دكـــاآترهـ...اتأجروو فيا وجااوبوني بخصووص الدراسه والانجليزي .. = )

[~..SoNa..~]

بسم الله الرحمن الرحيم

السلام عليكم ورحمه الله وبركااته..<<ردو السلام كامل عشان تكسبو 30 حسنه..
آآمـمم..ببدا على طول ..لاني انا ما اعرف للمقدماات والفلسفه ..الموهيم..
انا طالبه في ثالث ثنوي ..و نفسي ادخل طب ..بس انا خايفه من دراستو ومن دراسه السنه التحضيريه لانها بالانجليزي..
وانا الحمد لله مستوايا في الانجليزي دايم ممتاز .. بس مشكلتي اني ما افهم شرح الابله ..يعني لما اقرا حااجه افهم واعرف اترجمها واوصل لمعناها ..بس لما اسمع ما افهم ..واللي اعرفو انو الطب والتحضيري الشرح بالانجليزي ..وكمان انا احس انو مستوايا ممتاز مو عن جدااره 100% ..اجيب ممتاز لانو الابله مسهلتو لنا ..وتدينا اوراق مرااجعه نزاكر منها وبس..<<هذا بالنسبه للثنوي..
اما في المتوسط اقل درجه جبتها في الانجليزي 92 من 100 <<و كان الكتااب كلو معانا من الجلده للجلده..بس برضو كماان انا ما قارنت عليه لانو منهج المتوسط سهــــــل..

ونسبتي في الثنوي 92 <<هئ هئ اقل نسبه جبتها في حيااتي..
بس بصرااحه انا استاهلها لاني ما كنت ازاكر اول باول ..في ليله الاختبار الساعه 10 او 11 في الليل ابدا ازاكر بالنسبه للمواد العلميه..اما الدين والعربي كنت ابدا فيه الساعه 2 الفجر ..وارووح السكوول مواصله ..

<<<معليـــــــــــــه طوولت عليكم ..بس انا حبيت اوضح اكتر..عشان تعرفو مستوايا..

وسؤاالي لكم..يعني برايكم ومن خبرتكم ..لو ادخل تحضيري حامشي في الانجليزي..و حاجيب معدل يدخلني طب ..؟ <<طبعاً بعد اراادة الله ..

وعندي سؤاال ثااني..بس يخص السنه التحضيريه..
السؤال انو افرض مثلاً اني دخللت سنه تحضيريه..واخترت طب ..بس ما انقبلت لانو معدلي منخفض <<((الله لا يقوول ان شا الله..))..الموهيم اقدر بعدين احول قاانون ..ولا خلااس ما حنقبل في شي..؟

وايوا صح..اللي عندها ولا عندو راابط اختبار انجليزي يوضح المستوى..لا يبخل علينا ..

الله يوفقكم كلكم ان شا الله ..بليـــــــــز جااوبوني ..

[surgeon]

اختي كلنا دخلنا الجامعة بانجلش تحت الصفر((بركات المدرسين المصرين))((زس از))

هههههههههههههههههههههههههه

يمكن تلاقي صعوبة في البداية بس تصير الامور سهلة


وترى الطب مايعني لازم لغة قوية((من تجربه))

اتمنى اني افتك

سرجون

[مَـزٍآج ..}..]

مو ششـرط يكون عندكـ الأنقلـش مره قـود عشان تمشي في الكليـة ..

أهم شئ تجتهدي .. واكيـد مآ ينفع تبدي السآعه 11 الليل في الطب هههههههههه ..

ممكن اول يوم تذإأكري ورقـه وحدهـ بس وتحسسسسي انك سويتي انجآز !!!
وهذا الي صآر معآيآ ههههه ..

اليوم الي بعده ورقتين .. ووكـذا .. لما تتعودي على جو الددرإأسه وتزيـد عندك المصطلحآت الطبيه ..

وبعدهـآ الأموٍر راح تتسهل إن شآء الله .. اهم شئ الأجتهآد لآ اكثـر ..

وتشدي حيلكـ في السنـه التحضيريـة ..

بالتوفـيق يآ دكتورهـ !!

[JuStice]

.

