كيف تكتب براقراآف؟..>>شرح بأسلوبي ^^

[Besho zhrani]

مسآآء الخيرآآآت ع الجميـــع

بدخل في الموضوع ع طول فيما يلي شرح لكيفية كتابه الرايتينق بآسلوبي أتمنى يفيدكمـ ...


( شوفوا معاي لما نكتب براقراف أي كان موضوعه اول شي نعرف عن ايه نبغى نكتب ونبدآ نجمع أفكار عن نفس الموضوع في راسنا ونحاول نرتبها ع شكل افكار في مسودة ..

في أي موضوع براقراف لازم يكون عندنا توبيك سنتنز يعني الجملة الإفتتاحية المهم هاذي الجملة لازم تلخص فكره الموضوع كللللللله باختصار, الجمل الي تجي بعدهاآآ راح تفسر الجملة الرئيسية يعني تشرحها او تدي اسباب لها ..

يعني مثلا لو عندنا عن الإعلان:- مثلاا راح نكتب عن اعلان وهذا موجود في

الكتاب صـ 17 سي 1 مثلا فحنقول :
انا شفت اعلان في التلفزيون ومرا كان جيد >>> هاذي التوبيك سنتززز
وبعدها حنوضح ليه انا اعجبني هذا الاعلان
حكمل وأقول :

الإعلان هذا يتكلم عن شامبو ضد القشرة , ورساله هذا الإعلان دعوة الناس إلى شراء المنتج .
وقدرت الشركة تقنع الناس على شراء المنتج عن طريق استخدامها لاعب كره قدم مشهور يقول للناس انوا استخدم المنتج وهو جيييد >>>> وهاذي طبعآآ ترجموها انتو للإنقليش وحتطلع الترجمة سههههلة باستخدام الكلمات من نفس اليونيت

الجملة الأخيرة حتكون عبارة عن نفس فكرة الجملة الأولى بس بصياغه ثانية :-
يعني حنقول ..
انو في اعتقادي الاعلان كان جيد ومقنع للناس بشراء المنتج

وطبعا نفس الحالة حتكون لو حنكتب عن اعلان ماعجبنا ونكتب الاسباب ونرتبها ونضيف لها عبآرات : اولا وثانيا وايضا و اخيرا ....

واتذكروا انو دايما الجملة الأولى نفس فكره الجملة الأخيرة بس بصياغه غيير j


واذا كنا حنكتب عن رياضه حنكتب في البداية تعريف فيها ونوعها خطيرة او عادية وليه هيه كذا وزي كذآآآ

واذا حنكتب عن شخص الهرجة اسهههل حتجينا المعلومات جااهزة بس نرتبها ونقول اسمه كذا كذا وعمره كذ كذا ويلعب فريق كذا كذا إللللخ ................

وبالنسبه لعنوان البراقراف شي سهل واعتقد الكل يعرف يعملوآ

شكل البراقراف العام:

لازم نسيب مسافه 5 حروف بداية البراقراف ولا تنسوا انو لازم الجمل تبدا
بحروف كبيرة وبينها نقط ولا تكتبوا في بدايه سطر وتنطوا ع اللي بعده لازم يكون البراقراف سطوره وراء بعض ...




و بس


اتمنى تكونوآآ فهمتوآ ع شرحي البديييييييييع وتكون الفكرة وصلت بالسلامه ..


رجااااء خااااص كل من يستفيد من شرحي يدعي لي بالمعدل اللي يدخلني قانون يآآآآآآآآآآآآرب ..

[joony]

بيشووو الله يسعدك نزليلنا حق الاعلان بلييييييييييز

[جامعيه مهستره]

ربي يوفقك وتجيبي المعدل اللي يدخلك قانون بس ياليت تنزلي البرقراف بالانقليزي وريحينا عشان ندعي لك اكثثثثثثثثر<<<هعهع

ربي يوفقنا

[J O M A N A]

يعطيكي العافية حبيبتي =)

الله يوفقنا بكره في الاختبار ويبااااارلكنا في وقتنا < شايلة هم الوقت =(

[طآلبهـ]

هــلآآآ قلبوو


الله يرزقك المعدل اللي يدخلك قآنوون يآآآآآآرب

[a7la girl]

يعطيكي العافيه ع الشرح الحلو =)
ويــــــــــــــــــــــــــــــــــآإآإرب تجيبي معدل يدخلك قآنون

بنات معدل السنه التحضيريه ينحسب ولا من بعد التخصص ؟

[Besho zhrani]

حبآآآيبي الله يسمع منكمـ ويسلمكمـ ع المرور وأحاول انزل التعبير كامل بالإنقليش :)
احلى قيرل وش حجينآآ له هالسنة طبعا المعدل محسوب :))))

[Besho zhrani]

اوووووووووووووووووووووه علينا كتبته كامل وانمسح بالغلط مآآلكمـ نصيب هههههههههههههههههههههه
إن شاء الله مايجي رايتنق بكره
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآآمين