جدة: بروفسورة تدعو لنزع الحجاب والسباحة بالمايوه

[بسمة قمر]

مااتوقع انو هذا الكلام صحيح ميه بالميه
لانو مستحيل قسم الانجليزي يرضى بهذا الشي !!
واذا كان صحيح برضو لايخلو من التحريف فمانقول الا الله يهديهاا

[وهج المشاعر2009]

حسبنا الله ونعم الوكيل

الحمد لله ماقد شفت وعساني اموت ولا اسمع مثل هذه الاخبار ,,,,

درستني وحده دكتوره كانت تبينا نسوق وبسسسسسس

[mhao0o]

طبيعي جدا انها تدعو لدينها مثل ما احنا ندعو لديننا
لكن اللي مو مقبول هوسكوت الجامعه عن شي زي كذا المفروض تحافظ على عقيدة طلابها
و برضو صحيح يحق لها تدعو لدينها لكن ما يحق لها ابدا تستهزئ بدين غيرها

[tiiito0o]

الاخت المسيحيه ماقامت الا بواجبها تجاه دينها والمفروض اننا نتقبل هذا الشي ونحاورها بالتي هي احسن كما كان حبيبنا محمد عليه افضل الصلاه واتم التسليم هي طرحت ماعندها وكانت تستنى احد يطرح ماعنده عن الاسلام لكن الظاهر ماحولك احد .. عموما موصح ندعي عليها قولو الله يهديها للطريق الصحيح .. وبناتنا اللي تتكلمو عنهم ناس واعيه وناس عارفه دينها وعارفه انه الاتم الاكمل .. اما من ماشاها على شرعها واقتنع بما تقول فاانا ساستشهد بقوله تعالى:( انك لاتهدي من احببت ولكن الله يهدي من يشاء)


(يامثبت القلوب ثبت قلبي على دينك)

[اسفة نيوتن أنا الجاذبية]

السلام عليكم ورحمة الله وبركاته
هذه المعلمة الامريكية الجنسية
درست في كليتنا (كلية التربية ) في معهد ELI
ولم تكتفي هذة المعلمة -التي لم تتخصص في اللغه الانجليزية بل انما هي متعاقدة- فقط بهذة الاقاويل بل تطاولت على الدين ولم تكن تسمح للطالبات بالرد عليها - رغم الصعوبة في الرد عليها باللغة الانجليزية . وقد قام برفع الدعوة طالباتها عليها(الحمد لله)..

العتب مو عليهم .. العتب على انهم يفتحو معهد ويحاولو يجيبو الكثير من ال(native speakers المسيحيات (بالرغم من علمنا بتأثير المعلمة الكبير على الطالبات بدورها...
لا ويجو وهم مليانين بأفكار انو احنا شاطرين في غسل الدماغ Brain wash
هذا غير الدروس الي يعطوها المتعلقة بالأغاني..

لا وازيدكم من الشعر بيت ,,, الان طردو الكثير من السعوديات (تعاقد) وزادو الاجانب ...
يعني بالله لازم اجانب يدرسوهم ولا لازم طلابنا الaccent حقتهم تكون تمام!!!!
اهم الهنود لهجتهم اخس لهجة وبيفهمو اللغه ويتكلمو مع الاجانب ... مو مهم لهجتهم لكن المهم انهم يستطيعو يتواصلو مع اي اجنبي ...

ملاحظة: الاجانب اللي بيجو يحصلو على عقود افضل من السعوديات على الرغم من انهم غير متخصصات في دراسة اللغة (يعني المهم انها امريكيه حتى لو كانت تشتغل في روضة او اي حتى مو في مجال التعليم اصلا)

وشكرا

[اسفة نيوتن أنا الجاذبية]

الى الأخت tiiito0o
المعلمة ليست في موقف دفاع اصلا حتى تدافع عن دينها..لانو محد حادثها عن دينها اصلا !! حتى تدافع عنه

لكنها كانت تحاول ببث فكرها في الطالبات المراهقات بعرضها بطريقة مشوقه للحريه المزعومة من قبلها(نزع الحجاب) مع عمل مقارنات بحجابنا وسببه في اعاقة استقلاليتنا..

مع العلم انها كانت تتحدث عن الدين و على فكرة مبدأ الحجاب .. و قد سمعت انها تحدثت عالدين ..

مهما يكن هذا لا يعطيها اي مبرر ,, فكثير من المسلمين العرب يدرسون و يدرسون (بالضمة) , لم يمسو الديانة المسيحية باي شي
*مع العلم بان هناك في المعهد معلمات اخريات مسيحيات ولم يتطرقوا للدين ,
(انا ابغى اعرف ما شاء الله متى يكفيها الوقت ,,يدوبك تدرس المنهج الوقت كلو ساعة )
ملاحظة: كل معلمات المعهد يقولولهم ممنوع منعا باتا التحدث مع الطالبات في ثلاث اشياء..
1 الدين 2 الجنس 3 السياسة.

وهي كانت تحاول بث فكرها الغربي بطريقة مشوقة وعرضها عالطالبات ,, ولم توضع في حالة دفاع اصلا.
وشكرا

[سمينا انت]

هذا حقد وحسد لنا اللهم احظ بلادنا





هذا حقد وحسد رب احفظنا

[cup!d G!rl]

يـآريت الأخوآن مايردو ردود بدونـ مايشوفـو مشـآركه الأختـ {اسفه نيوتن أنـآ الجـآذبيه}

الأختـ تيتوو Tiiito زي ماقالت اللي بعدك اصلا الاستاذه مـآكانت ف موقف دقاع ونحن محنا بزارين ولا مهابيل لو تكلمت عن دينها باللعكس كنا حنتكلم معاها وموبس نحن الاخوات السعوديات كمـآن وكلامك مالو دخل بالموضوع الاستاذة كانت تتكلم باسلوب مررة همجي مع البناات ومع الاساتذه التانين كمان ولا بكل وقاحه كانت تقول اني جيت هنا عشان فلوسكم بس وكلام فـآضي ولمن يحاولو يردو عليها البنات او الاساتذه كانت تسكتهم انو خلاص خلاص وترمي كلام المهم ماكانت تسمعـ , ولله اذا كانت ماتبغا تسمع من الاساس ليش نسوي نفسنا وندعيها لديننا بدل مانرد عليها صح مو بالسب والتخلف بس نوقفهـآ عند حدهـآ

بس ف الاخيـر إنطردت صح اخدو وقتـ معاها بس ف النهايه خرجتـ وموضوع الهيئة دا كدبـ ماادري من فين سامعينو قال هيئة قال

بس ايش اقول غير ياااااااااااحبكم للكلام والاشاعات تموووتو فيها وياريتكم حق افعال الا كلام وكلام لا يودي ولا يجيب

[~ ṢƠųl]

الله يستر علينا وعلى الجميييييييييييييييع

[althok kolo]

حتى انـــا درستني انجليزي استاذه اجنبيه وحده هنديه .. بس كااانوا محترمين بشكل وحتى على الامووور الدينيه ماايتكلم صحيح >>الاجنبيه <<مهي مسلمه بس كانت محترمه نفسهااا .. بس الهنديه مسلمه ..