فضفضَه بين التيرمين , (جميْع التربويات ّّ فيصلية + سليمانية)

[جنون الطفولة]

السلام عليكم ورحمة الله وبركاته ,

حبيت نعمل فضفضة وَ دردشة بين التيرمين ,
عشان نعرف الفرق بين الدبلوم هنا وهنا ,
يمكن نفيد المتقدمات والراغبات فالدبلوم للسنة الجاية

بالنسبة للاستاذات ؟ التكاليف ؟ الاختبارات ؟ الجداول ؟ ... الخ!
وكل وحدة تضيف اللي تبغاه ,
ايش عجبك وايش ما عجبك ؟


إن شاء الله القى تفاعل من الجميع ,

[فطفوطة]

بأنتظار فضفضتكم ان شاء الله بقدم للدبلوم و محتاره بين الكليه و الجامعة و بنفس الوقت خايفه من الدبلوم لاني اسمع كثير يقولو صعب و تدرسو 12 ماده بالترم ياليت تفضفضو

[جنون الطفولة]

المشاركة الأصلية كتبت بواسطة فطفوطة بأنتظار فضفضتكم ان شاء الله بقدم للدبلوم و محتاره بين الكليه و الجامعة و بنفس الوقت خايفه من الدبلوم لاني اسمع كثير يقولو صعب و تدرسو 12 ماده بالترم ياليت تفضفضو

هلا حبيبتي :
أوك أنا بقولك عني >
أول شي : دبلومي فالكلية , وترا مقرنا فالرحاب مش فالفيصلية , عند النادي الأهلي ,
عدد المواد : 7 التيرم الواحد , عدد المواد فالسنة كلها = 14 + التدريب العملي (ميداني فالمدرسة) ,
هاذي صورة المواد , بس نزلنا التيرم الاول فقط 7 مواد , وفيه مادة (تقنيات تعليم) نقزوها للتيرم التاني ,



اللي سمعته عن الدبلوم : انه صعب وانه ما حأدقر امشط شعري /
بس قلت اوك يعني انتحر وما اخد دبلوم واقعد كمان سنة فالبيت
وما افتح لنفسي مجالات ثانية للوظيفة او حتى للدراسات العليا ؟ كده كده انا المستفيدة ,
انطباعي بعد التيرم الأول : الحمدلله عدَّى بالطول ولا بالعرض ,
جاتني اسابيع سيئة , بس برضو ممتعه ,
لكن الصعوبة اللي يقصدوها طلعت تكمن فالضغط فقط ,
ولا الموضوع مرة سهل , التكاليف مو صعبه , بس مشروطة وتحسي تعقيد في تنفيذها , وبعدين انتِ وحظك
(استاذة المادة اللي تعطيك , وكمان المجموعة اللي تكوني معاها للتكاليف الجماعية)
التكاليف : اغلبها جماعية , وفيه فردية فالمواد البحتة فالدبلوم زي (طرق تدريس + أسس مناهج) وأتوقع دي أهم مادتين فالدبلوم حتى الان , (ما اقلل من شأن الباقي , لكن دي الاثنين اللي تعلمك كيف تكوني معلمة)
الاختبارات : من شعبة لشعبة تتفاوت سهولة المادة وصعوبتها حسب الاستاذة اللي بتعطي المادة ,
وعلى اساسه سهولة الاختبار وصعبوته , شعبتي كانت تخلي كل اسبوع اختبار , عشان نكون مرتاحين بين التكاليف والاختبارات , وفيه شعب تانية كانت تحط فالاسبوع اختبارين مثلا مع وجود التكاليف اللي يومية ,
الجداول : فيه يوم أوف لكل شعبه , وفيه ايام فيها بريك ساعة أو ساعتين ,
ويوم متواصل من 8 لـ 2 بس مادتين والمادة الوحدة 3 ساعات

