امثال شعبيه!!

[صقر الشمال]

اسعد الله صباحكم000000 مسائكم
انا من ملاحظتي عا القسم نـــــــــــــبض الحروف اشوف في خمول ماعرف شنو السبب!!
هل هو الناس ماتحب القسم اوبمعني الشعر وين المشكله انا بحاول اغير روتين القسم حتي نكون شعله القسم واكثر تواجد اختبارات وخلصنا منها
عندي فكري بطرحها عليكم وهي طرح مثل شعبي وكل عضو يدخل ويشرح معني المثل وبعدها يطرح لنا مثل بدون شرحه لنا وهكذا
طبعاً انا بسدح لكم المثل واول واحد يشرحه لنا يضع مكانه مثل اخر
وصلت المعلومه
المثل يقول00
عندك تاكل قال لا عندك تغرم قال ايه؟


يلا اشوف تفاعلكم وبدي اعرف امثال اول مره اسمع فيها

بالتوفيق

[سكون الورد k.a.u]

المشاركة الأصلية كتبت بواسطة صقر الشمال المثل يقول00 عندك تاكل قال لا عندك تغرم قال ايه؟

هذا المثل يضرب باللي مستعد للخساير ..

فيما يضرب هـَ المثل :

" وجه بن فهره "

[رحيل الذكرى]

اسعد الله صباحك يا اخوي

ومشكور ع الفكره الحلوه

هلا والله بالغاليه سكون اشتقتلج


المثل اتوقع معناه

(( مايستحي على وجهه ))

ودايم يخطي ومايعترف بخطأه ويجادل ولو كان غلطان
وبالمحلي مغسول وجهه بمرق


يعطيكم العافيه

[رحيل الذكرى]

دايماً اسمع هالمثل


( استر على ما واجهت)

ما معناه

[صقر الشمال]

^^ خبصت ^^

[صقر الشمال]

المشاركة الأصلية كتبت بواسطة رحيل الذكرى دايماً اسمع هالمثل ( استر على ما واجهت) ما معناه

الكلاام اللي دار بيني وبينك خلاص انتهي لاتحكي لحد فيه
-----------------------
مثل

الطول طول نخله والعقل عقل صخله؟

[رحيل الذكرى]

هذا مثل توبيخي يقال للشخص الطويل الأحمق فهو طويل كالنخله وعقله كعقل الشاة !!
وهذا المثل يشابه المثل العربي المشهور (كل طويل هبيل ، وكل قصير نقير)


مثل

(البعد بعد القلوب موب بعد الدروب)

[صقر الشمال]

المشاركة الأصلية كتبت بواسطة رحيل الذكرى هذا مثل توبيخي يقال للشخص الطويل الأحمق فهو طويل كالنخله وعقله كعقل الشاة !! وهذا المثل يشابه المثل العربي المشهور (كل طويل هبيل ، وكل قصير نقير) مثل (البعد بعد القلوب موب بعد الدروب)

نعم بعد القلوب بالكراهيه والحقد والحسد والبغض مو بعد الشخص عنك في المدن والمسافه
مثل\ من ضحك بثرمان ضحك بلي سن؟

[Brilliant Shores]

اممم زي اللي ماصدق على الله يتشمت ويضحك على خلق الله وكأنه مستني الزلة حتى يقطع اللي قدامه بالضحك


اللي بعده

" بعد ما أكل واتكا قال ريحته مستكا"

[الـــــــدلوعه نونــا]

" بعد ما أكل واتكا قال ريحته مستكا"

يضرب المثل للذين يعيبون على الشي بعد الاستفادة منه...


طيب...... مثل....

الأعور على العميان باشا .... اتحداكم تعرفون اش معناه ...