فضفضه وسط الاختبار

[طالب@2010@]

كتبت هذا الموضوع عشان افضفض شوي

بالنسبه للانتساب انا بصراحه افكر اتركه ومتردد رغم اني الحمدلله ما حملت ولا ماده ومعدلي فوق اربعه ...
بس نرجع لنفس الاسطوانه القديمه الرسوم اللي تعبتنا ولا شفنا مقابل حتى الكتب نشتريها
حتى الجامعه حقتهم ماعرف شكلها ..

يعني ركزوا على كلمة المقابل وش الفايده لما ياخذونها

ليش المبتعثين لبرا مدفوع كل مصاريفهم ..واحنا هنا انتساب مانعرف الجامعه الا في اسبوع اختبار
وعلى حسابنا حتى اختبار المناطق الف ريال مع العلم ان جامعة الاحسا ببلاش
ولاطعينا في الشمس حتى ماوفروا لنا صالة نراجع فيها
قبل الاختبار وكأننا طرارين


غير اننا نثني ركبنا عند المدرسين الخصوصين لطلب العلم وهم يثنون جيوبنا بمبالغ كبيره
يعني يكلف الترم من سته الى سبعه اللاف واخرتها الشهاده مكتوب فيها منتسب
ومعدل مشي حالك ... وتعب على الفاضي

طبعا يوم شافوا المطالبات كثرت قالوا خلاص قدموا اعفاء
طيب اللي مو مسجل في التأمينات ولا في التقاعد يعني مو موظف المفروض من اول معفي

بعدين يقولون لازم الموظف تكون ظروفه تعبانه يعني اروح اتدين عشان تعفوني
واصنع لي ظروف ...صعبه بلله هذا عذر يعني بدل ما تخففون عنا تطفورنا

ليش ما يرجعونها زي اول ادفع اول ترم فقط ...؟ واختبار المناطق كل ماده بميه وتخب


لييش هذا الاستغلال بشكل عام

مطالباتنا لو وصلت للملك راح يعفينا ولكنها تقف فييتجمد الموضوع

ويعطونا من البنج اللي متعودين عليه

وكأننا ماحنا من ابناء وطن واحد كل واحد ياكل الثاني


عموما انا ز....معي واذاحملت اي ماده ماتوقع اني باكمل

ولا بارك الله فيهم ولافي جامعتهم ولا في المدرسين الخصوصيين


وياروح ما بعدك روح كل شي صار بالدراهم عموما الكلام يمكن سمعتوه كثير

بس عشاني تعبان الحين ونسيت اكثر الكلام ولا كان ...




عموما شي مهم
احب اشكر في النهايه كل الاخوان المتطوعين ومن يقفون مع زملائئهم الطلبه بلامقابل
يسوون ملخصات وغيرها ..ويصرفون الكثير من الوقت والمجهود من انفسهم

ونقول الله يجزاكم خيروانتم من الاشخاص النادرين في هذه الايام
قد لا تعني لكم كلمة شكرا شي ولكن الله يعوضكم عن تعبكم بتوفيق ترونه في حياتكم واخرتكم


والمنتدى هذا استفدنا منه كثير ...مشكورين

ودق الزير ياولد
يعني فوضوها سيره

[سمو احساس]

ما اجملهاا من فضفضه

هههههههههههههههههااااى

ربي يسعدك دنيا واخره

وإن شاء الله انك ما تحمل اى ماده من شان متنسحب

وبالنسبه للرسوم والكتب واختبار المناطق يجيب الله مطر

وترى منتسب مثل منتظم صدقنى اسئل مجرب

واحد عندنا ماعنده الا مفاتيح التبن اعزك الله

ومدرى من وين جاب له شهاده انتساب فى اداره اعمال

ومسكوه ريس علينا برتبه حلوه (عندنا بارامكو يسمونه سنير ستف او 31)

الله يوفقنا ويسهل علينا جميعا"

[عاشق الغربه]

الله يعطيك العافيه على ماخطته يداك وان معك فيما تقول المفروض ان الطالب المتميز مثلك وشرواك يعفى عنهم ولكن لاحياة لمن تنادي اسال الدي لاينام ولايعفو الملك الواحد القهار ان يسر امور كل مهموم ومغموم ومديون ولك جزيل الشكر ياخي الكريم

[ahmed 993]

كــفــيــت واوفـــيــــت
طالب@2010@

[طالبة بحره]

والله لو يصير فيني مثلك لااشرد من هالجامعه من زمان
توني مسجله ودافعتلهم اول رسوم ومنقهره وابي اقدم اعفاء وبجيب الاعذار الي عندي والي عند جيرانا بعد

لان هذي مو حاله بصراحه

المنتظمين يحضرون كل المحاظرات ويستفيدون ويجيبون معدلات حلوه وفوق هذا لهم مكافات واحنا الي مالنا احقيه حتى ان نحضر المحاضرات وعلى قولتك مانشوف جامعتهم بالترم الا اسبوع الاختبار وفوق هذا يدفعونا رسوم لاتطاق مع مايترتب بعد من اسعار الكتب والملخصات والمدرسين الخصوصي


حسبي الله ونعم الوكيل

[امير الكلمة]

ياجماعه العلم ادفع فيه دم قلبك ماهي مشكله ، بعدين اذا لديك ظروف احضرها مع معروض لعميد الجامعه

