الحقوووووووووووووني يا دكاترة الاسنان ..و خاصة اللي في مستشفى الجامعة

[ultraviolet]

السلام عليكم و رحمة الله و بركاته

اسعد الله اوقاتكم ...
اطباء و طبيبات الاسنان .... المحترمين
انا عندي استفسار تقريبا ليا سنة و انا اسال و لحتى الان محد جاوبني
تقريبا بعد اسبوع بالزبط اكمل سنة على فتحي لملف عندكم في مستشفى الجامعة قسم الاسنان
هم كشفوا عليا و شافو ايش اللي انا احتاجو و طلعولي بطاقة و ملف و اخدوا رقم جوالي عشان يدقو علي و يحددو معايا المواعيد
و الللللللللللله الى الان و انا استنى بفارغ الصبر المكالمة دي
فتحت الملف يوم 27 ابريل 2008 " ما نسيتو عشانو يوم عيد ميلادي "
و لحتى الان نفسي احد يدق عليا و يحدد موعد لبدء العلاج
مع العلم " اظن انو اسناني مو مرررررررة معدومة " بس بدي الحقها عشان لا تسوء الاحوال و تسوء اسناني بزيادة
نفسي احد يرشدني ايش اسوي دحين او يوصي عليا احد يمسكني عشان يعالجني لانو من جد احتاج الى اطباء ذو ضمير امثالكم
لانو ما سبت عيادة اسنان في جدة " الا و فتحت فيها ملف " و كل واحد يسوي انواااااع العلاجات " يعني معظمهم بدون ضمير " همهم الامور المادية
اللللللللللله يسعدكم دنيا و اخرة و يباركلكم في كل شي ساعدووووووووووووووووووني
محتارة ما اعرف ايش اسوي


اختكم
rugadi

[The WisdomTooth]

أفضل أختي أنك ترجعين لهم وتتابعين الملف لأنو أحيانا بينسوا مع ضغوط العمل وظروف المواعيد والله يعينك

[ultraviolet]

شكرا اخوية عالرد
بس اللي اخاف منو انو يشوفو حالتي بسيطة يقومو ياخروني و يقولو ما يحتاج " ازا كان الكشف على داك اللي سويتو قبل سنة "
لانو دحين حاسة اسناني زادت سوءا
لانو من زمان ما رحت عيادة اسنان من داك التاريخ على امل انو مستشفى الجامعه راح تعبرني و تدق علي
و لكن لا حياة لمن تنادي
و انا صراحة حاليا ما عندي وقت اروح استنى في المستشفى ساااااااااااعااااااااااااات بس عشان اشوف المسؤولين و اكلمهم
و هادا ازا رضيوا يقابلوني
شكلي حبطل من المستشفى دي و اروح عيادة خاصة بكلللللللل كرامتي

[υикиσωи]

يا بتي اتعوزي من الشيطان وسيبيهم دووولي ...

أسنانك ما شالله من اروع ما يكون ...

[ultraviolet]

نونة يا قلبي عارفة المثل داك
و ما خفي كان اعظم
او دا المثل اكيييد تعرفيه
يا ما تحت السواهي دواهي


دي الامثال تنطبق على حالة اسناني


و الله اللي يقهر انو اختي ما شالله من يوم ما فتحت الملف على طول عالجوها و تقريبا خلصت كل اسنانها و دحين صارت من احسن ما يكون " على قولهم ابتسامة النجوم "

انا اللي مصبرني انو سمعت من وحدة تقربلي انو هيا و بناتها سووا اسنانهم في مستشفى الجامعة و كان شغلهم ما شالللللللله "حريييييييييييف"
انا اتحمست و قلت اروح اشوف و اجرب
و يا عيني <<<< الى الان و انا استنى

كمان ازا بدك الصراحة " بدي اوفر على ابوية كم قريشات "
لانو يا ما دفع على اسناني و انتي عارفة انو السن الواحد بس قد ايش يحتاج

اخخخخخخخخخخخخ منهم دولي حق مستشفى الجامعه

الله يرزقني طولة البال و يخلي اسناني قوية

[υикиσωи]

<<< هع هع
طي خلااااص استني ازا انا انقبلت اسنان ان شالله
بعد 6 سنوات استني ..<<وقتها اصلا حيفتحولك الملف

[The WisdomTooth]

اللي يريحكي ياأختي

[ultraviolet]

يا سلام عليكي يا نونة نشمية و الله
ككككككك
" اصلا حاخليكي تلعبي باسناني "؟
و الله إن شاء الله تنقبلي و يصير اجيكي العيادة " مجاااااااااااااااااااانا"
يا سلام مرررررة حلو وفرتي عليا و الله
و ازا شفت شغلك مية مية .. اجيب العيلة كلها عندك كمان

[υикиσωи]

<<< هع هع .....
والهي انك ماتتعطي وش ..!.!
العيلة كلها ...!..!.!.!

[ultraviolet]

اجل خلاص طيب و لا تزعلي
نجيبلك " القبيلة" كلها