تفويض شخص لاستلام الوثائق مع التوصيات العلمية

[SalemOnLine]

السلام عليكم ورحمة الله وبركاته


الحمد الله والشكر تخرجت من الجامعة هذا الترم ، اسال الله تعالى لكم كل التوفيق

أخواني انا من سكان الرياض واعمل في شركة ترفض الاجازة في وقت رمضان ، لان هذا موسمهم للعمل ، حاولت ابحث حجز خلال هاليومين وماحصلت :( ،

عموما عندي استفسار ياليت الي عنده خبره ومر عليه يجاوبني ...

هل بالأمكان تفويض شخص بخطاب جهة عملي مع ختم جهة العمل فقط لاغير ؟ وهل بامكانه يستلم فيها الشهاده مع التوصيات العلمية ..

او هل بامكاني اجيهم بعد العيد واخذ الشهاده والأهم التوصيات ؟ ولا التوصيات بباجازة ؟


شاكر مقدر لكم

[st444]

الي اعرفه تقدر تسوي وكاله وتعطيه بطاقة الجامعه ويروح يستلمها عنك

[ابو مهدي 11]

يمديك تسوي تفويض ويستلم عنك كل شي

ويمديك تروح بعد العيد


كلها متاحه

معك الى نهاية شوال

واذا محتاج احد بجده راسلني ( فوضت شخص في جده وأرسلها لي بالرياض )

[دافور مع وقف التنفيذ]

انا نفس ظروفك بالضبط ،اتمنى القى احد يستلم الوثيقه مع تصديق الصور والتزكيات العلميه ويرسلها لي وله اتعابه مع الاجر من رب العالمين لانه فرج عني كربه

[ajlanmf]

عطيت ولد عمي بطاقتي الجامعيه وراح جده واستلم وثيقتي ووثيقته
ولا عطيته تفويض ولا شي
والتوصيه قالو بعد العيد


الدعوى سهالات

[واسم1]

وزعوا الوثايق ؟!

طيب من يفزع لي ولايجي يقولي بدون اتعاب


تحرجني كذا بس مابردك 😂

وش تبي بعد بدعي لك وبرمضان

[بدر حسن بدر]

ممكن اخدمك وبدون ماحرجك

[دافور مع وقف التنفيذ]

بحمد الله وفضله كلفت احد الاخوان في جده باستلام الوثيقه +السجل الاكاديمي+التزكيات عربي وانقليزي مع تصوير الوثائق وتصديقها وبعثها للرياض بواسطة فيديكس بسعر معقول وريحني من المشاوير
وصراحه يستاهل بيض الله وجهه لانه حريص و صار فيه خطأ في الاسم الانجليزي ورجع يعدلها لي
واسمه ابواحمد الصبحي واللي يبي رقمه يراسلني على الخاص

[ابو ريمااااس]

انا نفسك. ظروفكم






ارجوا. طرح رقم المعقب وجزاكم الله خير