إستـفـــســــارات الكـــــــتـــب

[banoota mnkoosha]

المشاركة الأصلية كتبت بواسطة بيو كيميائية ^_^ مشكورة كتاب الأيض ايش لونه

نفس كتاب ايض 1 .. حتكملو عليه

[بيو كيميائية ^_^]

مشكورة

[R-Kh]

الهرمون د.سوسن في البداية محا ترضى تتديكم السلايدات
تقول بعد النصفي تديكم هيا ، في البداية حتنزلكم كتاب مصور من خورازم
...
المهم انا اديكم هيا
لو تبغي عرض البوربوينت حتلاقيه 200 ومدري كم سلايد :/
بس في وحدة الله يرضى عليها عملتوا ملف وورد
وسار زي الملزمة وارتب من عرض البوربوينت
..

[بيو كيميائية ^_^]

أها خلاص ناخذ الملزمة

من البداية

مشكورة ماتقصري

[مياسة العود]

بيوكيميائية

بالنسبة للهرمون عندي ملزمه نضيفه ازا حابه اعطيلك هيا

لمادة ايض هوا نفسو الكتاب ما تحتاجي غيروا

التغذيه ازا تبغي الملزمة حقتي تصوريها برضو ما عندك مشكله

لأن الكتاب محا تدرسيه كلو ومنقرض من المكاتب ومحا تحتاجيه الا اذا قدمتي ماستر كلينكال تغذيه

فإذا تبغي الملزمه قوووولي

يابنتي ليه حتاخدي مايكرو مع لبنه

وربي محد من صحباتي يمدح فيها سته اعرفهم اخدو معاهم كرهوا نفسهم

المهم راح أسألك

رقمك عندي اذا ما غيرتيه حرنلك أنا بكره رايحه الجامعه

حكون هناك على 10 ونص

[بيو كيميائية ^_^]

المشاركة الأصلية كتبت بواسطة مياسة العود بيوكيميائية بالنسبة للهرمون عندي ملزمه نضيفه ازا حابه اعطيلك هيا لمادة ايض هوا نفسو الكتاب ما تحتاجي غيروا التغذيه ازا تبغي الملزمة حقتي تصوريها برضو ما عندك مشكله لأن الكتاب محا تدرسيه كلو ومنقرض من المكاتب ومحا تحتاجيه الا اذا قدمتي ماستر كليمكال تغذيه فإذا تبغي الملزمه قوووولي يابنتي ليه حتاخدي مايكرو مع لبنه وربي محد من صحباتي يمدح فيها سته اعرفهم اخدو معاهم كرهوا نفسهم المهم راح أسألك رقمك عندي اذا ما غيرتيه حرنلك أنا بكره رايحه الجامعه حكون هناك على 10 ونص

خلاص أبيهمـ والله ريحتيـني

أنت اللي رنيتي صـح



ايش اسوي كله تعارض وماأبيها الترم الجاي وصاحبتي جابت 80 قلت ياللا حلو وهي مفحطة في الفاينل والدوريات جايبة عـدل بس الفاينل خبصت يعني كويس

وممكن تعتدل على حظنا


خلاص أجي لكـ وآخذهمـ مرة شكرًا ماتقصري ريحتيني

الله يوفقك وتتخرجي بإمتياز وبمرتبة الشرف

[مياسة العود]

المشاركة الأصلية كتبت بواسطة بيو كيميائية ^_^ خلاص أبيهمـ والله ريحتيـني أنت اللي رنيتي صـح ايش اسوي كله تعارض وماأبيها الترم الجاي وصاحبتي جابت 80 قلت ياللا حلو وهي مفحطة في الفاينل والدوريات جايبة عـدل بس الفاينل خبصت يعني كويس وممكن تعتدل على حظنا خلاص أجي لكـ وآخذهمـ مرة شكرًا ماتقصري ريحتيني الله يوفقك وتتخرجي بإمتياز وبمرتبة الشرف

يب أنا اللي رنيت

المهم

دعوتك مرره حلوه يسعدك يارب

بس الامتياز ومرتبة الشرف بعييييده جدن

ادعيلي ربي يحقق اللي في بالي<<<طموحي كبير

ان شاء الله تكون لبنه كويسه وان شاء الله ربي يجعلها خير لكم :)

[بيو كيميائية ^_^]

الله يحقق اللي في بالك يارب