تجمع ♦ماجستير♦ الكيمياء الحيوية ~

[وتر الإحساآآس]

السلآم عليكم ورحمة الله وبركآته ♥

حبيت يكون لنآ تجمع في قسمنآ لكل الآستفسارات عشان مايضيع مع كثرة الموآضيع وكمآن يستفيدوآ منه الي حآبين يكملوا..

أولًا: مستجدة زيي زيكم فصحبتي جزآها الله كل خير وضحتلي كل شي


ثانيًا: الخطة الدرآسية









الموآد الي أضفتها::

الموآد الإجبارية::

توآصلات الكيمياء الحيوية مع دكتورة أماني، جربتها في البكالوريس ممتازة ماشاء الله وأنا مغمضة أخد أي مادة معاها

تقنيات تجريبية مع دكتورة آرشنا (الغنية عن التعرف)

الآختيارية::

تنظيم أيض مع دكتورة أماني..

فيروسات مع دكتورة آرشنا..


قالتلي تكفي أربعة موآد كل سمستر..


ثالثًا: حأتكلم عن الدكاترة شوية،،

دكتورة رويدآ معروفة شديدة

دكتورة هالة سنبل طيبة بس صعبة شوية

هاتان الدكتورتآن عمري ماأخذت معاهم شي، من كلآم البنات عنهم..

دكتورة نادية وهناء وقت تخرجي كانوآ موجودات فما جربتهم بس البنآت يمدحوهم..

دكتورة ميسون أحب أي مادة معاها طيييبة جدًا وحبوبة وتساعد الكل..

دكتورة أمآني بس آكتبوآ شرحها و100% إن شاء الله..

دكتورة آرشنا الكل يعرفها بس ماقيد جربتها < خدوا معاها أي مادة وإنتوا مغمضين وشعبها ماشآء الله دآيمًا فلّ..

رابعًا: الموآد

إن شآء الله إنهم سهلآت على حسب الدكتورة

بس مادة سموم دسمممممة جًدا


و بس دا الي عندي. إذا عرفت شي حأرجع أضيفو بإذن الله، والي يعرف يفيدنا الله يسعدهـ..


بالتوفيق لنا جميعًا يا رب

[Nahwally]

جزاك الله خيرا ،،، احنا لازم نخلص المواد في قد ايش؟ يعني ممكن اربعة اترام يعني سنتين ولا قبل ؟ والرسالة تاخدلها كم ترم ؟ عشان اخد فكرة كيف اقسم المواد وكده

[وتر الإحساآآس]

^
لو أخذتي أربعة موآد في ترمين وثآلث ترم خمسة موآد كيدآ تتخلصي من كل الموآد في سنة ونص وآخر سمستر يكون كآمل للرسآلة..

في بنآت ياخدوا ثلاثة موآد كل سمستر كيدآ يتأخروآ بس عشان المعدل يكون عالي..


وفي بداية السنة حيكون في لقاء تعريفي الأفضل إنكم تحضروه عشان تتعرفوا على المواد والمشرفات..

[Esolicious]

أنا طالبة كيمياء حيوية لكن فرع الفيصلية فماعندي علم بالداكترة الي ذكرتيهم أبدا

رح أشراككم إن شاء الله السنة الجاية لأنو باقيلي سنة وأدعيلي وتر إني أجتاز اختبار المفاضلة لأنو هوا اللي مخوفني :(

والله يوفقكم ويوفقني

[وتر الإحساآآس]

^

آختبار المفاضلة لا تشيلي همه سهل سهل بإذن الله

راجعي كتاب لبن كوت قبل الاختبار بفترة وإن شاء الله 100%

وشوفي هنا كيف الأسئلة كانت

http://www.skaau.com/vb/showthread.php?t=788895

وفوق في البحث (أعلى الصفحة) اكتبي أسئلة مفاضلة كيمياء حيوية تجيكي أسئلة السنوات الي فاتت

أسئلة المفاضلة عامة وسهلة مهي متعمقة..

وربي يوفقك وييسير لك يا رب ونشوفك معانا بإذن الله..

[Esolicious]

^

الله يسسعدك والله ارتحت ممررة
ربنا يوفقنا جميعا حبيبتي

[نبض الحيآه]

جزاك الله خيرر

ماده تواصلات مافي غير شعبه وحده مع دكتور هاله

انتي نزلتي مع اماني ؟؟

[وتر الإحساآآس]

^

ايوآ أضفتها مع دكتورة أماني

الشعب الي تكون مليانة (فل) ماتظهر في القائمة

فإنتوآ دايما شيكوآ باستمرار

وأكيد قرب الدرآسة تلاقوا فتحت كم شعبة إن شاء الله

[ice box]

جزاك الله خير وتر الاحساس
بس بسألك اش رايك بدكتورة سوسن محاسني انا منزلة معاها مادة مناعة حابة المادة بس متخوفة من الدكتورة

[وتر الإحساآآس]

^

من أروع الدكاترة ♥

جدًا طيبة ومتعاونة