استفسار عن عدد طلاب الذين تم قبولهم في الطب من آخر دفعة

[mo7md99]

سلام عليكم و رحمة الله و بركاته
انا طالب في السنة التحضيرية في جامعة الملك عبدالعزيز ، ابغا ادخل كلية الطب اللي عنيت السنين عشان ادخلها و انا ما أقدر أتخيل نفسي في المستقبل غير اني أكون طبيب . فأنا ابغا أعرف .
كم عدد الطلاب من الدفعة الأخيرة اللي انقبلوا في كلية الطب ؟ و كم نسبة الموزون اقل واحد منهم ؟ و ايش هيَا النسب المطلوبة للقبول في كلية الطب ؟
يا ليتكم تفيدوني و تفيدو غيري اللي معايا في التحضيري و الدفعة اللي بعدنا .

تحياتي لكم و مبروك على اللي سبقونا فيها و عقبالنا ان شاء الله .

[بشائر الفرح =)]

أهلاً أخي الكريم ,

اممم تقريباً المقبولين يكونوا في حدود 160 إنتظام إلى 180 بالإضافه للموازي حوالي الـ 200 طالب ..
وآخر نسبه قبلوها هذه السنه والله ماعندي علم بس حول ال 93 موزونه عامه ..
والمطلوب منك عشان توصل للطب بإذن الله وتكون من ضمن ال200 طالب
تتوكل على الله + تجتهد على الأخر + ترفع الموزونتين الخاصه والعامه وماتركز على الخاصه فقط ( مجموع الخمس مواد على عددها ) + وتتأكد أخيراً إن إذا ربنا كاتب دخول الكليه بتدخلها لو برقمين بعد الفاصله أو حتى رقم واحد فقط .., وإذا الله مو كاتب معناته إن الخير حيكون لك ف مكان آخر غير الطب ..

الله يوفقكم جميعاً ..

[Basil1089]

93 هاذي النسبة للأولاد ولا للبنات و بالنسبة لعدد الطلاب هاذا في شطر الطالبات ولا المجموع ارجو الافادة

[Class of 11]

المشاركة الأصلية كتبت بواسطة basil1089 93 هاذي النسبة للأولاد ولا للبنات و بالنسبة لعدد الطلاب هاذا في شطر الطالبات ولا المجموع ارجو الافادة

النسب تتراوح من سنة لسنة على حسب شطارة الدفعة، الأولاد نسبهم تختلف عن البنات بس العدد تقريبا واحد 200 طالب و200 طالبة كل سنة، نسب البنات بتكون هي اللي مرتفعة اكتر السنة اللي فاتت الطب قفل على 95.28 بنات و 89 فاصلة شي أولاد (الموازي بنات 93.56 والموازي أولاد أتوقع كان حوالي 86) بس السنين اللي فاتت كانت نسب الأولاد توصل ل 91 و92 فهادا شيء راجع لشطارة دفعتك زي ما قلت والله يوفق الجميع.

[Basil1089]

يعطيك العافية ما قصرت والله يوفقنا جميعا وعندي سؤال كمان الحين انا سنة تحضيرية في الفرع الرئيسي هل يمكن ان اتخصص طب في شمال جدة (عسفان) او فرع رابغ

[Basil1089]

المشاركة الأصلية كتبت بواسطة basil1089 يعطيك العافية ما قصرت والله يوفقنا جميعا وعندي سؤال كمان الحين انا سنة تحضيرية في الفرع الرئيسي هل يمكن ان اتخصص طب في شمال جدة (عسفان) او فرع رابغ

يا شباب اتمنى الرد على السؤال

[Miss Dreamer]

المشاركة الأصلية كتبت بواسطة basil1089 يعطيك العافية ما قصرت والله يوفقنا جميعا وعندي سؤال كمان الحين انا سنة تحضيرية في الفرع الرئيسي هل يمكن ان اتخصص طب في شمال جدة (عسفان) او فرع رابغ

أيوة تقدر هوَ على حسب ترتيبك للتخصصات والنسب اللي تحدد ..
لكن جميع تخصصات فرع رابغ قفلت العام لسبب أجهله حقيقةً ..

موفق ..

[فتى تثليث]

المشاركة الأصلية كتبت بواسطة mo7md99 سلام عليكم و رحمة الله و بركاته و عليكم السلام ورحمة الله وبركاته انا طالب في السنة التحضيرية في جامعة الملك عبدالعزيز هياك الله و اتشرفنا بمعرفتك ، ابغا ادخل كلية الطب اللي عنيت السنين عشان ادخلها و انا ما أقدر أتخيل نفسي في المستقبل غير اني أكون طبيب . اذا مكتوب لك وانا اخوك انك بتنقبل رح تنقبل لا تشيل هم بس انت شد حيلك و افعل بالاسباب و اترك الباقي على ربك فأنا ابغا أعرف . آمر كم عدد الطلاب من الدفعة الأخيرة اللي انقبلوا في كلية الطب ؟ سؤال غريب...ما ادري الصراحة بس الطاقة الاستيعابية للكلية في حدود 180 طالب...بس ايش بيفيدك اذا عرفت؟ و كم نسبة الموزون اقل واحد منهم ؟ الصراحة ما اكذب عليك ما ادري بس مش بعيد من نسب دفعة 11 و ايش هيَا النسب المطلوبة للقبول في كلية الطب ؟ انعيد و نكرر يا عالم يا هوه ما فيه نسبه ثابته تختلف من سنه لسنه على حسب الدفعه وشطارتها يا ليتكم تفيدوني و تفيدو غيري اللي معايا في التحضيري و الدفعة اللي بعدنا . ان شاء الله اكون افدتك ولو بشئ قليل تحياتي لكم و مبروك على اللي سبقونا فيها و عقبالنا ان شاء الله .

تمت الاجابه على الاستفسارات بنجاح وان شاء الله اشوفك وسطينا يا دوكتور

[mo7md99]

شكرا للمشاركاتكم ، افدتوني كثير والله ، و اتمنى اني اكون من ال160 او 180 طالب الي رح يدخلو كلية الطب البشري و ان شاء الله رح اشد حليلي في دي السنة بإذن الله

[mo7md99]

بعد طول انتظار و تعب مع الجد الاجتهاد في السنة التحضيرية مع الدعاء و الصلاة و مع كل درجة تحسرت فيها على ضياعها و مع خوفي و قلقي من معدل موزوني ، تم قبولي في كلية الطب في جامعة الملك عبدالعزيز ولله الحمد ، و ايضا مبروك لكل اللي انقبل في كلية الطب مثلي ، فرحتي الان لا توصف بهذا النبأ و اعتقد انه كل اللي انقبلوا حاسين بنفس الاحساس الذي احسه الان ، ان شاء الله تكون بداية حلوه كمسيرة مهنية لي واللي حيبدأ معايا بإذن الله.