استفسار عن بعض المواد العامة .. افيدوني

[ماريان]

السلام عليكم ورحمة الله وبركاته

بنات انا مستجدة ونزلت مواد عامة وحرة

الثقافة الاسلامية المستوى الاول مع استاذة زينب حبيب الله

صحة الفرد مع استاذة نداء جنبي

اش رأيكم في الاستاذات كويسات والا لا .. ؟؟

*كمان انا نزلت بس 5 مواد كدا كفاية والا اضيف مادة كمان ؟؟

*وانا نزلت المادة الحرة بساعتين ايش افضل يكون عندي 3 طوال سنوات الدراسة 3 مواد حرة كل وحده بساعتين او مادتين كل واحده بثلاث ساعات .. انا سمعت انو ساعتين لأنو 3 ساعات تخسف المعدل لو كانت دسمة فاتمنى تشووروا عليا

انا بانتظاركم ياليت تردوا عليا اليوم عشان يمديني احذف او اضيف لأنو راح يقفلل الحذف والاضافة بكرا ان شاء الله

مشكوووووورين

[امااااااال]

الترم اللي فات أخذت صحة فرد مع نداء جنبي المادة دسمة شويه وتكاليفها متعبه شويتين بس الأستاذة عسل ومررة تراعي وتعطي بونس بالهبل وباقي المواد ما اعرف عنها ان شاء الله البنات يفيدونك

[نيكييتا]

زينب حبيب الله مرررررة متعاونة و طيبة ربي يسعدها

و كل الي اعرفهم اخذو مع نداء جمبي ابدا ابدا ما يمدحوها

و بالتوفيق

[ماريان]

مشكووورين ماقصرتوا يعطيكم العافيةة

طيب اش رأيكم انا اخذت مادة حرة بساعتين وفي بنات قالوا لي المادة دي مرة صعبة وراح اغيرها ان شاء الله
اش تنصحوني اخذ مادة بساعتين او ثلاث ساعات ؟؟؟

[ريمي1]

أفضل انك ما تغيري جدولك خصوصا المواد الحرة
لأن عدد ساعاتها قليلة وما راح تأثر كثير في المعدل اذا لا سمح الله جبتي درجة منخفضة فيها

[ملآك الكون]

انا اخذت دا الترم صحة فرد صح فيها تكاليف وان شاء الله تكون سهلة بس أبغى اعرف عن اسئلتها كيف؟؟؟