كنت اسمع بما يحاك ولكن تأكدت .. درجات للاسف

[bonanza00]

السلام عليكم ورحمة الله وبركاته
كيفكم ياشباب ..مبروك للناجحين وحظ اوفر لكل من تعثر
حبيت بس تشاركوني الرأي وتسمعوا شكواي ،،
انا انسان اصنف نفسي من المجتهدين واعمل جاهدا واذاكر ومعدلي مانزل عن اربعه مستوى سادس كان لدي مواد هذا الترم ( اجتماع اقتصادي و حضري واسري وتغير اجتماعي واحصاء وتشريعات ) ذاكرت ككل ترم وامتحنت ولا راح اقول اني بجيب الدرجه كامله بكل المواد ولكن صدمتني درجاتهم المرصوده فكانت درجة التغير الاجتماعي d والباقي c وb وa . ويعلم الله لو ماذاكرت او كنت مقصر ماكان هرجت بالموضوع ولكن
حسبي الله ونعم الوكيل وودي اشتكي وياليت تدلوني على الطريقه الصحيحه
تحياتي للجميع

[مطيع ربه]

اول شي انا احييك على اجتهادك ؛ والى الامام ان شاء الله

انا بانصحك في حاجه ( انا امشي على هذي الخطه )

حدي خمس مواااد فقط ولو تقول بتاخذ درجه كامله ونزل السادسه ما نزلتها

( بتقول راح تطول مسيرتي في الجامعه ) وانا اقول لك الترم الصيفي يعوض لك المواد الي ماتمكنت تاخذها

صدقني راااح ترفع معدلك

تقبل تحياتي

[مشعل الراشدي]

كلام في عين العقل يامطيع ربه

[فـ@ـد الروقي]

لكل مجتهد نصيب بس فيه ملاحظه ع ما اظن لكي يتم قبول طلب لك بمراجعه التصحيح لابد ان تدفع رسوم ماليه اذا كان لك حق يرجع لك المبلغ واذا كان التصحيح طبيعي يروح المبلغ لصندوق الجامعه كذا سمعت والله اعلم

[bonanza00]

مافي مشكله ادفع

[Abrar Ibrahim]

المشاركة الأصلية كتبت بواسطة فـ@ـد الروقي لكل مجتهد نصيب بس فيه ملاحظه ع ما اظن لكي يتم قبول طلب لك بمراجعه التصحيح لابد ان تدفع رسوم ماليه اذا كان لك حق يرجع لك المبلغ واذا كان التصحيح طبيعي يروح المبلغ لصندوق الجامعه كذا سمعت والله اعلم

راجعت لكثير بقسم الطالبات وهالشي ماصار ابدا
سوا الدرجه صحيحه او خطأ
بالتوفيق