يمه قومي ..

[ستأتي أيامي]

يمه قومي
الليل قرب
من يغطيني برموشه
لين أنعس ثم أنام

يمه نمتي!
ما حكيتي لي حكاية قبل أنام!
كيف أنام؟
أخاف أشوف أشباح بُعدك في المنام


يمه بكره
كيف أروح المدرسة
من يجهز لي الحقيبة
منين مصروفي أجيبه
يمه ردي
أحتري ردك بلهفه
وانتِ تدري
إني طفله .. حيل يتعبها الكلام


من يلم شعري .. من يسوي لي ظفيره
من يبشرني بجية خاله نوره
من يرتب لي كلامي قبل أجيها بـ احترام
من يعلمني على رد السلام


يمه بكره
راح يعطونا نتيجة لـ امتحان
وانا إحساسي بهاللحظه مُهان
كل سؤال .. كان عندي له إجابه
ما عدا هاك السؤال
وين أمك؟
تنتظر حزة رجوعك من زمان؟
تطفي جوعك لـ الحنان؟


كيف أجاوب وبأمانه
كيف أقول وبأي غصه
أمي ما عادت معانا
سمعتهم في البيت يقولوا ..
الله واختار الأمانه


قمت أدور في زوايا البيت عنك
يمكن ألقى ريحه منك
سمعت صوتك ينطق إسمي
قمت أدور والتفت .. لقيت حزني
في الزوايا .. في المرايا يمتحني
صوتك الغايب جرحني
وانتهك صمت المكان


يمه بكره راح أكبر واتزوج
من يجهز ثوب عرسي
من يعلمني ..
كيف على زوجي أمسي
أخاف أحلم
أخاف أصحى من حنيني
وحتى حلمي ما يبيني
بعد ما يفوت الأوان ..


يمه ردي
قولي إنك تمزحين
قولي إنك نايمه .. وراح تصحي بعد حين
يمه والله الموت قاسي
وانتِ تدري من زمان
صعبه إنك تتركيني وترحلين
ويش اقول
لما تسألني الوساده ..
وين أمك؟
أروح لـ القبر اللي ضمك
اسأله عنك واقلب تربته
يمكن القى فيه حضنك
واحس بشوية أمان ..


يمه قومي
وحشه صاير هـ المكان
الليل قرب .. وانتِ بعدك نايمه
روحي صارت هايمه
كيف أنام؟
وكانت ايدينك معايا تحتضني
كيف أصدق هالحكايه
كيف أصدق ..
إنك إنتِ غبتي عني
يمه محتاجه الـ حنانك
والله محتاجه الـ حنانك
وين أدور عن حنان؟..



الشاعرة ...
منتهى القريش

[سرجيف]

صح لسان قايلها وسلمت يداً نقلتها
بصراحه ذووووووووووق

[وفاء جدة]

يمه ردي قولي إنك تمزحين قولي إنك نايمه .. وراح تصحي بعد حين يمه والله الموت قاسي وانتِ تدري من زمان صعبه إنك تتركيني وترحلين ويش اقول لما تسألني الوساده .. وين أمك؟ أروح لـ القبر اللي ضمك اسأله عنك واقلب تربته يمكن القى فيه حضنك واحس بشوية أمان ..

يالله أثرت فيني جدآآآآآآ,,,خصوصاً هالمقطع ^
الله يعطيك ِ العافية باااش...نقل جدآآآ راااااائع
سلمت يداك ِ...

[ستأتي أيامي]

المشاركة الأصلية كتبت بواسطة سرجيف صح لسان قايلها وسلمت يداً نقلتها بصراحه ذووووووووووق

الله يسلمك أخوي ..
منور وهلا فيك ..

[ستأتي أيامي]

المشاركة الأصلية كتبت بواسطة وفاء جدة يالله أثرت فيني جدآآآآآآ,,,خصوصاً هالمقطع ^ الله يعطيك ِ العافية باااش...نقل جدآآآ راااااائع سلمت يداك ِ...

والله أثرت فيني كلها لو تشوفيني اليوم الصبح عيوني كلها دموع ..

الله يعافيكي ياقلبي ..
منورة ما ننحرمش الطلة الحلوة ..

[نانا99]

يسلمو

[ستأتي أيامي]

المشاركة الأصلية كتبت بواسطة نانا99 يسلمو

الله يسلمك

مع إني معتبرتها حركه عبط ..

[رغد محمد]

والله بكيتيني كثيييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي ر
قلبي وجعني بالمرة ....
عن جد احاسيس صعبة الواحد لما يشعر بها ...
خصوصا عندما يفقد اعزواغلى واحن وارق و...................... ملاك في هالكون "الام"....
والله اني اكتب ودموعي تتساقط وكأنها تسابقني في اظهار مشاعري ...
يااااااااااااااااااااااااااااااااااااااااااااااااا اارب احفظ امي لي ياااااااارب ...
ياشيخة استطعت اخراج اكبرخوف عندي في الحياة الا وهو "فقد اغلى انسانة على قلبي ...امي "
ياااااااااااااااااااااارب احفظها لي يارب وارزقني رضاها يارب ...
مشكورة ياقلبي على الموضوع الاكثر من رائع ...
الله يسعد هالشاعرة على الابداع الخلاق في وصف مشاعر الفراق المر ...
تقبلي مروري ...
رغودة ...

[توووbearooيتي]

ح ـــي بــآش بـنــبـض ,,,

تشكري ثم تشكري ,,

فلا ح ـب أسم من حب الأم ,,

[ستأتي أيامي]

المشاركة الأصلية كتبت بواسطة رغد محمد والله بكيتيني كثيييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي ر قلبي وجعني بالمرة .... عن جد احاسيس صعبة الواحد لما يشعر بها ... خصوصا عندما يفقد اعزواغلى واحن وارق و...................... ملاك في هالكون "الام".... والله اني اكتب ودموعي تتساقط وكأنها تسابقني في اظهار مشاعري ... يااااااااااااااااااااااااااااااااااااااااااااااااا اارب احفظ امي لي ياااااااارب ... ياشيخة استطعت اخراج اكبرخوف عندي في الحياة الا وهو "فقد اغلى انسانة على قلبي ...امي " ياااااااااااااااااااااارب احفظها لي يارب وارزقني رضاها يارب ... مشكورة ياقلبي على الموضوع الاكثر من رائع ... الله يسعد هالشاعرة على الابداع الخلاق في وصف مشاعر الفراق المر ... تقبلي مروري ... رغودة ...

سلامتك من البكا ياقلبي ..
الله لا يجيب ذاك اليوم ياشيخه ..
الله يطول في أعمارهم ويمتعهم بعافيتهم ويعوض كل محروم ..
اليوم الصباح اتنكدت والله بعد ما قرأتها
بس بجد كلماتها مره مؤثرة عورتني في قلبي مرررررره ..

حياك الله ياعسل ..