عجبني : مشرفة الدبلوم عندنا دكتورة هند حريري الله يسعدها مادخلت عليها فمكتبها وماشافتني في ممر الا وقفتلي وسلمت عليا , واي شي طلبته تقول بالحرف (حاضر) , من جد انسانه قمة فالذوق ,
ماعجبني : انه وقت توزيعنا ع المدارس , طلبوا احيائنا وفالاخر لقينا نفسنا يا اقصى الشمال يا اقصى الجنوب ,
مثلا انا قلتلهم السلامة حطوني بريمان , ولولا الله ثم دكتورة هند كنت ماتغيرت , وعشان طلبي انا و2 , غيرت كل البنات ,
وصار مافش احياء عجيبة غريبة وبعيدة
قدامي كلمت اللي توزعنا \كتورة وجنات اتوقع اسمها ,
وقالت لها (البنات راكبين سيارة راكبين سيارة , ودوهم احياء راقية , ليش بريمان و..قالت اسماء احياء اول مرة اسمعها ,
وقالتلهم لا تحطوهم مباني مستأجرة متهالكة الواحد يخاف , خلوهم فمباني حكومية بسسس) والله باذني سمعت وقدامي اجرت المكالمة دي ,

وبس لو افتكرت شي بآجي ,\
أهم شي تحطي فبالك > مافش شي صعب ,

[فطفوطة]

اختي جنون الصورة ماتفتح

الكليه اللى في الرحاب انا كنت ادرس فيها ولا فيه كليات ثانيه هناك

طيب ايش الفرق بين الجامعة و الكليه ؟ لاني حابه اقدم بالجامعة زهقت من الكليه تعرفي احد درس بالجامعة ؟


طيب فيه مكافئات ولا لا

[جنون الطفولة]

المشاركة الأصلية كتبت بواسطة فطفوطة اختي جنون الصورة ماتفتح الكليه اللى في الرحاب انا كنت ادرس فيها ولا فيه كليات ثانيه هناك طيب ايش الفرق بين الجامعة و الكليه ؟ لاني حابه اقدم بالجامعة زهقت من الكليه تعرفي احد درس بالجامعة ؟ طيب فيه مكافئات ولا لا

هيا فيه وحدة جنبها , مو حقت التغذية ولا لافنون , فيه وحدة ورا صيدلية المتحدة , كأنها مبنى مدرسة حتى ,
الفرق بين الجامعة والكلية (مافش) كلها نفس الدراسة , الفكرة بس فالفرق بين الاستاذات مثلا والتعامل , ولا الدراسة والمواد وعدد الساعات ومدة الدراسة كلها نفسه نفسه ,
طبعآ مافش مكافأه لانه اصلا الدراسة بفلوس 4000 , 2000 التيرم الواحد , وهو دراسته سنة وحدة والترم التاني تطبيق عملي + الدراسة فالكلية

[فطفوطة]

اختي جنون معليش والله اعرف اسئلتي كثيره

سمعت خبر يقولو مافي تطبيق في مدارس تلغي و صار بدل التطبيق تكليف مثل بحث التخرج
انا حابه ادخل الدبلوم عشان اتعلم كيف اشرح و اكون معلمه

طيب كيف اقدم بالكليه ممكن تفضفضين طريقه التقديم و اختبار القدرات

[طيبة المدينة]

هل يكون التطبيق في المدرسة يوميا ؟ وكيف نوفق بين المدرسة والدراسة ؟

[حلاووووي]

بنات في رسوم للترم التاني
غريبة ماجات رسالة من الجامعه

[حبي لذاتي قمة أولوياتي ~]

المشاركة الأصلية كتبت بواسطة طيبة المدينة هل يكون التطبيق في المدرسة يوميا ؟ وكيف نوفق بين المدرسة والدراسة ؟

الدراسة يومين في الأسبوع ويوف إجازة ويومين مشاهده وتطبيق هذا اللي وصلنا لحد الآن

موفقة يارب

[حبي لذاتي قمة أولوياتي ~]

المشاركة الأصلية كتبت بواسطة حلاووووي بنات في رسوم للترم التاني غريبة ماجات رسالة من الجامعه

يس فيه رسوم الترم الثاني لأن صحباتي سألوا وقالوا بداية الترم الثاني يتم الدفع ~

موفقة يارب ،’