بالنسبة للسنة التحضيرية .. بيكون الشرح بالعربي لكن المنهج والإختبارات هي اللي بالإنجليزي ,

مرة لا تشيلي همّ الإنجليزي أول كم يوم راح تترجمي كم كلمة وبعدين خلاص راح تتعودي وتستغربي من عدم صعوبة الدراسة بالإنجليزي ,

بالنسبة لمعدل القبول في الطب عند البنات جدًا مرتفع .. يعني لازم تشدي حيلك مزبوط بالسنة التحضيرية لأن درجات ومعدلات البنات عااااالية مرة ما شاء الله عليهم

وفي نهاية السنة التحضيرية راح ترتبوا خيارات التسكين بالكليات في الموقع ..

راح تطلع كل الكليات وانتي ترتيبيها حسب رغبتك .. مثلاً لو أول حاجة حطيتي طب وتاني شي طب أسنان وتالت شي قانون

وكان معدلك ما يدخلك طب لكنه يدخلك طب أسنان يصير تنقبلي بطب الأسنان , وبالتالي إذا كان معدلك ودرجاتك ما تؤهلك للطب البشري ولا لطب الأسنان يصير تنقبلي بالقانون

موفقة إن شاء الله

.

[Dr~NanoOok]

بالتوفيق لك ان شاء الله
وعقبال لما تحققي حلمك.. وربي يخترلك الخير في الطب أو غيره

وشدي حيلك كويس.. وربنا ما حيضعلك تعب
وأحلى شي في المدرسة و في التحضيري أنه إن شاء الله معدلك ودرجاتك بيدك
المهم تزاكري كويس وتشدي حيلك.. وتنظمي وقتك.. ودخولك الطب باذن الله حيصير

ومعروف أن بالسنوات الأولى من الجامعة.. الفرصة لتجميع الدرجات ورفع المعدل
لأنه بعدين.. وخاصة عندنا بالطب البشري والأسنان لما نبدأ العملي ومع المرضى وكده
هو اللي يحددلك وما تقدري تتحكمي بيه..


~

طيب نجي للدراسة بالانجليزي

هي مسألة تعوّد .. يعني بالبداية كلنا واجهنا مصاعب وحسيناه شي جديد
بالرغم أن أغلب الشرح بيكون عربي خلال المحاضرة.. إلا الدكاترة الأجانب اللي ما يتكلموا عربي.. فيكون كل كلامهم وشرحهم انجلش

لكن الشيتات و الكتب كلها انجلش.. فتبدأ الصعوبة في فهم النص الانجليزي كله
والبداية ممكن تترجمي تلات ارباع الصفحة.. لكن بعدين ومع التعوّد حيقل الين ما تضطري تترجمي ولا كلمة !

أتذكر لما كنت بأولى طب.. كان الديكشنري دايما جنبي.. واترجم كتير
لكن على سنتي الثالثة صرت نادرّا ما أترجم وخلاص اتعودت

حتى اني صرت أحس أن الدراسة بالانجلش أسهل من العربي !
وخاصة لما نجي نزاكر الثقافة الاسلامية بالعربي أحس بالفرق!

وعشان تحسني فهمك لللغة..
اسمعي أفلام ومسلسلات أجنبية بدون ترجمة
أحب احمّل الأفلام من النت بدون ترجمتها.. يخليكِ مضطرة تحاولي تفهمي الكلام بما أنه مافي ترجمة ابدا
وصدقيني هذه فعلا من أروع الطرق لتحسين اللغة

عندك كمان قراءة الكتب بالانجلش
اتذكر مره كنت مررره متحمسة أكمل قراية سلسلة روائية .. لكن المشكلة ان الترجمة حقتها ما نزلت لسه
فقلت خليني أجرب وأقراها بالانجلش.. مع ان صفحات الرواية أكتر من 500 صفحة !
لكن بالبداية حاولت.. ولقيتها مره سهله ! و جربت كمان اسمع للكتب الصوتية لنفس الرواية
وصرت أسمع واقرأ بنفس الوقت
وبكده أعرف نطق الكلمات كيف , ومررررررررره فادني

وبعدها صرت أقرأ روايات انجلش كتير وبكل ايريحية..

<< على فكرة.. قراية الانجلش للمناهج و كده.. حسيتها أسهل من الروايات "^^
لأنها حاجات فاهمينها وأغلبها مصطلحات طبية وخلاص عارفينها

أما الروايات حسيت بصعوبة بالبداية


ومعليش اذا طولت .. وإن شاء الله أكون أفدتك

[~..SoNa..~]

..surgoen....~....مزاآج ....~....justice....~....Dr.Nano0ok..

ربي يجزاآكـــــــــم كل خير..مو بس خير..

=)