الله يسعدكم ردوا ضروري

[Diro]

السلام عليكم ورحمة الله وبركاته

أدري مو وقته السؤال يعني قلقانين وحالتكم حالة تبغوا النتايج (( الله يوفقكم وينجحكم))
بس قلت أسأل قبل ماتأجزوا ..
أنا منتسبة جديدة وناوية اذاكر من الان صراحة خوفتوني لكن بالنسبة للكتب ابغى اعرف بتكون نفسها ولا كيف..
والناس الشطار واللي جابوا علامات عالية ابغى اعرف كيف طريقة مذاكرتهم للمواد وايش هي الملخصات اللي ذاكروا منها وكيف حصلوا عليها ..
بالمختصر المفيد ايش تنصحونا احنا المنتسبين الجدد وايش اللي استفدتوه من تجربتكم اعطونا الخلاصة بلييييييز
قولوا كل شئ (فضفضوا) المجال مفتوح

منتظرة الردود
ديرو

[شجرة التوت]

اولا الله يوفقك

ثانيا نصيحه لاتشتري ولا منهج لان المناهج تتغير على طوووووووول الله اعلم اش حتكون موادكم اللي حتدرسوها

لاكن نصيحه لك من قلبي انك تشدي حيلك من بدري ولالالالالالالالالالالالا تذاكري من ملخصات نهائيا ودت كثييييييير ورا الشمس
ذاكري من كتابك الجامعي +النقاط المهمه اللي تكتبيها من استاذتك وبالاخير اطلعي على نماذج اختبار تلاقي المنتدى هنا مليااااااااان


ان شاء الله يكون على حظك مافي سنه تحضيريه

والاعضاء هنا بالمنتدى ماراح يقصرو معاك اذا احتجتي شي

بالتوفيق ياقلبي

[سـامـي]

بالنسبة لتغيير المناهج الله أعلم السنة التحضيريه أول مره تطبق هذي السنه

لا تستبعدي تلغى أو يكون فيه تغيير وتصحيح اخطاء

بالنسبة لنجاح طبعاً ذاكري زين تنجحي بدرجات عاليه

بالتوفيق

[مشاري بن سعود]

اختي الكتب في علم الغيب مااحد يدري اذا تتغير او لا وانا اتوقع ماراح تتغير ولاشي لانه منهج مومعقوله كل سنه يغيرونه

بعدين انا مو شاطر ترى بس اعرف انه المذاكره من الكتاب بالدرجه الاولى واذا خلصت الكتاب الملخص للمساعده بس يعني تسترجع معلوماتك منه

الاسئله كلها صح وخطا واختر الاجابه الصحيحه بطريقه التضليل طبعا الاجابه

وبالتوفيق

[فهد العنزان]

المشاركة الأصلية كتبت بواسطة Diro السلام عليكم ورحمة الله وبركاته أدري مو وقته السؤال يعني قلقانين وحالتكم حالة تبغوا النتايج (( الله يوفقكم وينجحكم)) بس قلت أسأل قبل ماتأجزوا .. أنا منتسبة جديدة وناوية اذاكر من الان صراحة خوفتوني لكن بالنسبة للكتب ابغى اعرف بتكون نفسها ولا كيف.. والناس الشطار واللي جابوا علامات عالية ابغى اعرف كيف طريقة مذاكرتهم للمواد وايش هي الملخصات اللي ذاكروا منها وكيف حصلوا عليها .. بالمختصر المفيد ايش تنصحونا احنا المنتسبين الجدد وايش اللي استفدتوه من تجربتكم اعطونا الخلاصة بلييييييز قولوا كل شئ (فضفضوا) المجال مفتوح منتظرة الردود ديرو

http://www.skaau.com/vb/showthread.php?t=63271
http://www.skaau.com/vb/showthread.php?t=57507

[albader]

مافي خوف ولا هم يحزنون ... السنة التححضيرية سيناريووو للي درستيه في المتوسطة والثانويه ..

يعني بتذكرين ماراح تشيل همي شي بتسوي زينا قبل الاختبارات باسبوعين يفتح الكتب بيتوهق ..

