لافونتين
 



InstagramTwitterSnapChat


الاستاذة منال
 
وصف

العودة   منتديات سكاو > الكليات الجامعية > منتدى الكليات الطبية > منتدى كلية الصيدلة
   
   


تحليل الحمل الرقمى والحمل خارج الرحم

منتدى كلية الصيدلة

إضافة رد
 
أدوات الموضوع إبحث في الموضوع انواع عرض الموضوع
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
  #1  
قديم 31-12-2014, 03:47 AM

د.سارة حازم د.سارة حازم غير متواجد حالياً

غواص في بحر الصيدلة

 
تاريخ التسجيل: Nov 2014
الكلية: كلية الصيدلة
نوع الدراسة: متخرج - انتظام
البلد: الدمام
الجنس: أنثى
المشاركات: 1
افتراضي تحليل الحمل الرقمى والحمل خارج الرحم


Ectopic pregnancy/ HCG /methotrexate (3×1)
هتكلم في موضوع مهم يارب نستفيد منه معلومات كتير بشكل بسيط ان شاء الله
لازم نعرف معلومتين مهمين قبل ما ندخل في موضوعنا وهو
ازاى اساهم في التشخيص المبكر للحمل خارج الرحم او ال ectopic pregnancy
وازاى كصيدلى امد المريضة بنصائح ومعلومات صحيحة على اي استفسار باذن الله
(1) ال HCG blood test :
ده اختبار بيقيس نسبة ال HCG في ال blood وفيه منه نوعين :
الاول qualitative وده بيقولى الهرمون موجود او لأ يعنى نتيجته ve+ او ve-
التانى quantitative وده مش بس ايجابي او سلبي
ده كمان بيحدد نسبة هرمون ال HCG وبدقة الى بنبنى عليها استنتاجات مهمة زى ما هنعرف
وبوحدة miu/ml
وال normal value بتعتمد على اسبوع الحمل الى تم حسابه تقريبيا بناءا على
السونار وميعاد اول يوم في اخر بيريود
يعنى بيقولى في الاسبوع الاول المفروض بيكون كذا التانى كذا ... الى اخره
الارقام مش مهم احفظها لانها بتكون مكتوبة في التحليل
لكن في ارقام ومعايير مهم جدا اعرفها عشان اقدر اتعامل واقرأ التحليل
طالما النتيجة كانت اكتر من 25 miu/ml فده معناه ان في حمل
بس هل الحمل ده مستقر والامور تمام ولا في مشكلة ماقدرش اعرف غير بعد تكرار الاختبار
مرة تانية بعد 48 ساعة
(المفروض ان ال HCG قيمته بتتضاعف كل 48 ساعة )
يبقى بعد ظهور نتيجة الاختبار التانى .. لو كانة النتيجة ضعف الاولى
يبقى كدة نورمال .. لو كان اقل او اكتر او حتى ثابت يبقى كدة في مشكلة هنعرفها حالا مع بعض ان شاء الله

(2) السونار الى لازم بيتعمل لاى واحدة حامل نوعين:
الاول.. Pelvic or abdominal ultrasound .. وده بيكون external .
التانى .. Transvaginal ultrasound .. وده بيكون internal
الفرق بينهم بيكون في امكانية رؤية ال gestational sac او الكيس الجنيني داخل الرحم
•باستخدام الاول.. بيظهر بعد6-8 اسابيع
• اما باستخدام ال transvaginal فبيظهر في خلال 4-5 اسابيع

(3) معلومة مهمة جدااااا
لما ال HCG level يوصل ل around 1500 miu /ml المفروض اشوف الكيس الجنينى بالسونار
والا اقلق واشك في احتمال وجود ectopic pregnancy

