سؤال عن استاذات الأحياء والحيوي والكيمياء

[روآن..!]

السلام عليكم ورحمة الله وبركاته

ابغى اعرف احسن الاستاذات من حيث الشرح وكل شيء

بسأل بخصوص كذا مادة لأني لسه محتاره ايش اخد

نبدأ بالأحياء

الخليه..؟

الأحياء الدقيقة..؟

طيب الحيوي..

بالنسبة لايض 2....؟

طيب الكيمياء العامة 202...........؟

وياليت نبذه بسيطة عن كل منهج لأن مره خايفه من الترم الجي..

كمان ابغى المعدل يرتفع :(

ايوه صح سمعت كلام من هنا وهناك

انو عدد الساعات ممكن يلعب دور في رفع المعدل هل دا صحيح؟

ولا كلام نصب..؟

وشكراً

[R-Kh]

وعليكم السلام ورحمة الله وبركاته
...
الخلية
اخدتها مع د.صباح لنجاوي
كانت تجيب كم سؤال غريب
وعيبها انها لما تعمل اعاده تجيب نفس الاسئلة وطبعا اللي يختبر بعدنا يجيب فل مارك
بشكل عام طيبة وبنت حلال من جد
والاختبار النهائي جابتلنا 5 درجات بونس
...
الاحياء الدقيقه
ما اخدتها
بس لو نزلت مع د.سهيلة قاري خديها بدون تردد
...
ايض 2
د.نجوى الصاوي
بس بصراحه معاها تحفظي وما تفهمي
وتساعد كتيييييير
...
كيمياء 202
د.أمل فوزي
تفهم مزبوط
بس تحب الاسئلة الغير مباشرة
...

انو عدد الساعات ممكن يلعب دور في رفع المعدل هل دا صحيح؟

شي اكيد
...
بالتوفيق
..
:)

[M!Ss AmoOoLa]

ايض 2 د.نجوى الصاوي بس بصراحه معاها تحفظي وما تفهمي وتساعد كتيييييير ...

طيب هيا كانت تجيب لكم الأسئلة من السلايدات ؟؟؟

[روآن..!]

مره شكرا لكم

بس معليش r-kh

كيف يعني تأثر على المعدل؟

[R-Kh]

طيب هيا كانت تجيب لكم الأسئلة من السلايدات ؟؟؟

ايوه تجيبها من السلايدات
ولكن لازم تجيب كم سؤال مو موجود من الاصل في السلايدات
وتقول انه من المحاضرات
يعني مافي فهم بصراحة
كنا حفظ الكلام حفظ
وكنا نعاني من كمية الحفظ ليلة الاختبار
...

كيف يعني تأثر على المعدل؟

كل ما زاد عدد الساعات, مهما نقصتي محا يتأثر المعدل
لان عدد الساعات كتير
...
يعني لو 17 ساعة اخدتي ونقصتي في مادة كتير محا يبان في معدلك
لكن لو 11 لازم تركزي في المواد وتجبيبي درجات عاليه
,,
:)

[الملكة]

الخليه أخذتها مع دفريال مره خطيرة وتعطي بونسساااااااااااااااااات كثير مرةمرة تساعد ولاتترددي خذي معاها
والأحياء الدقيقه أخذتها مع دنجاح عبد الواسع كمان كويسه
أيض2 مع كريمه شرحها ممتاز لكن دقيقه جدااااااااااا بالتصحيح
وكيميا202 مع صفاء الجمل شرح ممتاز صراحه وأهم شي عندها الالتزام بوقت المحاضره
ان شاء الله أكون أفتك وبالتوفييييييييييييييييق....

[مشتاقه لك]

اتمنى التوفيق للجميع

[M!Ss AmoOoLa]

رهام والملكه مرره شكرا افدتوني كثير:)
إن شاء الله بأخذ الخليه مع استاذه فريال
..
انا ان شاء الله بنزل كمان كيمياء حيوية غير عضوية
مين افضل استاذه تدرسها ..؟
وكمان أحياء عامة (2)؟؟؟

[R-Kh]

المشاركة الأصلية كتبت بواسطة ~ m!ss amooola ~ وكمان أحياء عامة (2)؟؟؟

د.سهيلة قاري بدون اي تردد
تخرجي من المحاضرة وانتِ فاهمه كل كلمة
ويوم الاختبار يكون الحفظ مرررة اسهل لانك فاهمه كل المنهج
...
بالتوفيق
..
:)

[M!Ss AmoOoLa]

المشاركة الأصلية كتبت بواسطة r-kh د.سهيلة قاري بدون اي تردد تخرجي من المحاضرة وانتِ فاهمه كل كلمة ويوم الاختبار يكون الحفظ مرررة اسهل لانك فاهمه كل المنهج ... بالتوفيق .. :)

مرررررررررره شكراا
ربي يسعدك ان شاء الله حنزلو معها :)