المواد العلمية مثل الرياضيات والتحليل والاحصاء هذي يفضل تاخذيها كتب وتتاخذي لفه على اسئله الاعوام السابقه
والمواد الاخرى عاتي لو تشيليها ملخصات لاني احس الملخصات افضل ....

وبالتوفيق لك ولاتشوشي عقلك خليك على وزنيه وحده لانك بتسمعي ردوود وكلام واجد خوذي المفيد واممشي عليه

اهم شي لاتاجلين ذاكري اول باول

[سلطان الحائلي]

اولاً: اسأل الله لنا ولك التوفيق ..

ثانياً: الأخوان اضنهم كفو ووفو لكن أنا ابي انصحك نصيحة أخ يريد لك الخير من خلال خبرة الترمين اللي راحوا ودققي بلاكمي وتذكريه

المواد اللي درسناها في الترمين ماهي صعبه على الإنسان اللي يعطيها حقها من الإجتهاد والمذاكرة

يعني لايجي أحد ويقولك الدعوى سهلة وكلها تظليل وراح تنجحين وبنفس الوقت لا تعتقدينها صعبة مرة حتى لاتحبطين نفسك لأنك بأول المشوار (ومشوار الألف ميل تبدأ بخطوة).

ثالثا: بالنسبة للكتب لا تستعجلين عليها لأن احتمالية تغييرها واردة جداً وبالذات المواد العلمية

وأنصحك تكون مذاكرتك من الكتب ومن ثم المرور على اسئلة الأعوام الماضيه وتحصليها هنا في المنتدى وهذي مهمة جداً حتى تعرفي كيف صيغة الأسئلة ولا تتفاجئي فيها بالإمتحان

ومن ثم المرور على الملخصات (إن توفرت) .

رابعاً: يستحسن أن تأخذي مدرسات خصوصيات في المواد العلمية إن كانت ميزانيتك تسمح.


خامساً : متابعة المنتدى أول بأول لأن الأخوان هنا يطرحون أشياء مفيدة جداً بالذات الأسئلة للأعوام السابقه (وفي اختبار الرياضيات الماضي طرح احد الأخوة اسئلة جاء منها أكثر اسئلة الإمتحان)

لكن اياك أن تكون متابعتك للمنتدى على حساب مذاكرتك :)


وبالنسبة لكيفية الحصول على الكتب هناك مكتبات بجدة تقوم بتوصيل الكتب لكِ في أي مكان بالمملكة عن طريق (dhl) إذا أردتي أن نزودك بإرقامها في المستقبل .

وأهم نقطه تذكري أختي الفاضله إنك إذا تعبتي في المذاكرة وبذلتي اللي تقدرين عليه أن الله عز وجل لن يضيّع تعبك .


أخوك/ سلطان ؛؛

[..الدعجاني..]

الله يوفقك الكتب كويسة ولاكن الاهم عندي الملخصات
لانها تكون محددة وبرضه الكتب مهمة

[mfhmfh]

أختي ديرو
خطوه طيبه منك واتمنالك التوفيق والنجاح إن شاء الله
السؤال انتي تبين نجاح ولا فل مارك (علامه كامله)
اذا تبين علامه كامله اسألي غيري <<<هههههههههههه
اذا انتي تبين النجاح اعملي مثل ما عملت والحمد الله الله وفقني الى الان ناجح<-- الله يستر من الانجليزي
شوفي خوذي الملخصات ولا تغيب عينك عن المنتدى وباذن الله انتي ناجحه
الجامعه سهله بس يبيلها انك تهتمي شوي
تحياتي لك
واذا فيه اي سؤال ثاني عن الجامعه انا حاضر <--- هههههههه واضح اني مصدق

[.+. LaMa .+.]

اهلا بكـ ... :)

الله يوفقكـ يارب ولا تشيلي هم والكتب تتغير وكمان المقرر يتغير ما تعرفي ايش المحذوف لكم ...

اهم شئ تذاكري اول بأول من كتبتك وثاني تراجعي من الملخصات ونماذج الاسئله ...

ارق التحايا