سؤال خارج نطاق المناهج

[أسير]

من تجربتكم الشخصية أو تجارب الأهل و الزملاء إيش أفضل قسم الواحد ممكن يقدم فيه الماجستير؟
مع العلم أن تخصصي حاسب آلي-برمجة
لااااا أحد يقول لي قدم في الحاسب الآلي لأني ما كملت بكالوريوسه إلا بالقوة .

أنتظر نصيحتكم ..

[د/...كيـــــــف]

طيب انته دوبك خريج.........................
عام كم تخرجت...................
انا اشوف افضل تخصص تدرس فيه الماجستير..ادارة +حاسب الي
من كلام ناس لهم خبرة انه له مستقبل


مع اني اشوف انك تتوظف بعدين تفكر في الماجستير.....
تبغى نصيحه من مجرب .................
لا تتوظف اي وظيفة...........
كلمني وبإذن الله يسير خير

[أسير]

أنا يا دكتورنا الفاضل خريج 2001 يعني دفعة 97 ، وأنا فعلا اتوظفت لكن وظيفة زي قلتها .. لكن المهم الواحد يختلط بالناس و يرجع بمردود مادي ( مهما كان ) .
لقيت إن المجتمع يتعامل بالدرجة العلمية قبل نوعية العلم نفسه و هذا بالتحديد اللي خلاني أفكر في موضوع الماجستير و لا أنا أصلاً البكالوريوس غثني .
كلامك صحيح .. الإدارة و نظم المعلومات بالذات مطلوبة ، و حتى هندسة الشبكات و البرمجة ، لكن المشكلة إني عارف - زي ما إنت عارف - مناهجنا البديعة ، و بعدين من تجارب اللي أخذوا ماجستير حاسب كلهم نصحوا ما أحد ياخذ الماجستير هنا لأنه أصلاً دوبه بادي ماله سنتين و وضعه ما اترتب زي الناس . غير كذا أكثر وأكثر إن الحاسب الآلي و الإدارة بالذات من أهم متطلباتهم اجتياز الـتوفل بمستوى معين . و هذا اللي مستحيل أضيع وقتي في المذاكرة عليه .

ما بقي لي إلا المحاسبة ، بس برضو متردد !

[د/...كيـــــــف]

كم معدلك يا اسير لأنه في تقديم وظائف قريب ................

[أسير]

الأخ الكريم /ناصر ..
مرحبا بعودتك و لي الشرف كونك تشارك بمشورتك الطيبة في موضوعي .
لكن اسمح لي برأي .. مهما أخذت دورات تظل المرتبة العلمية لها دورها و مميزاتها اللي ما تغني عنها الدورات ، مثلاً درجة أستاذ في الجامعة ما ينالها إلا اللي معاه ماجستير، أما غير كذا مهما كان معاه دورات فهو مجرد محاضر .

بعدين أنا برأيي إن الواحد قبل لا يدرس أو يتخصص في قسم معين لازم يحدد نوع الوظيفة اللي يتوقع يتوظف فيها ، يعني دراسته و كونها أو عدمها يعتمد على توقعه المستقبلي لعمله .. وأنا ما عندي نية أشتغل إلا في وظائف أكاديمية أو تعليمية ، و هذا اللي ما ترفعني الدورات فيه .

أخي الكريم /د.كيف..
معدلي 4.72
و يا ريت تبلغني في حال نزلت وظائف أو إذا عرفت مسبقاً متى راح تنزل وأكون شاكر لك.

تحياتي ..

[د/...كيـــــــف]

طيب اسير معدلك ما شاء الله حلووووووووووووووو...
وانته تقووووووووول انك تبغى وظائف تعليميه ...ليه ما دخلت التدريس.......
لوكان معدلك مقبوووووووووووووول اضمنلك التدريس.........

[أسير]

أخي الكريم /د.كيف
( الآن خطر ببالي سؤال : د. كيف يعني واحد كييييييييف مرة ( بمعنى صاحب مزاج ) و لا د.كيف يعني عنده استعداد يجاوب على كيفية أي سؤال ؟ )

جزاك الله خير بس يا ليت تدلني كيف ممكن ألقى الوظيفة اللي تقول عليها ( و اللي تناسب معدلي الحلو ) بدون ما أجيب واسطة الماجستير .

للأسف الديوان يفتح أسبوع و يقفل سنة ، و من وقت تخرجي ما نزلت وظيفة على تخصصي و في مدينتي ( و لا أي مدينة مجاورة )

و لماااااا نزلت الوظائف كان مطلوب بس 13 ... و طبعاً كالعادة ذهب بها المعنيون باستحداثها !!

خليها على الله بس ..

مشكور أخي و لا عدمنا مساعدتك .

تحياتي ..

[د/...كيـــــــف]

ابقلك نزلت وظائف في المؤسسه العامة للتعليم الفني والتدريب المهني
مرتين في شهر 12 وكن فيه من ضمنها مدينه جدة ......................
لكن وينك...................
وبعدين وظائف التعليم الفني رووووووووووووووووووووووووعه
وانصحك انك ما تدخل التدريس ابداااااااااااااااااااااااااااااااااااااااااا..... ............


بعدين فيه تقديم في شركة الأتصالات................في الرياض


ليه ما تاّخذ ايميلي وتكلمني يكون أحسن