أرخص أسعار الكتب

[Class of 11]

السلام عليكم، بدأت ده الموضوع عشان كلنا نستفيد من بعض فاللي يشتري كتاب يكتب لنا اسم الكتاب وسعره ومن فين اشتراه عشان نقارن وما يتنصب علينا لانه افتكر في التحضيري كان ناس تجيب الكتاب ب 100 وتانيين يجيبوه ب200. ارجو التفاعل والإفادة والاستفادة يا أطباء.

[د. هدّولا]

- طبعاً مكتبة خوازرم أسعارها كويسة بس أحيانا تبيع الكتب أغلى بشوية من المكاتب اللي برا , بس اسمه أنها تفك أزمات للي مايقدر يشتري من برا..
أنا اشتريت كتب الأناتومي من مكتبة تهامة وكانت أرخص من خوارزم بفرق أظن 40 أو 50 ريال ..
ونصيحة لحد يقرب من جرير لأنه من جد أسعارهم غالية ..


- للأشخاص اللي مايفرق معاهم جديد أو لأ واللي أسعار الكتب غالية عليهم ممكن تستعينوا بمكتبات تبيع كتب مستعملة , أنا أعرف وحدة في مكة اسمها مكتبة شمس العلوم وأتعامل معاهم عندهم كتب طبية كويسة ونظيفة وتوصل أسعارها ل 50 أو 60 ريال يعني مررررة فرق بس عيبهم أن مو دايما تحصلوا الكتب اللي تحتاجوها يعني بالحظ ..
وفي جنب الجامعة مكتبة الكتاب المستعمل عندهم كتب طبية برضو للي حاب يسألهم 026011777
ودا عنوانهم " حي الجامعة لون لوحتها أصفر وكبيره اللوحة على اليمين بجنب الورشه وجنبها صيدليه ومكاتب خاصه بتعبئة الاحبار "

[JuStice]

.

وعليكم السلام ورحمة الله وبركاته,

حسب رأيي أفضل مكتبتين لشراء الكتب الطبية: مكتبة المريخ -شارع الستين- ومركز الكتاب الطبي -مقابل الجامعة مول-.

ولحد يشتري من جرير لأنهم يرفعوا الأسعار لأقصى درجة, لسا قريب رحت اشتريت كتاب من المريخ.. كان سعر الكتاب الأساسي 150 لكن عملوا لي تخفيض طلاب وصار 129.

وبعدها بفترة زرت جرير ورحت قسم الكتب الطبية ولقيت سعر الكتاب نفسه بـ 219!!

مكتبة تهامة اشتريت منها كتاب مرة, وكان سعرهم كويس لأني أتصلت على باقي المكتبات وقارنت الأسعار, وميزتهم وقتها إني لقيت عندهم الطبعة الجديدة من الكتاب دونًا عن باقي المكتبات.

للاتصال والاستفسار:

مكتبة المريخ (6524682 - 6524935)

مركز الكتاب الطبي (6870080 - 0503009022)

مكتبة تهامة (6970690)

.

[M!SS Lara]

جستك ود.هدولا مرة شكرا..

امس نزلت جرير لاشتري طابعة وبعدين قلت خليني امر على قسم الكتب الطبية ومرة تفاجأت لقيت كتاب snell فوق الـ200 !!!!