سؤال عن حذف مادة

[F9 ~]

السلام عليكم ورحمة الله وبركاته ..

صباح / مساء الخير على الكل ..

أخواني حبيت أستفسر لأصحاب الخبرة لأني قررت أحذف مادة فـ محتار مابين ( فيزياء 202 ، رياضيات 202 ) !! ..

أتمنى أرى شوركم .. لأني محتار كامل الحيرة في هذا الموضوع ،

مع التحية للكل ..

[Iمهندس المستقبلI]

السلام عليكم
اخوي/ انا بالنسبه لي أشوف انك تحدف المادة إلي مالها اي متطلب فيما بعد لانها راح تأخرك اما الماده الحره وقت ماتبغى تنزلها عادي

[عصووووم]

شوف من وجهة نظري وبحكم التجربة :

الماث 202 لانها مادة تحتاج الى شغل ومجهود خرااافي حتى تنجح (بس)!!!!

بالتوفيق.....

[صقرر]

خلي الرياضيات واحذف الفيزياء

لأنه الرياضيات تفتحلك مستويات 3 و 4

والفيزياء اتوقع تفتح مواد في الكهرباء اذا ناوي تتخصص كهرباء

[مهندس الزعيم]

شوف على حسب :

مثلا انت واضح انك دفعة 09 والى الان ما تخصصت فإذا كان كذا فانصحك بالتالي :

- اذا تبغى تتخصص كهرباء ( بور, الكترونيات, حاسبات ,كهرباء طبية ) فلازم وضروري تأخذ فيزياء 202 علشان تفتح لك مادة ee250 < علشان ما تتاخر فالكهرباء لان فيه مواد كثيرة تفتح ورا بعض وبدايتها من فيزياء 202

- اذا تبغى تتخصص اي تخصص غير الكهرباء ( صناعية وطيران وانتاج ومدنية ونووية وميكانيكية وكيمائية..الخ ) فالافضل انك تاخذ رياضيات 202 لانها تفتح لك رياضيات 203 ورياضيات 204 وهذي المادتين تفتح مواد كثيرة في مختلف الكليات اما فيزياء 202 ما تفتح للكليات الاخرى الا ee251 وهذي المادة ما اظن تفتح اي مادة في الكليات الاخرى يني تقدر تاخذها بعدين

يعني بشكل عام احذف فيزياء 202 اذا ما تبغى تتخصص كهرباء وخلي رياضيات 202 لانها تفتح مواد كثير اما اذا بتتخصص كهرباء فالأولى تأخذ فيزياء 202 مع ان رياضيات 202 مهمة وتفتح مواد 203 و 204 وهذي المواد تفتح مواد في الكهرباء بس الأولية للفيزياء 202

ملاحظة :
انت روح بنفسم على الاودس حقك وشوف الخطة الدراسية للقسم وشوف رياضيات 202 اش تفتح وفيزياء 202 اش تفتح واحكم بنفسك ...