صدقني راح يعفيك على الفور من الرسوم ، والتى من ضمن الشروط انك تعدي سنه واتوقع معدل عالي

وانت ماشاء الله فوق ال 4 ، ايضا هناك تقديم على منح الدراسه تفتح كل سنه


الله يوفقك باقي 3 سنين تروح بساع هذا مستقبلك ماهو لعبه لاتغلط وتنسحب تندم عليها
هناك أناس يدفعون بال 50 ألف بالترم عشان يدرسون ، الله يوفقك ان شاء الله

هذي نصيحه أخويه

[امير الكلمة]

المشاركة الأصلية كتبت بواسطة المهموم الله يعطيك العافيه على ماخطته يداك وان معك فيما تقول المفروض ان الطالب المتميز مثلك وشرواك يعفى عنهم ولكن لاحياة لمن تنادي اسال الدي لاينام ولايعفو الملك الواحد القهار ان يسر امور كل مهموم ومغموم ومديون ولك جزيل الشكر ياخي الكريم

هناك تقديم على منح الدراسه تفتح كل سنه ـ بس انت نايم

[فتى القلب الجريح]

اخوي الكريم
اولا اقدر ماتمر به من تساؤلات واحباطات تثنيك عن مواصلة مشوارك التعليمي

ارجوا ان لايكون الهدف من الاتساب هو الانتساب
يعني بس عشان الناس يقولون انك تدرس

هذا اكبر غلط

انت حط في راسك الحصول على العلم و شهاده الجامعه

اذا ماتبي تدرس عن جد اتمنى تروح تدور لك اي شغله او وظيفه في العسكريه او غيره

من ناحية الدروس انا الترم اللى فات درست عند 3 مدرسين رياضيات وعربي وانقليش
بمبلغ وقدره .............

لكن الترم هذا المنتدى نزلوا فيه الاخوان محاضرات لجميع مواد الانتساب
فبدلا من دراسة الانجليزي والاحصاء عند مدرسين خصوصيين رحت وحملت المحاضرات
والملخصات والاخوان في المنتدى ماقصروا
فقط شوية عزيمه واجتهاد راح اوصل للمطلوب وهو معدل ونسبه حلوه

ولله الحمد جت الاختبارات وابدعت فيها && وهذا من فضل الله وتوفيقه


يعني الحين مافيه داعي تروح لمدرسين خصوصيين
المحاضرات موجوده ووفر على نفسك دراهم انت في غنى عن صرفها للمدرسين


الحين جينا لرسوم الدراسه لكل ترم
صدقني لما عرفت انه الشيخ العلامه ابن عثيمين رحمة الله عليه درس في الجامعه انتساب وحصل الشهاده
ايضا الشيخ سعيد مسفر حفضه الله حصل على الجامعه انتساب وهو في عمر الاربعين وكمل واخذ ماجستير ودكتوراه(( والله لايضره ))
وغيرهم الكثير لم يمنعهم التقدم في العمر او اي شي غيره من مواصلة التعليم

من ناحيتي الحين والله 3000 ادفعها وانا مرتاح
ولو يرفعون الرسوم الى 5000 راح اكمل الدراسه
ليس دليل اني قادر ماديا لا والله
لكن راح اتدين او اتسلف او اعمل اي شي
اهم شي ازيل كل العقبات في الحصول على الجامعه واكمال الدراسات العليا

وصدقني اذا قصدك العلم ربي بيسهلها عليك
قال صلى الله عليه واله وسلم (( من سلك طريقا يلتمس فيه علما سهل الله له طريقا الى الجنه ))
الحكمه تقول اطلب العلم من المهد الى اللحد


اتمنى منك اخي الكريم ان تواصل مشروعك وتواصل دراسات عليا في تخصص ينفعك في الدين الدنيا
وش ينقصنا انا وانت وغيرنا من ان نكون مثل غيرنا من الاساتذه والمعلمين والدكاتره
اذا كان المستوى الدراسي جيد جدا فاعتقد مافيه شي مستحيل عليك الا اذا تحقق عندك شيئين
وهما
1- الرغبه
2- العزيمه والاصرار
اذا تواجدت هذه الاسباب صدقني عقبات كالجبال لن تقف في طريقك


عذرا على الاطاله
واتمنى لك التوفيق

[إسماعيلH]

بس كثير ثلاثة الأف طيب لو إنزلوها إلى الفين ويخفضوا رسوم إختبار المناطق الى 500 ريال

ياريت يعملوا لنا تخفيضات

[اسير]

حسبنــــــــــــا الله ونعم الوكيل

اخواني اخواتي

طلاب وطالبات بارك الله لكم

ولكن والله انه قهر يوم انك تدفع ثلاث ألاف وانت لو تعد الايام اللي قضيتها في الجامعه ما تتعدى 50 يوم من اربع سنوات يعني لو اذناها باليوميه احسب كم بيطلع وبعدين لو تلاحظ أكثر المحاضرين اجانب وين الدكاتره السعوديين اللي مليانه اساميهم في الكتب انا سئلت مدرس اجنبي عن سؤال قاعد يحك براسه قالي انا مجرد محاضر روح لدكتور الماده هو يفيدك هذا الكلام في الدورة لماذ هذا العنـــــــــــاء يا اخي الكريم جامعه ام القرى بدون سنه تحضيريه تخصص دايركت

ولكن حسبنا الله ونعم الوكيل

طالب جامعي منتسب منسم مطفر