اريد دخول كلية الطب لكن .. !

[iwantthis]

السلام عليكم ورحمة الله
انا عضوه جديدة بالمنتدى ، سجلت طلبا للمساعدة منكم
انهيت الثانوية العامة - قسم علمي - ولله الحمد
قدمت على جامعة الملك عبدالعزبز ولله الحمد تم القبول لكن انقبلت مسار اداري موازي !!
بسبب موزوني ( 78.23)
عندي استفسار بسيط اتمنى اللي عارف يفيدني
هل استطيع التحويل الى مسار علمي ؟
لان دراسة الطب هي امنيتي وهي ملهمي في هذه الحياة
بس بما اني دخلت اداري محا اقدر ادخل الطب!
فعشان كذا ابغى احول ..

وشكرا مقدما .

[طالبة طموحةة]

وعليكم السلام ورحمة الله وبركاته
والله إللي أعرفه أنه مافي تحويل ادراي لعلمي .. بس فيه تحويل للانتظام .
فأنا اشوف إذا الطب رغبتك أدخلي ابن سينا او البترجي منحة داخليةة ..
ربي يسسرلك :)

[iwantthis]

انا سجلت اسمي انتظار في ابن سينا بس لحد الان مافيه أي اتصال منهم
فـأقدر احول لها ع الترم هدا ؟
ولا لازم اعدي الترم الاول ؟
لان بعزوز خلاص ثبت قبولي واخدت البطاقة الجامعية ومن الشروط عندهم
عدم الانسحاب الا بعد شهر من التسجيل :/

[iwantthis]

ياليت تفيدوني يـ جماعة
؟؟

[Razz]

السلام عليكم،
أول شي مبروك حبيبي القبول ورمضان كريم :$،
انتي اتصلي على عمادة القبول والتسجيل انك تحولي إلى مسار علمي موازي.
اعرف وحدة انحطت اداري وكلمتهم انها تبغى علمي موازي :$ فأتحولت علمي موازي..
شوفي هذا الرقم الموحد للجامعة يردوا بسرعة ومرا متعاونين.. اوقاتهم في رمضان من 10 الى 3 اعتقد..
8001169528
انتي شوفي جربي حظك والله يوفقك فين ما كنتي.. <3 <3

*كمان استغرب كيف انحطيتي موازي ؟ مع الفرز الثاني نسبتك تدخل اداري انتظام، فأتوقع عندك فرصة للعلمي موازي*

[قروشـ]

أحب اذكرك بحديث الرسول عليه الصلاة والسلام ( إعملوا فكل ميسر لما خلق له ) , كل التخصصات مهمة ومفيدة , ابحث عن مكانك المناسب وربي يوفقك

[Mirinoxd]

السسلام عليكم

اول شي شوفي رد الاخت راز وسوي زي ما قالت
ان مانفع
سجلي في ابن سينا وجيبي معدل عالي وحولي لعزوز
لان عزوز وابن سينا مرتبطين ونفس الخطة ويمديكي تحولي من إلى والعكس
بالنسبة للشهادة روحي للعمادة وكلميهم ان شاء الله يمشوها لكي ويختمو عليها خروج ويعطوكي اخلاء الطرف
انا لما سجلت قلتلهمم اني ابغا اسحب اذا انقبلت ف الجامعه الي ابغاها قالتي عادي نسحبلك هو ونمشيها لك
ربي يكتبلك الخير ف كل أمر