ممكن اسم كتاب مادة اقتصاديات الصحه

[حافية القدمين]

ابغى اعرف كتاب اقتصاديات الصحه

وافضل ملخص ليها

وكيف الماده



بليز ردو

[M!SS Dreams]

الكتاب اسمو اقتصاديات الخدمات الصحيه

اشتريتو وما استفدت منو كنت اعتمد على المحاظرات اكتب مع الدكتور
الماده حلوه ماكان فيها مسائل ولاشي بس نظري
اخذتها مع الدكتور عبدالعزيز دياب اتوقع كدا اسمو
موفقه يارب

[مشاعر ولهانه]

لا تاخدي الكتاب ماراح تستفيدي منه
خدي ملخص هادي مره حلو
او اعتمدي على المحاضرات
المادة حلوه لا تخافي منها
واذا لازم تاخدي الكتاب انا اعطيك الكتاب اللي عندي

[حافية القدمين]

هل الماده علميه يعني مثل الاحصاء والمحاسبه

ولا نظرري؟؟؟




والله يوفقكم ويبارك فيكم ويجازيكم خيرا

[حافية القدمين]

وهل فيه ملخص واضح غير ملخص هااادي


انا مع الدكتور دياااب

[M!SS Dreams]

ياعسل الماده علميه بس الجزء اللي فيه مسائل
مو داخل ضمن المقرر لنا
اللي معانا كان الجزء النظري وفيه رسمات
لو فهمتيها كانك حفظتي القانون
الناتج الكلي والناتج الحدي والناتج المتوسط

الماده ما كان فيها اي صعوبه
انا ما اعتمدت على ملخصات
اعتمدت على شرح الدكتور وكل اللي كان يقولو كتبتو

موفقه يارب

[حافية القدمين]

تسلمين ربي ينور قلبك ويوفقك

[محمد الدوسي]

اختي حافيه القدمين المادة سهله جدا واللي مسهلها الدكتور عبدالعزيز دياب دكتور في غاية الاحترام صراحه.

عليكـ بعد الانتهاء من الكتاب بـ ملخص اخونا هادي كان شرح الدكتور نفسه اللهم ترتيب الكلام فقطـ لاغير .
وكذالكـ يوجد اسئله في قسم الملخصات للماده عليكـي بها وبأذن الله اعلا الدرجات.

[حافية القدمين]

اخوي محمد

الله يريح قلبك بدكره وطاعته

ويوفقك دنيا وآخره


ماقصرت

[{رًحَيِل}]

مادة حلوة احضري المحاضرات وملزمة هادي وفالك التوفيق خيتو