ممكن اتلقف شويا

[asma'a]

والله انا الحمدلله ماكرفت نفسي ولا حاجة^^..

بس رحتلي دورتين ومااستفدت منها كثير.. بسبب البنات كانوا مسويين رجة وهيصة.. فمافهمت.. وانا اصلا ماافهم لما يكووون ناس مررررة كثير^^..

فإنتي سوي اللي عليكـ والباقي على رب العالمين..

والله يوفقكـ خيتو ويسهل عليكـ..

ولا تقلقي نفسكـ.. وترى منجد الثاااااااانوي غير غير عن الجاااااااااااااامعة..

الثانوي احلى بكثير...

ادعيلنا ياحلوة^^...

واحنا حندعيلك طبعا^^..

بالتوفيق..

دمتـ بخير:)..

[فروته]

شوفي يا حلوة لو ما انقبلتي انتظام بالصباح حتنقبلي انتظام بالظهرية زينا هع هع عادي نفس الحكاية بس الفرق ندفع 8 الاف كل ترم اللي هو التأهيلي

المهم فالجامعة انك مرة ما تتركي المحاضرات لو فاتتك وحدة فاتك عمرك من جد ولا تمشي ورا كلام البنات امشي نفوت 5 دقايق امشي نشطب اخر محاضرة و انتي تعبانة و تقولي يلا والله حتكرهي عمرك يوم الاختبار الناس فاهمة وانتي زي الهبلة كنتي تلعبي ههههههههه

و كل كلمة تقولها الدكتورة معاك مرسامك و اكتبي ملاحظات عالكتاب او انك تجيبي دفتر لكل مادة تكتبي فيه ولما ترجعي البيت تقعدي ترتبيه بحبر و خط مرتب و ورق ملاحظات تلزقيه على كل درس بالكتاب

و اهم حاجة اهم حاجة لا تراكمي الدروس حتى لو بس ترجعي وتقري المحاضرة و تحاولي تستوعبيها و حتى لو ما حفظتي مرة مرة تمام بس حاولي تقريها كذا شويتين وتحفظي منها حاجة و تسوي خير لو تحفظيها كلها

وكل تشابتر اللي هو يعني كل باب من مادة خلصتوه روحي امسكيه كذا بيوم خميس والا ربوع و صميه و اشري على اللي مو فاهماه وروحي لدكتورتك بعدين قولي ماني فاهمة هذا و هي تفهمك

ابدا ابدا ابدا ابدا لا تراكمي الشباتر

وعلى فكرة ترى مرة طيوبين هم و مرة يساعدوا و اهم شي اسالي البنات اللي نفس خطتك بس مو بكلاسك لو عندهم معلومات و تحديد تاخذي منهم عشان تساعدي نفسك بالمذاكرة و هذا طبعا ايام الاختبارات

ومن بداية الترم لو حسيتي انه مانتي فاهمة من دكتورتك حاجة سيدة جيبي مدرس بالبيت لا تنتظري تفهمي عليها شي

هذا بالنسبة للدراسة

وعلى فكرة ترى كله بالانقلش احياء احصاء كيميا فيزيا رياضيات كله هع هع

وفي بالانقلش يدرسوك ماليزيات و هنود بس مرة خطيرين و شرحهم جنان

ولو تقدري بالصيفية الجاية تدخلي معهد محترم انقلش قبل لا تجي الجامعة ترى مرررررررررررة راح يفيدك

و الجامعة العلمي ترى تنقسم خطتين أ و ب كل خطة تدرس مواد

و الترم الثاني يتبادلوا مواد بعض

أ يدرسوا رياضيات فيزياء مهارات اتصال اساسيات الحاسب الالي انقلش

ب يدرسوا احياء كيمياء احصاء انقلش

الانقلش مو كتاب واحد

كتاب منقسهم قسمين ريدنق و رايتنق
وكتاب قرامر
وكتاب لسننق و سبيكنق
وكتاب اسمه e.a.p لونه احمر و في اخوه ازرق كمان معانا

