ماجستير رياضيات

[سجلت علشان استفسر]

السلام عليكم .. تحية طيبه ،،
انا معايا بكالريوس رياضيات بمعدل 3،64 من جامعة طيبه
ودبلوم انجليزي لمدة سنتين بمعدل 4،30 معتمد من جامعة طيبه

وحابه اقدم ماجستير رياضيات ..
ماختبرت قدرات ولا كفايات ولا توفل ولا ايتها حاجه وشهادتي غير تربويه

حابه استفسر ارجوكم ..
هل دبلوم الانجليزي يكفي عن اختبار التوفل ؟!!
طيب اذا مايكفي ككيف اختبر توفل ووين وبكم ؟؟ لانو لازم يكون سريع اختبره قبل مايفك التقديم 16-4-1435

الله يسعدكم جاوبوني .. نفسي اكمل دراستي .. كان نفسي بالبعثه وماتوفقت ):
ودحين شوفوني حاقدم ماستر بجده وانا من المدينه .. طبعا جامعة طيبه تطلب معدلات مرتفعه للماستر .. حتى دبلومات التربوي معقدتها علينا جامعة طيبه
ارجو الرد الله ييسرلكم اموركم

[هدوٍء~]

لازم قدرات وستيب من مركز القياس والتقويم للأسف ماعتقد تقدري تقدمي هذه السنه لأن التقديم يبدأ الأحد واقرب اختبار قياس ماعرف متى ونتيجته تاخذ من اسبوعين لثلاثه عبال تطلع

[lavita]

حسب ما أعرف اختبار القدرات مو مطلوب في ماجستير الرياضيات، فقط اختبار المفاضلة + شرط اللغة الانجليزية ستيب، توفل او مايعادلهم. و فيه دورة بديلة بالجامعة ممكن تستفسري من الجامعه عنها. لا تضيعي التسجيل عليكي و بالتوفيق :)

[سجلت علشان استفسر]

المشاركة الأصلية كتبت بواسطة lavita حسب ما أعرف اختبار القدرات مو مطلوب في ماجستير الرياضيات، فقط اختبار المفاضلة + شرط اللغة الانجليزية ستيب، توفل او مايعادلهم. و فيه دورة بديلة بالجامعة ممكن تستفسري من الجامعه عنها. لا تضيعي التسجيل عليكي و بالتوفيق :)

الله يسعدك ياااااااااارب رفعتي معنوياتي.. طيب الدبلوم ماحيفيدني؟لانهم بيقولو اللي معاه مؤهل انجليزي نعفيه من التوفل بشرط انو مايكون ماجستير انجليزي أو شي زي كدا
يا أهل الخبره افيدوني

[هدوٍء~]

سوري اختي صحيح القدرات مو مطلوب شوفي الصفحة هذي

http://graduatestudies.kau.edu.sa/co...=AR&cid=116895

[هدوٍء~]

وكمان اتصلي على عمادة الدراسات العليا وأسألي يوم الاحد افضل لك يردو بسرعه دقي على قسم الرجال البنات مافي أمل يردو

[سجلت علشان استفسر]

شكرااا ياقلبي احتصل عليهم يارب يكون مااحتاج توفل ولا ستيب

[اقتصادي لغوي]

الأساتذة ما قصرو :)

هادا الينك تلقي فيه التواصل مع القسم :

http://math.kau.edu.sa/Pages-contact...e-section.aspx

وممكن الأهم منو اللنك تبع عدة أرقام منها أرقام وحدة القبول ( في عمادة الدراسات العليا ) :

http://graduatestudies.kau.edu.sa/Pa...%86%D8%A7.aspx

وأهمها مدير وحدة القبول أستاذ عبد الله صفحي تحويلة 64663

انسان كبير بالسن ومحترم جدا

وآخر حاجة هادا اللنك تبع مواعيد اختبار ستيب على موقعهم الرسمي :

http://www.qiyas.sa/ApplicantsServic...lishSteps.aspx

لو كنتي مختبرة قدرات كان قلتلتك تشرفينا بقسم الاقتصاد يقبلو رياضيات جيد مرتفع .. ومافيه اختبار مفاضلة .. وفيه دورة بديلة عن التوفل

اللي شدني أكثر شيء انك طامحة للبعثة وما اتوفقتي

لأنو أنا كمان طامح للبعثة وناوي عليها بعد سنتين .. بس آخد ماجستير اقتصاد واقدم عليها :)

طبعا اذا ناوية على بعثة دكتوراة خدي ماجستير رياضيات .. لأنو انتي عارفة انهم صارو مشددين على امتداد التخصص وكل مالهم بيشددو أكتر

بس وربنا يحققلنا اللي نتمناه

[سجلت علشان استفسر]

اقتصادي لغوي الله يوفقك.. ردك من دهب.. اديتني أمل.. كمان انا زيك ماقدرت اطلع بعثه بسبب المعدل وقلت ماليها إلا اطلع بعثه بعد الماستر..
المهم.. اختبار كفايات انا عارفه ممكن أسجل بس الاختبار حيكون في شهر 6 والتقديم دحين يعني ماحيستنو عليا الين اختبرر..
طيب الاقتصاد كمان حلو.. بس ماقدر قولي ليش.. لانو من شروط الماستر اذا كانت شهادتك غير تربويه لازم تاخد ماستر في نفس تخصصك لو معايا تربوي كنت اقدر أقدم ع أي تخصص تاني..... مره نفسي أكمل دراستي.. الله كريم -_-

[اقتصادي لغوي]

الأمل دايما موجود يا أستاذة سجلت عشان استفسر

لولا الأمل والطموح لكان الموت أفضل من الحياة :)

انتي اتواصلي مع القسم ومع مدير وحدة القبول وان شاء الله بتلقي اللي يسرك

واذا ما حصل نصيب هادا الترم الله يعينك تقدمي ع الترم الثاني لو فتح التقديم ( مدري بصراحة هل يفتحو تقديم ماستر في نص السنة ولا لأ )

ومدام تبغي بعثة دكتوراة خليكي في الرياضيات لا تغيري

لأنو الاقتصاد مو مضمون انو يبقى من ضمن تخصصات الابتعاث للسنوات القادمة وكمان لأنو لازم تبتعثي في الدكتوراة على نفس تخصصك في الماستر

أما موضوع الشهادة التربوية ده مدري عنو صراحة

بس للمعلومية فيه زميلات لينا في قسم الاقتصاد معاهم بكالريوس رياضيات منهم الأستاذتين : مولا وجنون الطفولة .. وهم معانا هنا في المنتدى

سيدات فاضلات بمعنى الكلمة ممكن تتواصلي معاهم لو حبيتي وما راح يقصرو معاكي

وربنا يحققلنا اللي نتمناه