هنا معاني الرموز الموجودة في الجدول الدراسي ..

[Rwaq]

السلام عليكم ورحمة الله وبركاته

كيفكم ان شاء الله تمام

اليوم راح نتكلم عن الجدول الدراسي ونشرحه

هذي صورة لجدول

اضغط هنا لمشاهدة الصورة بالحجك الطبيعي.

عندنا اول خانه من اليمين اللي هيا خانة التسجيل

ايش معناها : المواد المسجله في الجدول باي تاريخ انضافت للجدول

واسمك صار مسجل عند كشف الدكتور اللي يعطي المادة في اي تاريخ

الخانة الثانية اللي هيا المـــــادة

ولو تلاحظوا انه هذي الخانة مقسمة الى ثلاث اقسام

القسم الاول : فيه رمز المادة بالانجليزي او اختصار اسم المادة

القسم الثاني: رقم المادة

القسم الثالث: الشعبة الدراسية يعني زي حكاية الفصول الدراسية

ننتقل للخانة الثالثه اســـم الــــمادة

هذي الخانة واضحة ومافيها اي غموض

لكن في ملاحظة ارجعوا شوفوا الجدول مره ثانية راح تلاحظوا

انه في سطور ورى بعض مو مكتوب فيها اي كلمة بالتحديد تحت اللغى الانجليزية

هذي السطور معناتها يتبع بدل مايعيدوا في كل سطر ويكتبوا انجليزي

نجي للخانة اللي بعدها الــــوحـــــدات

يعني عدد الساعات طبعاً عشان تتخرجوا لازم تكملو عدد ساعات معينة اغلب المواد بـ 3 ساعات

في مواد زي الثقافه الاسلامية بساعتين

وشوفوا في الاخير مكتوب عدد الساعات الفعليه اللي هوا مجموع عدد وحدات المواد

نجي لشرح خانة الايــــــــام

لكل يوم اختصار معين يرجع لاصل الكلمة بالانجليزي

مثلا:

saturday =السبت فالبتالي الاختصار راح يكون اول حرف اللي هوا حرف s

بس بما انه يوم الاحد sundy فالبالتالي الاختصار راح يكون اول حرف اللي هوا حرف s

وعشان مانلخبط بينهم

صار السبت s

والاحد قبلs نقطة يعني s.

الاثنين m

الثلاثاء t

الاربعاء w

وغالباً راح يكون في جداولكم

s.m.w << معنآه سبت واثنين وربوع ..

.s.t.< < معنآه أحد وثلوث ..

ولاحظوا بعد رمز كل يوم في نقطة

نجي لخانة الـــوقــــــــــــــت

الجامعة نظام الساعه عندها هو نظام 24

بمعنى 12

بعدها 13 يعني الساعـة الــواحده

14 يعني الساعه الثــانية ....وهكذا

نجي للــــمبانــــــــي

اعتقد مو محتاجه شرح

بعد كدا عندنا الــغــــرفـــــــــــــــة

عشان ماتتبعوا وانتوا تدوروا الغرفه اللي فيها المحاضره في اي دور

a=الدور الاول

b=الدور التاني

c=الدور التالت

اخر خأأأنــه النــــــــــــوع

مو مهم تعرفوه بس في حروف معناتها المادة انضافت من نفس الموقع وحروف معناتها المشرفين

ضايفين الماده وحروف معناتها الطالب ضايف الماده ...الخ

راح تعرفوها في مراحل متقدمة

انا كدا اكون خلصت من شرح الجدول

طبعاً سهرانه ومانمت عشان قلقانه على جدول

ادعولي مايصير مشاكل في الحذف والاضافه بكر

أخيــراً

اتمنى اكون قدرت اشرحلكم الجدول ورموزه بوضوح

بالتوفيق

ملاحظة : الموضوع من جهد الأخت شهودة العسولة , وأنا نقلته للفائدة ولأن كثير يجهل الأشياء هذي وأولهم Rwaq << أنا

[؛؛وجود؛؛]

بجد ماقصرتي يالغلا
وضحتي لي شغلات كثير
وموضوعك في الصميم ووقته مناسب

روحي نامي عسوله
ونوووم العوافي
واحلام سعيده مايكون فيها جداول

اشكرك بحجمك
كل التوفيق والاحترام

[خـا!لـد]

المشاركة الأصلية كتبت بواسطة ؛؛وجود؛؛ بجد ماقصرتي يالغلا وضحتي لي شغلات كثير وموضوعك في الصميم ووقته مناسب روحي نامي عسوله ونوووم العوافي واحلام سعيده مايكون فيها جداول اشكرك بحجمك كل التوفيق والاحترام

مو هي اللي بتنام اللي إنّقل عنها الموضوع هههههههههههههههههههآي

ع العموم شكراااا كثيييرراااا ع الموضوع جداولنا للحين مانزلت :)