بخصوص انهم لغو التست بانك ادخلوو بناات كلكم خطة"أ" و" ب"

[شمعة الإيمان]

بسم الله الرحمن الرحيم


كيفكم ياقمورات ؟ ان شاء الله تمام كلكم

كيفكم مع الكرف والتعب والحررر

ماحطوول عليكم طبعا شايفين على حظنا للاسف انلغى التست بانك واحنا انظلمنا بهذا القرار لأن التست بانك كان مسهل مادة الاحياء جدا خصوووصا ان العروض اللي يبغونا نذاكر منها الحين كلها دش كلام ورسسومات ممكن مالها داعي بالاختبار ومع ذلك لازم نذاكرها

للي ماعندهم فكره عن التست بانك

التست بانك للاحياء كان فقط ورقه فيها300سؤال اختياري طبعا من ضمن ال300 اسئلة الرسومات وعلى الطالب حفظها وتجي زي ماهيا 30 سؤال منها

وبما انه انلغى ....

فإحنا مطالبين بالمذاكرة من عروض البوربوينت للاستاذه

وسلبيات عروض البوربوينت

1 دش كلام كثير
2 رسومات وصيغ كيميائية ماندري بتجي بالاختبار ولالا
3 ماندري كيف صيغة السؤال بتجي على هذا الدش
4صعب اننا نذاكر من اللاب وصصعب كمان نطبعها لان الشرايح مرا كثيره

يعني بالعربي بنجييب العيد بالاحياء وقهرر ننحرم من التخصص اللي نبغاه بسببه

وبصراحه مو شايفه اي ايجابيات للعروض اذا انتو شايفين قولولي !!

فاللي ابغاه نحط يدنا بيد بعض ونتفق على وقت معيييين ونررروح كلنا لعميدة قسم العلوم ونطالبهم انهم يرجعون التست بانك لأننا بنخسر درجاتنا وبننظلم وحتى بونس مافيه بونس : يعني درجات اضافيه من نشاطات معينه !!

وان شاء الله اذا شافو عددنا كبيررر بإذن الله يرجعووه لنا .. لأن السنه اللي فاتت لغو التست بانك بالترم الثاني وراحو نص الدفعه اتكلموو ورجعوو لهم التست بانك فإحنا كمان بيرجع لنا ان شاء الله

وخلووونا نتكلم من بداية الترررم افضل ..

ومعلومة : الجامعه كلنا عندنا بريك من 12 ل 1

يالله اعطوووني ارائكم وايش نسوي واي يوم واي وقت نروووح ؟؟!!
أنا بفرع السليمانيه

وبالتووووفيق للجميع

[لولو الشهري]

ايووه الله انك صااادقه وانااا معااكي نبغى اكثرر عدد من الطالباات ونتقابل عند بواابة كلية العلوووم

[شمعة الإيمان]

تمام تمام لولو

ننتظرركم بنات عشان نتفق ع الوقت بليييز نبغى عدد كبير نبغى ننقذ درجاتنا

[صدى الأحلام]

اوووووووف الغولكم التست بانك؟؟؟؟؟

بصراحة لازم تروحو وتتكلمو وتحطو يدكم بيد بعض لاني صراحة انا اعتبر التست بانك كان مرررررة مساعد وكانت الاحياء مادة رافعة للمعدل طبعا اذا ذاكرتو اول باول لانو مرررررررررة كان كتير لانو بالتست بانك تقدري تجيبيa+

الله يوفقكم ويسهلكم ويرجعولكم التست بانك يااارب ^^

[2pm]

تمام يصير يجتمعوا بنات الشرفيه ويكلموا المسؤولة في البريك

وبنات السليمانيه نفس الشي .. افضل نكلمهم يوم الاحد اذا يناسبكم

[شمعة الإيمان]

صدى الاحلام شااااااااااايفه كيف القهررر

اوووك 2pm انتي شرررفيه ؟؟ الأحد كوويس بس نشوف باقي البناات ونتفق ع الوووقت لازم نكون فاضييين كلنا

[2pm]

ايوه في الشرفيه وان شاء الله الكل يكون فاضي من 12 الى 1

حكلم كل البنات اللي اعرفهم ونجتمع عند المسؤولة في اليوم اللي يناسبكم

واذا طنشوا نزن عليهم لحد مايرجعوا التست بانك

[شمعة الإيمان]

لولو اضفتك بس بنات لاتحطووون البن بالموضوع يمكن يكون ممنوع مانبغى موضوعنا يتقفل اللي تبغى ترسلي خااص عشان نتواصل

احنا وقتنا مرا منااااسب ورانا ثلاث ايااام لين السبت نتجمممع كلللنا بأكبر عدد ونشووف الكل يناسبه الأحد ونتفق ع الوقت شرفيه وسليمانية

[شمعة الإيمان]

الحربي001 امييييييييييين يااااااارب وان شاء الله يرجعون التست بانك ونجيب 100

[ωâяd âlјσσяŸ]

والله هذا اللي لآزم يصير .. وأنا عندي أمل كبير في الله إنو يرجعوه بس ماينفع يلعبوا بأعصابنا كذا
مو عارفين نفتح المادة هآذي أبدن
وغير كذا ما ينفع يستهونوا إلين قبل الامتحان بكم يوم يقولوا رجع التست بآنك
نروح من بدري ونكلمهم أحسسسن
بكلم كل اللي معايا في الانقلش يوم الأحد إن شاء الله ونتلاقى عند مكتب رئيسة قسم الأحياء اللي ماني عارفه فينه
بس بسأل ونوصله إن شاء الله

بس ياليت نلقى تفاعل من الكل

بالتوفيق للجميع