يوميات....^_________^

[Life as Game]

المشاركة الأصلية كتبت بواسطة فخر النماص يوم الربوع كان افل يووووووووووووووم داومنا من الساعه 8 كان عندنا عربي دكتوووور غثا ومحسسنا انها بايو وطبعا كنت انا ومينووو معطينه اشكل وسوالف وكااااي المشكلة انه قفطنا اكثر من مرة وفي النهاية قومني وخلاني اجلس في الجهة الثانية وبعدها جانا بروف سعودي اسمه محمد الصاعدي حق سيكلز اخذ من 10 الى 12 بس والله ملك لو كمل ما كان عندنا مشكلة وكان عندنا بريك الى 1 وبعدها فسولوجي معظم اللكلاس سحب ما بقي الا عشرة تقريبا وبعدها رجعت البيت وغيرت ملابسي وبعدهااا سبرررررينت ع الاستراحة رحت لقيت قدامي مينو ويسوري وبعدها بدات الوفود تتوافد وقلبناها طايرة الين مغرب وبعد المغرب كسر رووس بعض الناس بلووت والساعة سبعه رحنا لملعب جنب الاستراحة ولعب من 7 الى 9 وياليتني ما لعبت لاني لعبت مع حوول الواحد يبغى الكورة شات ساقك رجعت وساقي فيها من الكدمات حق كسرين وبعدهااا تكينا الين عشرة وتكفل مينو الله يعطيه العافية انه يروح يجيب العشا وتعشينا ع الساعه 12 وبعدها تكينا الين الساعه وحدة في المجلس وبعدها رجعنا لعبنا طائرة ثلاث فرق وانوااااع الحمااااس وبدات الوفود تغارد بدء من الساعة ثلاثة كانت هذي ملخص طلعة طلاب med-north يعطيك العافية سرجووون وباذن الله تجد يوميات دراسية في الايام القادمة

الرد الوحيد اللي حسيت اني طبيعي لما قريتوا

لا اله الا الله ..ايش دا ..
الردود كلها صابتني بالقشعريرة ..اوووووووو
وحدة مثانة و واحد بروف ,..واحد يدخل الابرة ويطلعها << احس جسمي ينتفض
والمريضة تهدي الدكاترة ,,<< ايش الشر دا كلو
انا اكتر دكتور شرير مر عليا في حياتي ..في تالتة تانوي ,,
قزازة جرحت مشط القدم من فوق ووصلت للعظم ..
الموهيم لما وصلت للدكتور جالس يدخل الشاش جوا الجرح يعني كأني دمية يحشي رجلي بالشاش ,,
يقول ادا في بقايا زجاج خليها تطلع ,,
طبعا جالس يفتل الشاش جوا الجرح ..حسيت انو يسوي فيا مسحب ,,
قلت ..يالطيب حط بنج ,,
قال ما يحتاج ما راح تتوجع كتير ,.
ابويه كان واقف يتفرج ,,
فقلت للدكتور ,,احم احم خد راحتك ,,<< وانا من جوا ودي اصيح صيحة تصحي الاموات
الموهيم شويا بدا يخيط الجرح بدون بنج ,,

قلت مو كأنو يحتاج بنج ؟؟
جاوبني وابغى تتعرفوا على اسلوب بعض الدكاترة في التصريف ..
قال: طيب ابغاك تتحمل طقتين بالابرة وبعدها بأحط بنج ,,
قال : ياراجل لا يردك الا الابرة ,.لو كانت 3 طقات كمان ,,<< مسوي قوي
والاخ جالس يخيط في الجرح<< وانا جالس انتظر الطقات دي ..واشوف الخيط البلاستيكي يدخل ويطلع في جلدي
وصل كم غرزة ..و خلص العملية ..ولا شفت البنج ,,
بعدها قلت فينو البنج دا ,,
قال خلاص تقدر تروح البيت ,.,
ولا تنسى ابرة التسمم ,,<< شوفوا الندل
الموهيم الدكتور ترى ما كان سعودي ..يعني لا تعصبوا عليا

وبالتوفيق لكم في الدراسة يا دكاترة ..والله حاسس فيكم ,,27 ساعة مزاكرة
كل ما دقيت على واحد اعرفو يقول انا جالس ازاكر << شكلكم حتى وانتوا نايمين تزاكروا
الله يوفقكم ,,