رأيكم يهمني , الابتعاث لدراسة الماجستير او الوظيفة

[الرقم الصعب]

السلام عليكم يا شباب انا في حيرة من امري و انا ابغى شورتكم و ما خاب ظن من استشار و ان شاء الله تفيدوني و تساعدوني في اتخاذ القرار المناسب .. انا راح اتخرج هذا الترم باذن الله في مسار بكالورويوس ادارة اعمال دولية و ابغى اكمل ماستر و اذا نجحت باذن الله و جبت الماستر يا اني ارجع للوطن او اكمل دراسة دكتوراة باذن الله في برنامج خادم الحرمين الشريفين للابتعاث .. طبعا , انا وظيفتي مشغل فني في بترو رابغ , شركة تابعة لارامكوآ , خبرتي 8 سنوات تقريبآ و الراتب مع البدلات الحمدالله لكن كـ راتب اساسي يعتبر ضعيف في السوق حاليا و خصوصا انه شركة بترو رابغ زياداتها السنوية اضعف من ارامكو نفسها يعني اللي تقييمه e كأنه m في ارامكوآ و الموظفين في الشركة يعانوا من الزيادات و القريدات بشكل عام يعني بمجرد تاخذ قرض انت تتنكب في هذه اللحظة ..

تعرفون المشغل الفني في مثل هالشركات شغله كررررف والله كررررررررررررررررف و لمن تكون في شركة سيئة زي بتر رابغ من ناحية السلامة و الرواتب و هذه شهادة رسمية من احد موظفيها ..

المهم , هل تنصحون بالاستقالة و اكمال دراسات عليا و ثم العودة للوطن بشهادة عليا و خبرة سابقة في مجال فني ؟
في حالة جواب البعض بـ نعم : ايش التخصص اللي تنصحوني اكمل فيه دراستي الماستر مقارنة بالوضع الحالي لمتطلبات السوق السعودي لدينا ..

و الامر الاخر انا عندي الوالد يقولي لا تترك وظيفتك و اقترح علي الزواج لانه وجهة نظره انه يخاف علي اني اترك وظيفة و بعدها ارجع بشهادة و ما اتوظف ,,, بسسسس انا اقول للوالد انه في برنامج خاص راح يسمح لخريجي الابتعاث بالتقديم فيه اسمه ( جاهز ) حسب ما سمعت مؤخرا لتوظيف المبتعثين الخريجين .. ايش رايكم ..

[Nephrology]

في آخر ثلاثة أسطر وهو رأي والدك (الله يحفظه) هو نفس رأيي بالضبط ،، لعدة أسباب :
1- أن الوظائف اليوم شبة معدومة ، فما بالك بالمستقبل والله أعلم
2- برنامج الإبتعاث يضخ طلاب وطالبات خريجين بالآلاف حالياً
3- الجامعات والكليات والمعاهد السعودية تخرج طلاب بأعداد وأرقام فلكية
4- برنامج (جاهز) لن يؤدي مهمته مثل إخوانه حافز وغيره ، ويعتبر مجرد فلسفة خرافية
5- أسباب أخرى لاتحضرني حالياً ، وربما تكون في بالك

وقبل كل شيء الأرزاق والتوفيق بيد رب العالمين ، ومن رأيي أن تحاول تدرس وترفع من مؤهلاتك العلمية وأنت على رأس العمل ،، أو تحاول الابتعاث عن طريق الشركة أو تنسق إجازة وتدرس بالخارج على حسابك إذا وافقوا على الإجازة ،،، المهم أن تستمر في عملك
وماجستير إدارة أعمال مناسب جداً للقطاع الخاص ولمؤهلك الأساسي البكالوريوس

واسأل الله لك التوفيق في حياتك العلمية والعملية

[shoosh.g]

الاستخارة أفضل حل وحاول تقدم على شركات تانية افضل في الراتب والميزات ومنها تقولهم انك طمووح وحابب تكمل دراستك بالخارج ورضا الأهل ازا مايعود عليك بمضرة افيد شي

والأفضل تشوف شركة محتاجة موظفين بمؤهل معين يسير نفس المؤهل هادا تطلع برة تاخدو وترجع تتوظف فيه طبعا بعد اخذ مشورتهم واشوف خبرة 8 سنين مرررة جيدة ولا انو يضيع العمر بوظيفة كرررف وموعاجبتك وتحطم طموحك

وشكرا ....

