الطب موازي ايش رايكم ( طلاب فقط )

[Dr_hammoudi00]

الي يحب يدخل طب هل تقبل تدخل موازي يعني تقعد 5 سنوات بدون مكافأة

[A9el]

اول شي الحالة المادية لوالد او عائلة الطالب كيف لنه بياخذ منهم كل شهر مبلغ وقدره وانصح الي بيخش موازي يستشير الاهل ..واذا في مزانية كويسة ليش لا دام الطب حلم ،، والخيره فيما اختاره الله ، والله مايضيع تعب احد اجتهد وبتلقى على قد اجتهادك والله يوفق الجميع

[x3bade]

نعم ما عندي اي مشكله وبخليها رغبتي الثالثه ان شاء الله

وزي ما قال اخونا اصيل اعتمد على حالة مادية الطالب

وترى لو تاخذ 1000 ريال كل شهر يعني في السنه بي 12000 الف وال6 سنين بي 72000 وهذا تقريبا زي سعر المدارس الاهلية للثنوي
وكمان هذا افضل بمية مره من الكليات الاهليه للطب عندك زي كلية البترجي إلي في ابحر الشمالية السنه الوحده ياخذو منك تقريبا 70000 وهذا غير سمعتها السيئه
وغير كذا انا سمعت انو طلاب الموازي امديهم احولو للإنتظام يعني ياخذو مكافأه بس لازم تجيب معدل عالي بس العدد الي ياخذو قليل ممكن 3 طلاب بس

وشوف انت لو من جد تبغى تدخل طب ترى في طرق كثير تدخلك طب
يعني امديك تدخل تخصصات اكون موجود فيها بعض مواد الطب وتحول للطب بس هذي فيها مخاطره شويه لأنك ما امديك تحول الا لمن تجيب معدل عااالي
وفي عندك كمان المنح الداخليه يعني تدخل كلية اهليه والحكومه تدفعلك فلوس الكلية تقريبا زي نظام الابتعاث

وبالتوفيق للجميع

[حمودي813]

ياحبيبي انا الحين موازي علمي ماعندي مكافاة وكاره عيشتي لكن سمعت من دكتور في الجامعة انه تقعد بدون مكافاة طول حياتك صعبة تقعد بدون مكافاة لكن باقي ماجت وش بك مستعجل

[~Me~]

اذا الطب حلمك اكيد ادخل

لانك راح تندم اذا ما دخلت طب حتى لو كان موازي

[Dr_hammoudi00]

لو سمحتوا يا بنات لا احد تصوت لان باين عندي ان في 3 بنات

[wafa al7arbi]

أنا مارح أصوت ..
بس حابة ادي رأيي (أدري مكتوب للطلاب فقط بس دخلت )
لو طموحك طب ادخل حتى لو موازي حتقعد بس 5سنين بدون مكافأة "1000ف الشهر!!"
بس حتخلص ال5سنين حتاخد مكافأة فسنة الامتياز "9200" 10000تقريبا .....
وحتتخرج دكتور . حتعيش دكتور . حتحقق حلمك وطموحك
5سنين ماحتأثر مره ، ولو ندمت انك دخلت موازي حتندم ففترة محددة اللي هيا ال5سنين دي .
ايش احسن تندم ف5سنين ... ولاتندم طول حياتك انك ماحققت حلمك انو تصير دكتور .
((دا كلامي للي احلامهم يصيرو دكاااترة))
وطبعا الاستخارة اولا واستشارة الاهل تانيا ... والله يوفقكم

[AoDi]

أيش مشكلة الموازي بالنسبة للطلاب...؟

انتو تقدروا تشتغلوا في الصيف ...أشتغل و جمع فلوس لمصاريف الدراسة "هذا في حالة الاهل مايقدروا أو مو مقتنعين يصرفوا على دراستك ...أما لو كانو عادي خلاص أدخل "

أعرف طالبات"يعني الموضوع أصعب بالنسبة لهم بشوية" يدرسوا في ابن سينا طب و يشتغلوا عشان يدفعوا لأنهم دارسين على حسابهم...

الالف دي ما راح تسوي كل شئ... ودايما نضطر ندفع من جيوبنا الخاصة في النهاية"بحكم انها تخلص قبل نص الشهر"

[zypher_h]

لو سمحت انا برضو حايسه ف دا الموضوع زيك . دحين الموازي بدون مكافأة بس ولا كمان في رسوم؟؟؟
والعموم الموازي يختلف حتى ف تنزيل المواد يعني انت تروح تنزل بعض المواد بنفسك عند الدكتور مو تنزلك جاهزة زي الاساسي وكمان كلهم بيدرسو سوا مع بعض جدول واحد وكدا. شوف انا من رأيي ازا كان في هدف عندك وتطمحلو ادخل موازي لانك حتقدر تنسا دا كلو لمن تحط الهدف قدامك وحتنياه لمن تلاقي نفسك على مكتب ومرتاح ولا ناقصك شي .هادي 5 سنين لكن بعد كدا كل العمر.

[zypher_h]

ان شاء الله ما نحتاج دا كلو وندخل اساسي على طول