تقرير عن مقابلتي الشخصية

[طبيب القلوب]

السلام عليكم و رحمة الله و بركاته ،، كيفكن شباب و صبايا ؟؟

المقابلة بصراحة كانت تافهة جداً ،، و الوضع " حبي" تماماً ،، و الدكاترة تأخروا من الزحمة اللي حصلت اليوم ،، هذا الموضوع سبب ربكة كبيرة في التنظيم ،، فقاصوا عدد الدكاترة اللي قابلناهم من 6 إلى 3 دكاترة " هذا لمجموعتي أنا " أما باقي المجموعات فما أدري ايش سووا ،، المهم ما أدري إلا و دكتور مصري قاعد يقول لنا مين عاوز يدخل يلا بسرعة ،، فاستغليت دهشة الطلاب من هذا التنظيم السيء و دخلت أول واحد ،، طبعاً كل الدكاترة متعاونين ،، ذحين نجي للأسئلة ( اللي اتذكرها ) :

س1 / ليش دخلت الطب ؟

س2 / هل في قبلك فرد من العائلة دخل الطب ؟؟

س3 / اش آخر بحث سمعته عن الطب ؟ ( كانت اجابتب هي الخلايا الجذعية ) فسألني اش تعرف عنها ؟؟ ( جاوبته اجابة كويسة لاني مفتكر )

س4 / هل تدخن ؟

س5 / لو لقيت مريض ينزف بقوة و اكتشفت ان بتر رجله بيوقف النزيف ،، هل بتقطعها و لا تتعاطف معاه و ما تقطعها ؟؟

س6 / لو دخلت عليك بنت بدون محرم تكشف عليها ؟؟

س7 / مين قدوتك في الطب ؟؟

س8 / لو قابلت مريض برا العيادة ووقاعد يشكي لك حالته و طول مرررة ،، كيف بتتعامل معاه ؟؟

س9 / هل يوجد سبب ممكن يخليك تترك الطب لو حصل ؟؟

س10 / اش هي الدورات اللي دخلتها ؟؟ و اش عملت في الاجازة ؟؟

س11 / هل شاركت في عمل تطوعي قبل كذا ؟؟

س12 / لو حصل خلاف بينك و بين مديرك ،، اش تسوي ؟؟

س13 / لو غلط عليك مريض ،، كيف بتتعامل معاه ؟؟

س14 / اش الاثر اللي تحب تتركه في نفس مرضاك ؟؟

س15 / اش اللقب المحبب اليك ( غير دكتور ) ؟؟


هذا اللي اتذكره فإذا نسيت سؤال يا ليت تكتبونه في الردود ،، و آسف على الاطالة

[sara g]

وكمان سألوني لو دخل عندك مريض رجل تعالجيه ؟
ايش نقاط القوة فيك والضعف ؟ ليه اخترتي الطب تحديدا وليس الصيدله او الاسنان؟
هل كنتي قائده ؟ لو طبقنا اساليب وطرق تدريس جديدة ايش رأيك وهل تقبلي ولا تمانعي ؟
لو قعدتي سنة في اليبت ايش تسوي ؟ هل ترأي ان المريض له الحق في اختيار طريقة العلاج ؟
ماهو الاثر الذي تتمنين ان تتركيه ؟

[GrayCode]

تشبه الإسئلة اللي جاتني .. إحسي تفلسفت :/ طمنوني هي عادي , كلنا إجتياز؟

ع فكره من ضمن الإسئلة .. هذا
إيش رأيك في شعار الجامعة جامعة بلا تدخين

هل برأيك تعاطفك مع المريض ح يأثر على قرارك؟

[طبيب القلوب]

يعطيكم ألف عافية ، ردود رائعة ،، و نبغى تفاعل أكثر

[Dr.MEEM]

والله الحمدلله مقابلة حلوة وعدت بخيرها وشرها
تفلسفت وتورطت في سؤالين بس عدوا الحمدلله

المقابلة كانت 6 محطات يعني 6 دكتورات وكل دكتورتين في غرفة
مو فاكره كل الاسئلة بس بقول الي اتذكره
1- ليش دخلتي طب ؟
2- ايش الاسباب الي تخلي الطالب يوقف دراسة الطب ؟
3- لو اعطيناك سنة كاملة فراغ ايش راح تسوين فيها ؟
4- ينفع تقولين للمريض العلاج او العملية ناجحه 100 % ؟
5- هل تتعطافين مع المريض لدرجة انه لو كان عنده عملية مهمه يسويها تستبدلينها بعلاج نظرا لمشاكله الماديه ؟
6- ايش اخر اختراع او اكتشاف طبي سمعتي فيه ؟
7- ايش هواياتك الي تحبين تسوينها ف وقت فراغك ؟
8- ايش المشكلات الي واجهتك في دراستك ؟
9- ايش رايك في شعار الجامعة بلا تدخين ؟
10- هل اشتركتي في مشروع في مدرستك او خارج المدرسة ؟
11- هل اشتركتي باعمال تطوعية ؟
12- لو دخلت عليك وحدا وسبتك قدام الناس كيف بتتعاملين معاها ؟
13- لو كان في مريض بس يشكي لك عن مرضه وضيع وقتك كيف راح تتصرفين ؟
14- هل يهمك راي المريض في الطبيب او الخطة العلاجية ؟
15- ايش هيا نقاط قوتك الي تميزك وايش هيا نقاط ضعفك ؟
16- صحباتك بايش يلقبونك وليش ؟
17- هل فيه قائد اثر فيك سواء من العصر الحالي او العصور القديمة ؟
18- لو المسؤول عنك ف العمل طلب منك انك تتعاملي مع موقف باسلوب معين وانتي شايفه
ان هذا الاسلوب غلط وماينفع ايش راح تسوين ؟ تنفذين الي قاله حتى لو مو عاجبك ؟
19- ايش الانطباع الي تحبين تتركينه للناس ك طبيبة ؟
20- هل ترضين انه تكشفين على حالة مريض وليس مريضه ؟
21- لو جاك مريض عنده الايدز هل ترضين انو تكشفين عليه ؟


وبس هذا الي فاكرته حاليا
بالنسبة للزحمه انا مرا مستغربة الوضع اخاف يكون كل يوم كذا
يعطيك العافيه اخوي وان شاء الله يفيد الي عندهم مقابلة بكرا