بنات أفيدوني ف أزمتي واللي درست هالمواد تدخل

[زوبا]

السلام عيكم ورحمة الله وبركاته
اذا ما عليكم أمر أحتاج مشورتكم
أنا حنزل هالمواد :مالية شركات و محاسبه حكومية و محاسبة تكاليف ومحاسبة متوسطة
ودي تساعدوني وترشحولي الأستاذات لأنو بصراحه حضي مع الأستاذات سيء


وووو بحكيكم عن معاناتي :
أنا درست السميستر اللي فات قانون تجاري مع أمل
باقيلي ف النهائي 20 درجة للنجاح و أنا متأكدة يا ناس أني جبت ال20 درجة ..
لكن للأسف جاني f و أكثر من مرا أروح لمكتبها علشان أراجعها و ماألقاها ..
يا بنات الى هالحين مصدومة ومو قادرة أصدق لأن معدلي كان فوق ال4 و بعد الf نزل ل 3
فرايكم يمديني أراجعها الحين وهل في أمل أنها تكون غلطانة وما تكابر وتعدل درجتي ..
و أذا مافي حأكون مضطره أخذها هالترم ف أنصحوني بأستاذة بنت حلال لأني تعقدت ..

[حروف البسمه]

بالنسبه للمواد والاستاذات تلاقي تجارب البنات في التجمع اللي عنوانه (هنا تجمع بنات المحاسبه حست في القروبات الثانيه)

اقرأي فيه وان شاءالله تستفيدي

وبالنسبه للقانون راجعي الاستاذه دامك واثقه من النجاح لا تسكتي عن حقك ابدا

وانصحك بأستاذه سوزان في القانون التجاري

[افناان]

ماليه شركات انا اخدتها مع سحر مهران مرا كويساا والباقي معرف عنها شي لسا حاخدها الترم دا

وقانون تجاري انا برضو اخدتها مع امل بس سمعت عن استازا اظن اسمها سوزان انو كويساا

وان شاءالله يفيدوكي البنات في باقي المواد ^^

[حلا الحربي]

آول شئ .. مالية شركات .. سحر مهرآن وأنتبهي من خديجة لآن المآده معها صعبه
و محاسبه حكومية .. إيمان قآري مرا كويسا
و محاسبة تكاليف .. سحر جبروني آنا أخذتها مع عيشة السيد بس مش ولا بد
ومحاسبة متوسطة .. أنصحك بصبآح الغآمدي ولو ان اسألتها شوي وتصحيها شوي بس كويسة

وحقك لا تسكتين عنه .. وأتوقع بترآجع معك الورقة وبتشوف إذا انتي وآثقة من حلك
بِ إذن الله بتعدين المادهموووققه

[زوبا]

مشكورين وما قصرتو
يعطيكم العافية

[مشاعر]

المشاركة الأصلية كتبت بواسطة زوبا السلام عيكم ورحمة الله وبركاته اذا ما عليكم أمر أحتاج مشورتكم أنا حنزل هالمواد :مالية شركات و محاسبه حكومية و محاسبة تكاليف ومحاسبة متوسطة ودي تساعدوني وترشحولي الأستاذات لأنو بصراحه حضي مع الأستاذات سيء

مالية شركات : نسمة حشمت تخرجك من المحاضرة فااااااهمة ومايحتاج تفتحي الدفتر مرة تانية
محاسبة حكومية :أنا اخدتها مع عهد زعيتر وكانت كوييييسة بس شوفي آراء البنوتات في ايمان قاري ود.انيسة تركستاني
محاسبة تكاليف :عندك ريم صقر راااااائعة ود.سحر الجبروني فوق رائعة
محاسبة متوسطة : برضو مع سحر جبروني تجيبي a+وانت مرتاحة
ولا تتعقدي ولاتخافي ترى القسم جميييييل بس شوية شدة حيل وحتمشي إن شاء الله
الله يوفقك ويكتبلك الخير

مشاعر

[زوبا]

يعطيك العافية و ربي يسعدك

[سسهر]

بالنسبة لقانون تجاري لا تسكتي وروحي راجعي الاستاذه بداية الاسبوع
لانو قريبتي جاء عندها في مادة حرمان وهيا اختبرت النهائي
ولما راجعت طلع انو اسمها سقط سهوا
ولو ماراجعت الاستاذة ماكان حتتعدل

والمادة حلوة مع سوزان انا اخذتها معاها