•الى هو ايه بقى البتاع ده .. يالا نشوف
<<TUBAL ECTOPIC PREGNANCY>>
•المفروض ان ال egg لما بيحصلها fertilization في ال fallopian tube بعد كدة في خلا خمس ايام بتروح ال uterus ويحصلها implantation
•في بعض الحالات بتفضل في ال tube وهنا بنسميه حمل خارج الرحم
ولكن لازم نعرف ان ده نوع من ضمن انواع ولكنه اكترهم في الانتشار
•بالنسبة للاعراض فمن اهمها الم شديد اسفل البطن متركز في جانب واحد فقط واحيانا بيتشابه مع الم الزايدة .. ممكن نزول بعض قطرات الدم .. احيانا بتوصل للنزيف
•من الاعراض في شك في وجود حمل خارج الرحم ..اختبار الحمل العادى طلع ايجابي .. طبيب الاشعة او النسا مش شايف ال gestational sac داخل الرحم ..
هنا بييجي دور الquantitative HCG
√اعلى من 25 يبقى في حمل
√يكرر بعد 48 ساعة .. لو كان بيتضاعف يبقى الحالة مستقرة واكرره تانى للمتابعة والاطمئنان
√لو كان بيقل او ثابت يبقى كدة اجهاض .. يا اما كان حمل عادى وحصل اجهاض مبكر قبل ظهور الكيس الجنينى بالسونار.. يا اما حمل خارج الرحم فعلا وبيجهض وبيحصله resolving .. وده بيكون خطورته اقل كتير من الى جاى ..
√لو كان عالى بقى حول الرقم 1500 .. يبقى احتمال من اتنين ..يا اما الحسابات اصلا غلط وهى مش في الاسبوع الرابع .. او الحسابات مظبوطة وده حمل خارج الرحم والجنين عمال يكبر وضاغط وهنا في خطورة كبيرة جدا لحصول rupture ونزيف داخلى .. والى هيفرق هنا اكتر من عامل الاعراض .. السونار .. ممكن الطبيب كمان يقدر يشوف mass داخل التيوب عن طريق السونار الداخلى .. كل ده بيوجه مش حاجة لوحدها
• طيب ازاى بيتم التعامل مع الحالتين :
√ في الحالة الاولى .. والهرمون بيقل .. وزى ماقولنا بيحصل resolving طبيعى .. بشكل كبير جداااا مش بيحتاج تدخل جراحى .. بيتم متابعة ال HCG كل 48 ساعة ..لو بينزل خلاص مافيش تدخل .. لو ثابت او رجع في زيادة تانى .. هنا بييجى دور ال METHOTREXATE ايوااا هو بتاع السرطان .. بيتاخد جرعة حقنة في العضل ده بيسرع التخلص من الجنين .. لانه بيعمل inhibition لتكاثر الخلايا الجنينية وممكن تحتاج جرعة تانية
√في الحالة التانية بنضطر نعمل منظار بطن .. هنا بيعتبر اداه تشخيصية و علاجية في نفس الوقت ..لانه بيدخل يصور الحالة بالظبط .. وممكن يتم الجراحة بالمنظار
√طبعا لو ل قدر الله حصل انفجار للانبوبة وحصل نزيف داخلى ( المريضة بيغم عليها وومكن يحصل ترجيع ودوخة وزغللة ....) خلاص لا مفر من فتح البطن وبيتم استئصال قناة فالوب
في بعض الحالات لو المبيض تضرر بيتم ازالته بردو

••••• حاجة مهمة جدااااا بقى
الى تعرضت لحمل خارج الرحم سواء عملت جراحة او بالدوا او خفت لوحدهاا لاااااااااااازم
تحلل ال HCG وماتطمنش غير لو وصل للطبيعى 5miu/ml وتعيده بعد اسبوعين او شهر عشان تطمن ان مافيش اى زيادة .. حتى لو الدكتور ماطلبش منها
تانى حاجة لااااااااااااازم تعمل اشعة بالصبغة عشان تتأكد من سلامة قناتى فالوب .. او قناة فالوب لو تم استئصال الاخرى .. عشان ماتتكررش معاها نفس التجربة .. بردو حتى لو الطبيب ماطلبش منها
هييييييييييييه بس كدة .. يارب حد يستفيد اي حاجة ويدعيلي
by DsarahazemR
رد مع اقتباس

 

إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 

 


الساعة الآن 02:15 AM


Powered by vBulletin® Version 3.8.9 Beta 3
Copyright ©2000 - 2021, vBulletin Solutions, Inc.
Ads Organizer 3.0.3 by Analytics - Distance Education

أن كل ما ينشر في المنتدى لا يمثل رأي الإدارة وانما يمثل رأي أصحابها

جميع الحقوق محفوظة لشبكة سكاو

2003-2021