رايكم في مواد الترم الثامن والاخير بإذن الله

[منصور الشمري]

السلام عليكم ورحمة الله وبركاته ...

كما هو واضح من العنوان حبيت انكم تطلعون على موادي الترم القادم
هي المواد الأخيرة إن شاء الله لكن هل هي جيدة او لا وهل سبق احد
اخذ شي منها ويأيدني بها !

الثقافة الإسلامية 401 هذي اجباري اخذها
الاستشارات الإدارية بعد إجباري اخذها
التحليل التنظيمي اجباري اخذها
تقييم البرامج الحكومية اجباري اخذها
إدارة المشروعات العامة ( اختيارية )
النظام السياسي السعودي ( اختيارية )
قن الاقناع ( حره )


عدد الساعات 20 ساعة مع العلم ان المتبقي لي 19 ساعة .

ارائكم ...

[اللة أكبر]

والله يالبناخي أشوف ان النظام السياسي السعودي سهولتها ماهي هكالزود انا اخذتها الترم الي رآح وجبت بالسبعينات والمطلوب الكتاب .. تأكد منها أكثر وبالتوفيق

[منصور الشمري]

الله يعطيك العافية اخوي على رايك ولازم اركز على هالنقطة الي ذكرتها ..

[ماني من أشباهي]

اغلب الشباب يمدحون النظام السياسي السعودي وفيه موضوع للاخ الزهراني راح يفيدك ، ناوي اخذها هالترم ان شاء الله .
ادارة المشروعات سهلة وحلوة لكن طلعت سندي نكب العالم بالتصحيح ونفس الحال مع تقييم البرامج .
الاستشارات جبت فيها 95 ولله الحمد ، فيه مذكرة للدكتور الخالدي منزلها الاخ نون العرب وفيه موضوع للأخ بتال القوس بخصوص المادة راح يفيدك ، وكذلك فيه ملخص على طريقة اسئلة واجوبة للأخ ماجد 2222 مميّز وينفع للمراجعة .
التحليل التنظيمي ما لك الا الكتاب واسئلة الاعوام السابقة والله يعين ع المزجاجي.
ثقافة 4 انا معك فيها هالترم ،
فن الاقناع اخذتها قبل ترمين ، مادة حلوة وسهلة .

[كلي غلا]

نصيحه إدارة مشروعات عامة لاتضيفها مادة دسمه جدا فحرام تاخذها إختياري *
عندك مادة الإتصال بالمنظمات مادة سلسه وتتكلم عن مواضيع روتينيه
تتكلم عن المقابلات والكتابة والتقرير ..
الله يسهلك ..

[منصور الشمري]

الله يعطيكم العافية اخواني وما قصرتوا على مروركم العطر
وسعدت برأي الجميع

[منصور الشمري]

يا شباب شكلي ابي استخير واغير ادارة المشروعات العامة فيه نسبة كبيرة الي يشتكون منها
ومن منهجها وان فيه مواد اسهل بكثير وشرايكم ؟؟؟

ابي مادة اختيارية مع النظام السياسي السعودي وش ترشحون ؟

[966]

المشاركة الأصلية كتبت بواسطة منصور الشمري السلام عليكم ورحمة الله وبركاته ... كما هو واضح من العنوان حبيت انكم تطلعون على موادي الترم القادم هي المواد الأخيرة إن شاء الله لكن هل هي جيدة او لا وهل سبق احد اخذ شي منها ويأيدني بها ! الثقافة الإسلامية 401 هذي اجباري اخذها الاستشارات الإدارية بعد إجباري اخذها التحليل التنظيمي اجباري اخذها تقييم البرامج الحكومية اجباري اخذها إدارة المشروعات العامة ( اختيارية ) النظام السياسي السعودي ( اختيارية ) قن الاقناع ( حره ) عدد الساعات 20 ساعة مع العلم ان المتبقي لي 19 ساعة . ارائكم ...

هلا اخوي منصور يالله حيه انصحك من واقع تجربه انك تاخذ حكومة إلكترونية بدل النظام السياسي صدق انها دسمه شوي بس حليلة

على فكره انا اللي اختبرت معك البحث وتقابلنا بالمطار :) عرفتني ولا لا

مع تمنياتي لك بالتوفيق

[ufh]d]

اخوي انا زيك في المستوى الثامن والاخير ان شاء الله

فن الاقناع مادة سهلة وخفيفة .. انصحك بها ..
الاستشارات الادارية يعني نص ونص .. يبغالها تركيز خفيف
التحليل التنظيمي مادة صعبة .. لكن الترم الماضي الدكتور كان متساهل بالاسئلة وان شالله يستمر نفس الدكتور
النظام السياسي السعودي لاتعليييييييييييييق
مادة متوسطة بس الدكتور لك عليه.


حبيت اسألك عن اجهزة التطوير الاداري .. كيف هي ؟

[منصور الشمري]

المشاركة الأصلية كتبت بواسطة 966 هلا اخوي منصور يالله حيه انصحك من واقع تجربه انك تاخذ حكومة إلكترونية بدل النظام السياسي صدق انها دسمه شوي بس حليلة على فكره انا اللي اختبرت معك البحث وتقابلنا بالمطار :) عرفتني ولا لا مع تمنياتي لك بالتوفيق

هلابك اخوي وما قصرت ع مرورك ، ما يحتاج وهل يخفى القمر
اجل يبي لي اعادة نظر بالمواد كلها ههههه انا المشكلة مذاكرتي وسط ولذلك
ماودي في مواد دسمه ومنهج كثير ابي شي بديهي