللي عليا

طبعآ هالترتيب و التقسيم للمواد كان مبني على المواد المتطلبه يعني ما اقدر ابدل الا بعض المواد و كل ترم راح يفتح مواد الترم اللي بعدو اللي يشوف في ملاحظة يقولي + انا عارف انو كلو ملاحظات

بس هذا الترتيب اجباري عليا الا في بعض المواد بإمكاني العب في مواقعها كتقديم او تأخير و ايضا المواد الاختيارية

احتاج نصائحكم لأني بجد وسوست و شايل هم المواد الدسمة في التخصص راح تكون هي اللي بتفلق الراس اللي عندو خبرة فالمواد يصنفلي المواد لـ 3 درجات صعب و متوسط و سهل عشان احسب حسابي للمجهود في كل مادة انتظر ردودكم

[e7sas-tooti]

بسم الله الرحمن الرحيم !!

فين اختفيتو ياللي رديتو عليا

و فين الردود الجديدة .. ؟

معقولة لمدة اسبوع محد رد ؟

[سكووت]

الشي اللي يقرف في الترم الزايد انو بدون مكافاة

اصول فقه < مع الاستاذ خالد الجفري , و ان شالله المادة مرة سهلة معاه و خفيفة و سلم التكليف بدري ..

قانون تجاري المادة يبغالها مذاكرة اول بأول عشان كمية المعلومات اللي فيها و ياريت احد الشباب ينصحك باستاذ معين من شطر الطلاب ..

قانون اداري برضو مذاكرة اول بأول و تركيز و صراحة الهرجة كلها تعتمد على الدكتور او الدكتورة ..

احكام التزام , المادة كمحتوى غثيثة لكن في ناس تحب الزبدة فتروح عند اعتقد العثمان و في ناس تحب الكرف و الفهم و انا منهم فأخذتها مع العساف و اصلا احنا البنات ماعندنا غيرو يعني لا مفر , و صراحة الناس كانت تخوفني منو , لكن اسألتو عادية و بس يبغالها تركيز و من سهولتها جبت فل ماركـ بالنهائي , يمكن المحاضرة يغلب عليها طابع الملل بسبب تكرار المعلومة اكثر من مرة ووقتها دائما 2 و نص الظهر احس الوقت مرة متعب..

اوراق تجارية المحتوى بالنسبة ليا كان خفيف يتكلم عن الكبميالة و الشيك و السند ..

مواريث مع الاستاذ هاني عبدالشكور اذا فهمت اول بأول و لازم تحاول ما تغيب ولا عن اي محاضرة لأنها مترابطة , حتكون المادة بسيطة , الاسألة سهلة , يديك حقك , حتى لو جبت 94 مستحيل يخليها 95..

احوال شخصية 2 , ما اخذتها بس الكل يمدحها ..

دي خبراتي في المواد اللي اخدتها انا ..

بالنسبة للخطة اللي عاملها من وجهة نظري جيدة لأنو جدولي قبل سيمسترين كان اصعب و كل المواد يبغالها جهد و الكل قال غيريه بس كملت فيه و الحمدلله عديت , لكن دايما ركز على المواد اللي بـ 3 ساعات عشان مرة تلعب بالمعدل لعب .. حاول تجيب درجات عالية في المواد السهلة زي احوال شخصية 1 و اوراق تجارية
مممم و ايش كمان ممممم المواد الحرة اسال و استفسر و شوف اسهل شي لا تتورط و تخسف معدلك ..

و سوري عالتأخير في الرد لكن الصيفي شغلني