[الرقم الصعب]

يعطيكم العافية , انا فعلا غير مرتاح في الوظيفة كل يوم جدة - رابغ و ابغى وظيفة في جدة و ابغى يكون دوامي 5 ايام و يومين راحة يا اخي ابغى احس اني سعودي ما ابغى احس اني عامل تكده الشركة كد و شبابي يضيع في الجهد البدني اللي راح يهد حيلي هد و صحتي البدنية و راحتي النفسية بصراحة احسها اهم شيء في الوظيفة , لو يعود الزمان يوما لاخترت اني اكمل انتظام في عزوز و ما قدمت على بترو رابغ او ارامكو في وظيفة مشغل فني بصراحة ندمان ندم شديد جدآ و الوالد هو السبب الرئيسي اقناعي بالوظيفة و ترك الجامعة و اكمال دراسة الانتساب و مع ذلك اقول الحمدالله ..

بصراحة افكر اني اقدم على برنامج رواد المستقبل في الخطوط السعودية بشهادة البكالوريوس و ادرس سنتنين تدريب و بعدها اتعين باذن الله

بانتظار تفاعل الاخرين لاني بصراحة بحيرة من امري و ابغى احسم الموضوع السنة دي بالضبط
فياليت تشاركوني ارائكم و خبراتكم و كل شيء ..

[Key]

يا ربي انا تعبت من كتر ما اقول للناس اتمسكوووووو بوظايفكم

بالاختصار اسمع كلام أبوك. والله والله والله ان راحة البال فوق كل شي. طالما عندك وظيفة أتمسك بها لانه كتيييييير عملوا زيك و فصلوا و راحوا يكملوا علي اساس بيلقوا شي احسن

مين الي قال لكم ان كلما كانت الشهادة اعلي تلقوا وظايف اسرع ؟؟؟؟

اسمع في حل حلو لو فعلا كنت بتفكر بالموضوع و مصر علي إكمال دراستك. اولا لاااااا تترك الوظيفة و لكن قدم إجازة بدون راتب لمدة سنتين و اطلع برا ادرس ماستر و لغه و كلها سنتين و انت راجع بالماستر. و اذا لقيت وظيفة احسن بعد كدا اترك شغلك و أبدأ بالجديدة. لكن انك تفصل و تروح و بعديييييين ترجع تدور صعب. ترى أغلب الي راحوا ابتعاث اصلا ما لقيوا وظايف فبدل من الجلوس في فراغ كملوا دراستهم.

و علي فكرة و حطها بباااااالك بعد سنتين السعودية حتكون غرقانه بخريجي الدكتوراة و انت لسه راجع بالماستر. فأدرس الموضوع كويس لانه في مثل يقول عصفور باليد خير من 10 عالشجرة

[Key]

و بعدين انت تقول انك عايش بكررررف. ايش في الدنيا دي مؤ كرف ؟؟؟
هذي الدنيا لازم تتعب و لازم تشتغل. و عبالك اي شغل تاني ما راح يكون كرف ؟؟
اعرف أطباء و مدرسين و طيارين ما بيلحقوا يجلسوا و لا يناموا و يادوب يا دوب يشوفوا أولادهم و زوجاتهم. انا أتكلم علي الناس الي مخلصة بشغلها و بتأديه بإتقان و انا أتوقع انك واحد منهم طالما انك بتشتغل بجهد و تعب
هذا هو النجاح تعب و جد و انت و شطارتك وسع دخلك بتجارة او الشغل باالاسهم او غيرة و الطرق الحلال كتير

[Key]

و لاااااااااااا تلوم أبوك انه خلاك تدرس انتساب و تشتغل
هو ما عمل كدا الا بعد تفكير طويل و شاف انه دا الأنسب لك
في ناس ابوهم اختار لهم كلية الطب و برضوا لاموا ابوهم و عند اول تعب
قالوا ابويا السبب

[d15d15]

السلام عليكم

مساء الخير جميعآ ....