وهذي المادة الاخيرة مرة هبلة احسن شي انك تحضري محاضرات استاذة ريم العمري فيها هي تسوي محاضرات كذا للي يبغوا

انا احسها مرة هبلة لاني مو فاهمة عن ايش تتكلم

هذا بالنسبة للدراسة

وابدا ابدا ابدا لا تخافي لو انك تكتبي اول باول و تذاكري اول باول

ترى مررررررررررررررررة معلومات بسيطة وتافهة و مكررة من ايام الثانوي
لو تدري بس اننا ناخذ اند و بت وين نحطها بالانقلش هههههههههه

بس المشكلة للي يراكم لانها كثيرة نوعا ما

وايش كمان في بالجامعة مممممممممم

مبنى العلوم سو نايس في كافتيرا و باسكن رووبنز و كل الناس حلوين و يناسو عليهم

بس حقون الامن اللي عند الباب يرفعوا الضغط

لا تطلعي جوالك الا جوات مبنى العلوم لو خرجتي فيه برى المبنى وشافوه معاك بيسحبوه يوم كامل << لو بكاميرا

اذا بتلبسي لاب كوت لا تفسخي العباية عند الباب بعد ما تدخلي المبنى حق العلوم فكيها

عشان السنة التحضيرية ما عندهم معامل المفروض ما يلبسوا

بس احنا نلبس لانها اريح هع هع


و بس

ادري اني رغااااااااية ههههههههههه

بس حبيت افيدك و يا رب تنورينا

ولو اني حتصيري السنة الجاية خطة ب باذن الله

ذكريني اديك كتبي يمكن تستفيدي منها حاجة

[ghadi]

طيرااااااااااااااااان جيت

ادري متأخرة

بس انا بقولك

نسبتك في سنة تانية مو معفنة انتي بس شدي حيلك في تالت و راح تشوفي العلوم الزينة

انا في تاني جبت 86(لظروووف) بس لما حسيت اني تعديت الخط الاحمر

شديت حيلي في تالت و جبت .... نسبة مرة حلوة
و نسبتي الموزونه كانت ممتاز

المهم
ما علينا
خلينا اقولك على القدرات

قبل ما تروحي الاختبار روحي اشتري قهوة من بارنيز و خدي لفة على البحر و شغلي قرأن في السيارة (طبعا دا الكلام راح يكون الساعة 5 الفجر)
يا سلااااام والله تروحي وانتي تمام و راح تحسي انو كل شي سهل

ترى الاختبار مو صعب .. بس الناس ينقصو بسبب الخوف
المهم

انا كنت في دورة قدرات ما استفدت من الكتب اللي اعطونا هيا بس اللي كان مفيد
انهم علمونا كيف نحل الاختبار وكانو بيعملو كويزات مررة حلوة
و علمونا على جو الاختبار
والدورة دي بيعملوها بنات الطب مرة لزوزات و طيبات و ان شاء الله راح يعملوها دي السنة
( لو عرفت موعدها اقولك)

شي تاني

استمتعي بتالت قد ما تقدري (بس وقت الجد جد)
اخرجي مع صحباتك .. زاكرو على البحر (ادري ما راح تزاكرو بس وناسة )

روحو الشلال يوم التلوت و خدو معاكم الكتب (اوعدكم راح تصيرو تريقة) ..بس لما تتزكرو دا اليوم راح تنبسطوا
.....
بس

دا ايملي يا عسل لو حبيتي تسألأي عن اي شيbonbonaih@hotmail.com

[Dr.Sosa]

هههههههههههههه

الله يسعدكم والله ردودكم مرا تطمن

إن شاء الله خير ^_^

تسلمو كلكم ع الردود الحلوه منجد

والله يوفقكم يارب

وياعسل حضيفك اقبلي الاضافة اوك

ومرا تانية تسلمو كلكم