شوركم وهداية الله _ الله لا يحرمني منكم

رهف · #1 13-09-2009, 04:14 PM

السلام عليكم

نرجع نتلاقى دايم كل قبل الترم الجديد ...قبل الحوسه .. نشاور بعض
في الجداول والمواد

انا حابة اطرح عليكم جدولي اللي قررته

انا طبعا باقي لي سنه ونص واخلص وحابه ارفع معدلي لكني ما ني ماشيه على الخطه

فقررت

اقتصاد كلي
ادارة اعمال انقليزي
تسويق
ادارة اعمال دوليه

وايش تقترحو علي ماده ثانيه تكون سهله

مع العلم اني باقيلي مادتين اختياري

وابي ارفع معدلي لان خلاص قرب يطيح تحت ال 3

ياللله حبايبي اخواتي واخواني مشاركاتكم

خالد الفقيه · 13-09-2009, 06:04 PM

شدي حيلك اختي رهف

وانتبهي لا ينزل المعدل عن التلاته, شكل الاتنين ترى مو حلو :)

المواد اللى اخترتيها حلوه ,, ركزي فيها تجيبي درجات

خصوصا دي التلاته

تسويق
ادارة اعمال انجليزي
ادارة اعمال دولية

والله يوفقك ,,,

Mai · 13-09-2009, 06:23 PM

رهف الله يوفقك إن شاء الله
جدولك حلو و سهل خصوصا " تسويق وّ اقتصاد كلي "

::

عندك ثقافة اذا ما اخذتيها .. بالنسبة للمواد الاختيارية يمدحون مبادئ علوم سياسية
وادخلي هذا الموضوع يمكن يفيدونك البنات
يابنات هنا تعالوا اسألوا عن الاستاذات تفضلوووووا (واللي عندها خبرة تدخل تجاوب) ‏

حأقعد عالكاشير · 13-09-2009, 11:29 PM

اقتصاد كلي ماده حلوه وتصير سهله وممتعه على حسب الاستاذه

ربي يوفقك ياعسل

جذور...الغلا · 14-09-2009, 12:38 AM

رهف

ادراة اعمال دولية

حلووه خذيها مع فاطمة جاد الله

وادراة اعمال انجليزي

خذيها مع غادة نعمة الله

وتسويق

مع شذى او جيهان (( كلهم مش ولابد بس افضل من نعيمه))

اقتصاد كلي

مع علبه بخاري

(( وان شاء الله اخذها معاكي لو نزلو اسماء الاستاذات-هذي المره الرابعه اللي احاول انزلها بس ماتزبط معايه ))

ممكن تاخذي سياسيه او النظام السياسي السعودي كمادة اختيارية

مع زينب او امل

او تاخذي ماده حره اسمها تاريخ المملكه الحديث مع نوال ششه

كل اللي يبغى يرفع معدله يروح لنوال ششه

مووووووووووووووووووووووووويــــه واسئلة سهله والمنهج 30 ورقة فقط

تكتبكم معاها في المحاضره

باذن الله مضمون الامتياز عندها

انا ناوية انزلها الترم الجاي ان شاء الله

رهف · 14-09-2009, 02:28 AM

يسلمووووووو على الردود

ادارة اعمال دوليه ما اخذها مع خديجه ضباب؟؟؟؟ مو افضل ؟؟؟؟

بالنسبه لنظام الحكم خلاص اخذتها زمان مع امل
ومواد الحره خلصتها الحمد لله

باقي مادتين اختياري .... بس ما ابي شي يخص السياسه

بليزي ابي اختياري سهل .. او اي مادة بالنسبه لخطة الموارد البشريه

فديتكم ساعدوني

جذور...الغلا · 14-09-2009, 05:51 AM

المشاركة الأصلية كتبت بواسطة رهف

يسلمووووووو على الردود

ادارة اعمال دوليه ما اخذها مع خديجه ضباب؟؟؟؟ مو افضل ؟؟؟؟

انا اللي سمعته ان اسئلتها صايره صعبــــه

والبنات ندمو انهم اخذو معها

وسوي بحث على فاطمة جداالله

عشان تتطمني اكثـــر ... مررره طيوبه واسئلتها مويه

والنهائي اصلا موحد... بس الاقل تضمني درجات عاليه في الدوريات

باقي مادتين اختياري .... بس ما ابي شي يخص السياسه

بليزي ابي اختياري سهل .. او اي مادة بالنسبه لخطة الموارد البشريه

فديتكم ساعدوني

و الله ياعزيزتي معرف ايش ممكن اقولك بالنسبة للمواد الاختيارية

بس ممكن تاخذي مبادى ادراة عامه سهله
بس المشكلة تقفل الشعب بسرعه

عندك ادراة قواعد البيانات مع ريم مشاط

رووووووووووووووووووووووووووووووعه تافهه

من جد انا مااعتربها ماده من سهولتها

تطلب منكم مشروع على الاكسس تيم ورك

والنظري البور يمكن 30 ورقة بالكثير

من جد انصحــك فيها

رهف · 15-09-2009, 02:47 AM

فديتك يسلمو على الرد يا قلبو

بس قررت اني اخذ مادة اضافيه من الخطه .. ماده اسمها قياده وابتكار

في احد سمع عن هالمادة ؟؟ انا سمعت انها حلوة لا سهله ولا صعبه

بنت من الجامعه · 15-09-2009, 04:07 AM

بنات في الترم الواحد فيه حوال 18 ساعه

يعني الين الساعه كم نداوم تقريبا ؟؟
في اليوم الواحد

رهف · 15-09-2009, 09:38 PM

Up up up

شوركم وهداية الله _ الله لا يحرمني منكم

ارشيف كلية الإقتصاد والإدارة