محاااااااااااااااااااسبة 101

[ghada66]

السلام عليكم
ياجماعة ياااا مشرفين يامتخرجين



-
-
انا رسبت في المحاسبة 101
الاختبار كان مدري وش يحس
اول مره ارسب في التاريخ والمشكلة وانا في القاعة واحدة من البنات تقول
هاذي ثالث مره اختبر محاسبة وارسب وش سالفة هاذي المادة
اذا احد يقدر يعلمني وش اسوي وش تاثيرها على المعدل اذا انشاللى جبت درجة حلوة الترم الثاني
س1 اثار الرسوب السلبية على المعدل والدراسة بشكل عام؟
س2متى يكون اختبارها وكيف اختبرها وطريقة الاسئلة ؟
س3 اقول لاهلي ولا ماقول مايحتاج لانهم بيزعلون ويتكدرون؟
س4 مرتبة الشرف بما انها راحت علي عادي ولا كانت ضرورية؟

ياليييت احد مجرب الرسوب يشرح لي بالظبط ويعلمني وش اسوي مع العلم اني درست المادة مع مدرسة خاصة بس المادة صعببببببة

[محمدالزعبي]

الماده تنزل المعدل وثالث مره تختبرينها لاتدخل بالمعدل

[ghada66]

لا مو انا ثالث مره اختبرتها وحده من البنات في القاعه
انا اول مره احملها
متى يكون اختبارها مع باقي المواد عادي ولا لها اسبوع خاص المواد المحمولة

[ولد ملهم]

انصحك بطلب مراجعه ورقه الاجابه حقتك لانه قسم المحاسبه قسم لايصحح الاوراق ابدددد

[1haitham1]

الرسوب يلغي مرتبت الشرف

التوفيق للجميع

[هاي كوالتي]

المشاركة الأصلية كتبت بواسطة محمدالزعبي الماده تنزل المعدل وثالث مره تختبرينها لاتدخل بالمعدل

محمد ممكن توضح أكثر

الي فهمته اني يصبح حرمان للمادهـ ومافي فايده اذا نزلتها

[ghada66]

كيف اطلب مراجعة تصحيح ورقة الاختبار

[غرام اطفال]

انتي ومن يسمعك!!>انا نفس الشي رسبت فيها وخايفه لو اخذتها الترم الجاي احملها..
وش سالفة الرسوب هذي؟؟

[عيوني حزينه]

ممكن احد يفهمني يا شباب كيف المره الثالثه لا تدخل في المعدل لاني راسب فيها مرتين

[Vivaz~]

عفوا أخوي

المادة التي تحمل لايكون لها تأثير على المعدل بشكل قاطع
بحيث تعويض الدرجات بالمواد الاخرى قد ترفع المعدل وهي كالتالي

الرسوب في احد المواد الدراسية ولتكن المحاسبة اذا كانت من 3 ساعات
ستكون النقاط بثلاث نقاط اي ماتحت الستين ( اي الرسوب ) تحسب بمعدل 1 ولاستخراج النقاط نضرب المعدل في الساعات الدراسية المقرره للمادة اي 3 ويكون الناتج 3 نقاط في المادة المحموله

لو كانت لدي مادة اخرى بثلاث ساعات واخذت فيها 90 ستحسب لي بمعدل 4.75 ويكون مجموع نقاطها 14.25

ناهيك عن المواد الاخرى التي ستعوض تلك الزله في المادة المحموله وترفع المعدل ان شاء الله

باختصار لانستطيع ان نحكم أن المادة المحموله ستهوي بالمعدل طالما هناك درجات ممتازه في المواد الاخرى

عليكم ان تهتموا بالمواد الاخرى لترفعوا من المعدل ان شئتم

أما مااعرفه عن المادة التي تحمل لمدة ثلاث مرات ولاتحسب في المعدل فلم اسمع عن هذا ابدا

واي مادة تدخل في الجدول الدراسي يكون لها تأثير على المعدل

وفقنا الله واياكم