سؤال

[نوررره]

السلام عليكم كيفكم انشا الله بخير

انا ابغى اسالكم يمكن سؤالي غبي شوي الحين ايش الفرق بين خطه أ وخطه ب يمكن الفرق في المواد سمعت ان خطه أ مكثف واصعب وبعدين انا امنيتي طب بشري وانشاا الله ادخل واجتاز هذه السنه وويوفق الجميع يااارب ............

[Confused]

و عليـــــــكم الســــــــلام يا عســـــــــل ..
شوفي يا ستي ..
خطة (( أ )) يقولوا المواد فيها مكثفة بس لا تخافي
اذا انتي دحين خطة (( أ )) رح تدرسي الخطة (( ب ))
الفصل الثاني .. يعني يا ترتاحي بالاول يا ترتاحي بالاخير
و بس ..
و انا كمان ان شاء الله ناوية طب <<< بوجهي دا
و طب بشري كمان
الله يوفقك يا قلبوو و يوفقنا كلنا ..



With Love
Confused

[فروته]

هو عشان الكثافة السكانية بالجامعة
قسموا طلاب السنة التحضيرية خطتين أ و ب
والترم الثاني يتبادلون الخطط
يعني هي هي المواد نفسها بيدرسونها كل الطلاب نهاية السنة

[miss nony]

اهاااااا
الحين عرفت السآلفهـ <<< بدري ياأخت

يلا نشد بالاول ونرتاح بالاخير <<< تبغى ترفع من معنوياتها لووووووووول


يسلموو على التوضيح

بالتوفيق كلو نفر

[نوررره]

اشكر كل من رد علي الله يعطيكم العاااااااااااااااافيه ويحقق امانيكم ياارب

[wafa]

عندي سؤال اذا احد يعرف بلييييز

التسكين في الكليات من شروطه المعدل صح؟ في ناس تقول ان درجات امتحان القدرات والتحصيلي تدخل من ظمن التسكين في احدى الكليات بلييز

الللي يدري عن هالشي يقول الكلام صح ولا غلط؟

[east flower]

والله شي غريب أنا ماعندي أي فكرة غير إنو السكن للي يبغى ويكون من بره جده..

[فروته]

وفاء يا قلبي كلام جرايد زي ما يقولوا
مال امها دخل القدرات والتحصيلي بالتسكين بأي كلية تبين كله يعتمد على معدلك بالسنة التحضيرية

ايست فلاور هي قصدها بالتسكين مو السكن
يعني القسم اللي تختاريه بعد التحضيري
:‏)‏

[Confused]

east flower يا قلبووو ..
التسكين مو قصدها انه تروح تعيش بالسكن
التسكين معناته تخصصك بعد التحضيري ..
يعني ايش الكلية الي ناوية عليها ؟؟ و حسب معدلك يدخلوكي ..
هادا هو التسكين ..

wafa يا عســــل ..
و الله انا لمن كنت بأسجل بالجامعة قالوا ان الموزون رح ينحسب لانه في ناس
كثير و المقاعد محدودة .. بس الاغلبية يقولوا لا خلاص مافي ..
على العموم احسن شي انك تروحي بنفسك تسألي ..


With My Love
Confused