اولآ بغض النظر عن الاراء السابقه ... وبدون اي تحيز لآحد وكذا

وبحكم اني عايش نفس حالتك تقريبآ بس انا تبع ارامكو + تقيمي اس + اي بلص سنويآ :)





وقررت بعد تفكير طويل اني استقيل ... انا مثلك كونصل اوبريتر ولي 7 سنين تقريبا الان

وبحكم اني مثلك وفي نفس مرحلتك تقريبا مع العلم ان المجال مفتوح قدامي ووانت تعرف في خلال سبع سنين اخذت قريدين ( القريد الثاني هذي السنه مرفوع لي والابروف وصل)

بس ماراح اجللسس ابدا ....

عزيزي وجة نظر ابوك مع احترامي له مشابهه لنظرة الوالد الله يحفظه لي ولكن لو تفكر شوي

تشوف في عالم كثير ضحوا باشياء كثيره عشان الشهاده .... ورجع السعوديه واحلى وظيفه .. وانت خبرتك ال 8 سنين شافع كبير لك انك ترجع ارامكو او بترورابغ او سابك او شركات قطر والامارات



بس والله وانا اخوك شغلنا مخيس وكرف يكفيك نظام الدوام الغبي ف شد حيلك واستخير واطلع وانا قدامك لاني قدمت استقالتي والحين شهر انذذار وطالع ادرس ماستر في الاداره التنفيذيه + ماستر ف ادارة العمليات


ف هذا الشي راجع لك اذا تبي تعيش حياه روتنيه وظيفه قرض زواج افتح فالف سكر فالف .... خلك فايروتش.......الخ

الله يقويك

بس انا تفكيري غير سافرت كثير وعشت مع ناس كثير واصحابي كثير سعوديين عايشين برى ومعاهم الجنسيات وموظفين * واعز صديق فصل قبل خمس سنين وشوي والحين رجع ومهندس في قطر راتبه 47 الف ريال :)

يعني الدنيا مو موقفه لا على ارامكو ولا بترورابغ :)

ف الحياه مو موقفه على وجودك ف السعوديه والحياه م بتوقف على وظيفتك

خذ نصيحة اخ توكل على الله واستخير وخذ قرض البيت واطلع ادرس والله يوفقك :)


وآنآ آنسان م راح يهدى لي بال حتى امسك محل النعيمي << طموحي وراح اوصل له بآذن الله

ومريت بنفس حالتك كثير معارضين تفكيري بس ف الاول والاخير هذي حياتي ومستقبلي وآنآ اللي اقرر .. سويت غلطت عمري اول م قدمت ع ارامكو والحين جاء الوقت اللي اصحح غلطتي وبقوه ..
واعوض

وتشاو

[عيُوٍنِيِ لِكْ]

إذا انت مو متزوج لايردك إلا التأشيره وبعدها قدم الإستقالة

بس قبل تتخذ قرار ياحبذا تروح تستكشف الوضع خوفك الغربة ماتناسبك ولا شي من هذا القبيل

[mmss2012]

هلا بك اخوى الرقم الصعب طموحك نفس الطموح اللى عندى لكنك في شركة وانا اعمل فى القطاع العسكرى فاسال الله لى ولك التوفيق ولجميع اخواننا الطلاب ومن كان لديه طموح
ومثل ماتفضلت محتار فى الوضع الحالى من ناحية الوظيفة وفى الاول والاخير الموفق هو الله سبحانه وتعالى وباذن الله ان اخرة التعب مارح يضيع الله تعبنا
فانا الان بصدد اكمال الترم التربوي ومن بعدها ان شاء الله مارح ياخرني الا التاشيرة
وفى هذه الفترة راح اسال الناس اللى قبلنا كيف صار معهم بعد التخرج من الماجستير او غيرها من الشهادات اللى حصلو عليها
ومن راى لك اذا كان عملك مافيه راحة يعنى تعب بتعب ارى انك تستشير ومن ثم تكمل دراستك اما هنا بالسعودية او بالخارج فانصحك انك ماتترك طموحك مهما كلفك الامر
اسال الله لنا ولكم التوفيق وعلى كل من ساهم فى موضوعى السابق او فى موضوعك من الاخوة والاخوات من الاقتراحات والاراء
فجزاكم الله منا كل خير
ودمتم بود واخاء