الي انقبلوا في وزارة الخارجيه

[wmmw]

بسم الله الرحمن الرحيم
سلام عليكم ورحمه الله وبركاته
اخواني واخواتي مبروك قبولكم في وزارة الخارجيه وارجو منكم مساعدتي ايش الاشياء التي ساعدتكم في القبول وكيف عملتو مع كل اختبار ومقابله ارجو التعاون لان المقبلين كثير وانا اخوكم لي مرتين اقدم على وزارة الخارجيه وارسب فاريد مساعدتكم كيف نجحتوا في الاختبار من وين المعلومات وياليت تزودوني بالاسئله بالتفصيل لاني ياس مررررررررررررره

[shada_Ak]

أول شي

ربي يسهلك ويوفقك

تاني شي

بالنسبة للاختبار انا اختبرت مره وحده

وكان الاختبار عباره عن 3 اقسام

اول شي معلومات عامه ( دول_ عواصم _ أثار_معالم_ شخصيات_ معلومات عن السفارات _ الوزارات_رؤساء دول) تقدر تبحث في نفس موقع الوزارة+ الموسوعه الحره + وسوي بحث عن اسئله اختبار الوزاره السابقه

تاني شي اختبار مستوى اللغه (قطعه بالانجليزي وعليها اسئله _اختيارات)

تالت شي وهوا اختبار التخصص ( حاول تاخد نظره عامه على تخصصك وركز على الاشياء الاساسيه اللي فيه)


بالنسبه للمقابله ما عندي فكره عنها لسه


وبس دا اللي عندي

[غيمة]

الاختبار كان زي ماقالت
shada_Ak

وانا عن نفسي مااستعديت له بأي شي لأنه ماتدري وش اللي بيجيك ( مدري كيف عديته الصراحة)

وفي الاخير هو يعتمد على معلوماتك وعلى مستواك في الانجلش

والله يوفق الجميع

[ماهر الوافي]

يرجع في الأول والأخير لذكاء الشخص

[الحالمة 2010]

الاختبار يعتبر السهل الممتنع لو راجعت كويس راح تحل زي ما قالوا الاخوات لازم تلم المذاكرة مواضيع عامة و مواضيع عن الوزارة نفسها ...

بالنسبة للانجلش يعتبر مستوى ثنوي قطعة و قرامر واضح (تكوين اسئلة و كدا...)
اما بالتخصص اسئلة عن التخصص بصفة عامة و كلنا جاتنا مقالي...

[حفيده الرسول]

بالتوفيق يا خوى و ان شاء الله يكون مكتوبلك وظيفه احلى من اللى فات
لانو كولوا مكتوب و مقدر

[zaitona]

وفي كتاب اسمة معجم السفراء السعوديين عرفت عنة قبل الاختبار بيوم حاولت اقراه كلة وكان مفيد وهو كتاب الكتروني صيغتة pdf اعملو جوجل وراح تلاقية وكمان اعمل بحث (أسئلة الوزارة الخارجية لوظيفة باحثة علاقات عامة ) تطلع نمادج الاسئلة اللي تجي في الاختبار والله يوفقك :)

[meshososo]

هلا حبيباتي
ماهان علي ادخل اقرأ بدون ما ارد او افيدكم من تجربتي
انا دخلت الاختبار بدون اي مذاكرة وتخوفت من منظر باقي الزميلات وقت الاختبار وهم ماسكين ملازم ومراجع كني في اختبار التوجيهي
ولله الحمد كانت اسالتي سهلة جدا وعديت الاختبار ورحت المقابلة من 3 ايام وكانت مقابلتلي في الرابط هذا

ان شاءالله افدتكم ودعواتكم لي ولزوجي وابني